شبكة القناص - الموقع الرسمي للاعب ياسر القحطاني - عرض مشاركة واحدة

المملوح وصل · 18-04-2006, 01:55 AM

سلام ريحه مسك و ريحان لكل أعضاء منتدى قناصنا الغالي ..

هاذي بدايه لي في منتدى المجلس
أتمنى أنكم تتفاعلون معي فإن تفاعلتوا فمشكورين وما قصرتوا
إون حصل العكس فهذا شي راجع لكم <<<طيب ليش معصب
في يوم من الأيام ياسادة ياكرام
وفي بر من براري نجد الحبيبة <<<ارحم يامتعصب
طلعت أنا وسبعة شباب نبي نوسع الصدر ونبعد عن حكرة الشياب
وكل واحد فينا ما شا الله ينشد فيه الظهر>>>أبوك يالثقة
إلا واحد و هو ولد خالتي إسمه عادل خكري الله لايوريكم دلوعة أمه
و أول مره نعطيه وجه وناخذه معنا للبر و يا ليتنا ما أخذناه ما منه فايده
ويوم وصلنا بحمد الله رتبنا العزبة
و نصبنا الخيمة واستلمت الغدا و قعدت اسوي أكلتي المفضله

ألا وهي :

شفتوها شكلها يشهي العين وهي عبارة عن

قطع لحم غنم <<<أجل وش رايك لحم نعام مع مكعبات طماطم
و حلقات بصل وملح وبهارات على كيفكم ونحطها بقصدير
ونلفها زين وبعدين ندخلها في الجمر
الذي شارف على الإنطفاء وعلى فكرة نصيحة لوجه الله
للبنات و الخكاريه لايسوونها عشان ما تصير تفجيرات و حرائق ..

المهم وسويت سلمكم الله قرص البر <<<الله يا حبي له
سووا العجينة بشكل طبيعي بس انتبهوا ترى من دقيق بر تتصلح

ماهو من دقيق أبيض وتنحط بعدين على الجمر وتتغطى أيضاً بجمر ..

وفي أثناء انسجامي في إعداد الغداء جاني أخوكم في الله

اللي اسمه عادل وقال لي :

وش تسوي لاتقول بيتزا ياحبني لك تعرف وش أحب أكل ..
أنا ارتفع ظغطي من ذا الخكري
صكيته بغضارة جنبي : الله يقطع ابليسك يالخكري شايف بيتزا
ولا شايف قرص بر الشره ماهيب عليك الشره على من خذاك معه <<<إخسسس
هو : وانا وش دراني نفس القاسم المشترك اللي بينهم نفس
الاستداره و نفس اللون تقريباً قلت انا : اقول وش رايك تجيب
سبورة يالمصري وتشرحي هاذي المعادلة وش قاسم مشترك

وش استدارته رح لأمك الله يصلحك بس فشلتني الله يفشلك ..

راح السبيكه يفتح شنطته و يقرا دفتر الرياضيات حقه
وتلوموني فيه المهم سلمكم الله قعدت اطبخ الغدا
أنا و سليمان و باقي الشباب يلعبون كيرم ..

إلا و مر علينا ذاك الشاص اللي شدني إن اللي يسوقه حرمه
لا ومبرقعه إلا وأنا أطفي
الظو وأركب الهايلكس وأنادي الشباب ياهوووه حرمه
تسوق ذيك السيارة لحقناها يالله
<<< صدق سعوديين محرومين وحالتنا صعبة
وهات يا ملاحقه والحرمه في حال سبيلها ماتدري وش السالفة
إلا يوم قربنا من عندها
شغلت أغنية محمد عبده ( ماهقيت إن البراقع يفتنني )
وقلت لها : يا أكحل العينان طالعنا
<<< العن ابو مغازل تعرفه
إلا و الحرمه تدعس
و حنا وراها يوم شافت إن حنا مافقدنا الأمل وقفت سيارتها
ونزلت أنا قلت للشباب : ياهووه أكيد ذابت على خشتي
قال محمد : تكفى ياتوم كروز لا يكثر بس
خل ننزل نهبل بها شوي وياليتنا مانزلنا قالت الحرمه المزيونه :
خير انشا الله ماتستحون تلحقون بنات خلق الله انقلع انت وياه
ولا وريتكم شي ماشفتوه
<<< بالله عليكم هذا كلام بنوته
قلت : لا تكفين خوفتيني تأدبي يا مره ولا دفنتك هنيا
قامت بنت أبوها طلعت البندقيه من سيارتها و وجهتها علينا
وقالت : علي الحرام لو ماتمشون من ذا المحل لأرشكم كلكم
وأدفنكم ولا حد بيدري عنكم .. جاتنا ام الركب قام قال لي نواف:
خل نمشي احسن لنا من مغازل البران و الله ماوراه إلا الموت
و راح أعوضك بالمملكة إنشا الله إلا ومن رداة الحظ
مليون طعش ددسن جاي من بعيد حشا كل القبيلة فزعوا لها ..
إلا وننحاش والله لا يوريكم هات يا خوف
ويا عرق يتصبب ونوصل للخيمة ونشيل العفش
و نربط الخيمه مثل ماهي بالجيب ونسحبها ولا حسيت
إلا وأنا على الطريق السريع والتفت وراي وما ألقاهم أثر ..
اه الحمدلله والله لومسكونا كان رحنا فيها
وصار فيها قبايل ودم ودنيا لا ونبتلش بالخكري
اللي طول الطريق و هو قاعد يحل معادلات عشان
مايوقفه الاستاذ أنا اشك ان فيه عرق مصاريه بل أنا متأكد أصلاً
من اسمه عادل الحمد لله و الشكر ..

