عرض مشاركة واحدة
قديم 26-05-2010, 01:14 AM   #15
وطن دآكن ..!
. . : زعيم القناصين : . .
 
الصورة الرمزية وطن دآكن ..!
 
افتراضي رد: * موّت غيابك سوالف ~

يامجرمه وش سويتي باهلك بجد نشرتي الغسيل بأمانه بعد
وهـ بس ياسامي احسه بجد انظلم بهالموضوع

دام الدعوه كلها نشر غسيل وماعلينا بااحد وشسمه بنشر غسيلي مثلك ---> هي خاربه خاربه خلينا نعميها
الله لايعميينا عن الخير يارب




قريبه لي

ياهي تفقش ارانب وش كبرها ممكن تختلق عنك سالفه وانتي جالسه عندها وماعليها بااحد
يعني اذكر مره رحت معها السووق ويوم رجعنا الا وهي تقول لااختي انه شفنا ناس تضاربوا
ودنيا وحكايه ماادري من وين جات وهو لااحد تضارب ولاشي
المشكله لاقالت شي عني تسذب وانا جالسه مااقدر اكذبها واسكت وابلع العافيه




ابوي

ياحياتي الدنيا عنده سهاله وكل شي مو مشكله انظلم كثير وهو صغير ماارتاح بحياته ومع ذلك مااشال على اي احد
كل شي عنده خلك طيب مع الناس وسوي خير وارميه بالبحر رغم انه صغير سن لكن الشيب طلع فيه بدري من القهر
ودايم يناقر امي انه بيتزوج عليها يقول انتي كبرتي رغم ان كلهم صغار بالسن ..
انا عنده الكل بالكل واحيانن استغل هالمنصب رغم انه مافادني بس تسذا منظره




جدي ( ابو ابوي)

هو ببلد ثاني ويقول بس تعالي عندي وانا اخليك مديره مدرسه على كيفه هو يحط ويشيل
كلمته ماتتثنى واذا احد عانده يتشهد على روحه
مايحب يجامل ويعطيها كاش بالوجه اطلق شخصيه بالدوله ماتعوق معه مره متهاوش مع شرطي
ومسكه من يده الين ماوقف الدم فيها والشرطي يصارخ والعساكراللي حوله يقول فكه وهو يقول مانيب فاكه الين
مايجي اكبر واحد عندكم ويوم جاء الضابط وهو يفك يده مع انه شخصيه مالها منصب مهم من عامه الشعب يعني




خالي

عاد انا خوالي تحفه كل واحد يقول الخبال عندي --> استحي خوالك يابت

بس بجد حبوبين وفرفوشين واحد منهم فللله لاجيت انا وهو نخربها مره نسولف انجليزي ودخلت زوجته طبعا
هي ماتعرف انجليزي ويقول لي زوجتي بقره انا عاد دوروني فطست ضحك وهالمسكينه تقول لي وش يقول
قلت لا ولاشي الا وتنشب لي وش يقول حست بالوضع إن
قلت لا ابد يقول نكته ماسخه --> ادري ماتترقع بس وش اقول لها اقول ان زوجك يقول انتي بقره



سديم كبينا العفش عندك الله يصلحك
موضوع روعته من روعه اسم صاحبته بجد ابدعتي

التوقيع:
وطن دآكن ..! غير متواجد حالياً   رد مع اقتباس