الزبدة :
- يعجبوني بنات البدو نشميات و قويات يعتمد عليهم و أخلاقهم فوق فوق .
- لا تصطحب معك أخي الشاب أي خكري يذكر
لأنك بتكره اليوم اللي انولدت فيه .
- التعاون هو أساس نجاح طلعة البر .
-لا تغازل تراه حرام أولاً و عيب ثانياً و يمكن تبتلش بوحده معها رشاش وتروح فيها .
-الشي إذا زاد عن حده انقلب ضده .
-جميع الأكلات التي ذكرت صحيه و ينصح بها الأطباء
<<< معجون أسنان خخخ
- الصور من تصويري يرجى الإنتباه وعدم الحسد. <<<واثق ما شا الله

آسف إذا كنت حركت شجون الشباب و الشابات اللي يحبون طلعات البر و أرجع و أقول إذا تفاعلتوا مع الموضوع مشكورين وما قصرتوا و إذا صار العكس فهذا شي راجع لكم .

طابت ليلتكم

18-04-2006, 01:55 AM	#1
المملوح وصل قناص جديد	الله لايعيده ذاك اليوم سلام ريحه مسك و ريحان لكل أعضاء منتدى قناصنا الغالي .. هاذي بدايه لي في منتدى المجلس أتمنى أنكم تتفاعلون معي فإن تفاعلتوا فمشكورين وما قصرتوا إون حصل العكس فهذا شي راجع لكم <<<طيب ليش معصب في يوم من الأيام ياسادة ياكرام وفي بر من براري نجد الحبيبة <<<ارحم يامتعصب طلعت أنا وسبعة شباب نبي نوسع الصدر ونبعد عن حكرة الشياب وكل واحد فينا ما شا الله ينشد فيه الظهر>>>أبوك يالثقة إلا واحد و هو ولد خالتي إسمه عادل خكري الله لايوريكم دلوعة أمه و أول مره نعطيه وجه وناخذه معنا للبر و يا ليتنا ما أخذناه ما منه فايده ويوم وصلنا بحمد الله رتبنا العزبة و نصبنا الخيمة واستلمت الغدا و قعدت اسوي أكلتي المفضله ألا وهي : شفتوها شكلها يشهي العين وهي عبارة عن قطع لحم غنم <<<أجل وش رايك لحم نعام مع مكعبات طماطم و حلقات بصل وملح وبهارات على كيفكم ونحطها بقصدير ونلفها زين وبعدين ندخلها في الجمر الذي شارف على الإنطفاء وعلى فكرة نصيحة لوجه الله للبنات و الخكاريه لايسوونها عشان ما تصير تفجيرات و حرائق .. المهم وسويت سلمكم الله قرص البر <<<الله يا حبي له سووا العجينة بشكل طبيعي بس انتبهوا ترى من دقيق بر تتصلح ماهو من دقيق أبيض وتنحط بعدين على الجمر وتتغطى أيضاً بجمر .. وفي أثناء انسجامي في إعداد الغداء جاني أخوكم في الله اللي اسمه عادل وقال لي : وش تسوي لاتقول بيتزا ياحبني لك تعرف وش أحب أكل .. أنا ارتفع ظغطي من ذا الخكري صكيته بغضارة جنبي : الله يقطع ابليسك يالخكري شايف بيتزا ولا شايف قرص بر الشره ماهيب عليك الشره على من خذاك معه <<<إخسسس هو : وانا وش دراني نفس القاسم المشترك اللي بينهم نفس الاستداره و نفس اللون تقريباً قلت انا : اقول وش رايك تجيب سبورة يالمصري وتشرحي هاذي المعادلة وش قاسم مشترك وش استدارته رح لأمك الله يصلحك بس فشلتني الله يفشلك .. راح السبيكه يفتح شنطته و يقرا دفتر الرياضيات حقه وتلوموني فيه المهم سلمكم الله قعدت اطبخ الغدا أنا و سليمان و باقي الشباب يلعبون كيرم .. إلا و مر علينا ذاك الشاص اللي شدني إن اللي يسوقه حرمه لا ومبرقعه إلا وأنا أطفي الظو وأركب الهايلكس وأنادي الشباب ياهوووه حرمه تسوق ذيك السيارة لحقناها يالله <<< صدق سعوديين محرومين وحالتنا صعبة وهات يا ملاحقه والحرمه في حال سبيلها ماتدري وش السالفة إلا يوم قربنا من عندها شغلت أغنية محمد عبده ( ماهقيت إن البراقع يفتنني ) وقلت لها : يا أكحل العينان طالعنا <<< العن ابو مغازل تعرفه إلا و الحرمه تدعس و حنا وراها يوم شافت إن حنا مافقدنا الأمل وقفت سيارتها ونزلت أنا قلت للشباب : ياهووه أكيد ذابت على خشتي قال محمد : تكفى ياتوم كروز لا يكثر بس خل ننزل نهبل بها شوي وياليتنا مانزلنا قالت الحرمه المزيونه : خير انشا الله ماتستحون تلحقون بنات خلق الله انقلع انت وياه ولا وريتكم شي ماشفتوه <<< بالله عليكم هذا كلام بنوته قلت : لا تكفين خوفتيني تأدبي يا مره ولا دفنتك هنيا قامت بنت أبوها طلعت البندقيه من سيارتها و وجهتها علينا وقالت : علي الحرام لو ماتمشون من ذا المحل لأرشكم كلكم وأدفنكم ولا حد بيدري عنكم .. جاتنا ام الركب قام قال لي نواف: خل نمشي احسن لنا من مغازل البران و الله ماوراه إلا الموت و راح أعوضك بالمملكة إنشا الله إلا ومن رداة الحظ مليون طعش ددسن جاي من بعيد حشا كل القبيلة فزعوا لها .. إلا وننحاش والله لا يوريكم هات يا خوف ويا عرق يتصبب ونوصل للخيمة ونشيل العفش و نربط الخيمه مثل ماهي بالجيب ونسحبها ولا حسيت إلا وأنا على الطريق السريع والتفت وراي وما ألقاهم أثر .. اه الحمدلله والله لومسكونا كان رحنا فيها وصار فيها قبايل ودم ودنيا لا ونبتلش بالخكري اللي طول الطريق و هو قاعد يحل معادلات عشان مايوقفه الاستاذ أنا اشك ان فيه عرق مصاريه بل أنا متأكد أصلاً من اسمه عادل الحمد لله و الشكر .. الزبدة : - يعجبوني بنات البدو نشميات و قويات يعتمد عليهم و أخلاقهم فوق فوق . - لا تصطحب معك أخي الشاب أي خكري يذكر لأنك بتكره اليوم اللي انولدت فيه . - التعاون هو أساس نجاح طلعة البر . -لا تغازل تراه حرام أولاً و عيب ثانياً و يمكن تبتلش بوحده معها رشاش وتروح فيها . -الشي إذا زاد عن حده انقلب ضده . -جميع الأكلات التي ذكرت صحيه و ينصح بها الأطباء <<< معجون أسنان خخخ - الصور من تصويري يرجى الإنتباه وعدم الحسد. <<<واثق ما شا الله آسف إذا كنت حركت شجون الشباب و الشابات اللي يحبون طلعات البر و أرجع و أقول إذا تفاعلتوا مع الموضوع مشكورين وما قصرتوا و إذا صار العكس فهذا شي راجع لكم . طابت ليلتكم التعديل الأخير تم بواسطة المملوح وصل ; 18-04-2006 الساعة 02:01 AM