<-- مضيعة الجمهور الهلالي ؟ * مرحبا كيفكم يا قناصين يا رب تكونوا عَ أتم استعداد للإختبارات عني شخصيا أنا معكم قلبا .. لكن قالبا اعذروني عاد لا أعرفكم ولا تعرفوني نجي لموضوعنا امم .. مدري رغم اني احس عالمي صغير إلا إني اشوف نفسي وسط كم كبير من الشخصيات يمكن يكون هالشي ناتج عن الفضاوة والتدقيق بخلق الله بس جد يعني فيه ناس احسهم كركتر مافيه مثله ابد يعني هيك مختلف مختلف ثم مختلف غريب .. مميز .. مدري اي المصطلحين أقرب وأنسب لهم بس عَ العموم هم الناس اللي ما تلاقين مثلهم في كل مكان موسوسين شخصية قريبة لي .. بمثابة جدتي إن جاز الوصف تعاني من وسواس قهري حد الجنون شي لا يصدق توسوس بكل شي حتى بكلامها في صلاتها في اكلها في شربها في تحركاتها في كل شي تسويه يعني وهي تصلي تقرأ الفاتحة كل آية ترددها اربع خمس مرات التكبير عد واغلط التسبيح المئة تصير مئتين ماهي استزادة لكنها وسوسة :/ والمشكلة اذا صارت في العبادات يعني يجي وقت صلاة العصر وهي لسه ما خلصت مصلية الظهر وكله من الوسوسه ماغير تعيد مش بس هيك اذا جات تهمّي تسمي مليون مرة قبل كل لقمة حتى اذا جلست جنبها اوسوس زيها اقول يا ربي انا سمّيت ولا لا وكله كوم واذا دخلت المطبخ كوم ما افوت تواجدها بالمطبخ .. انواع الملاحظات اسجلها يعني اذا جات تغسل صحن .. احس الصحن يتلوث من كثر ما تغسله مرة مرتين 3 / 4 .. 5 !! شي مرة يحزن المشاوير اذا تبي تطلع من البيت الساعة 5 العصر .. خليها تتجهز من الساعة 1 لأنها بتاخذ وقت مستقطع طويييييييل بوسوستها هو مرض .. بس خلاص انسى تتشافى منه حتى الباب اذا بتقفله .. تقفله ثم تفتحه وتقفله مرة ثانية وتسويها ثالثة كمان مافيش مشاكل كنا نحزن عليها .. بس صار هالشي يزعج حتى اللي حواليها الوسواس يخليها تردد الكلمة مليون مرة احيانا اسأل نفسي .. عائلتي مليئة بالعاهات ؟.. ولا أنا العاهة الوحيدة واشوف الكل بعين طبعي ! مش مهم .. عمتو ، شي احسه غريب ما لقيت مثلها إلا بابا ،.. كل شيء عندهم " مش مشكلة .. ما يخالف .. ما عليه ".. مافيه ردات فعل عنيفه يقابلون الظلم بصمت رهييييييب يكبتون كلش بس عشان يبقون ضمن الـ " طيبون " عمتي بالأخص .. خلوني انشر الغسيل بالله زوجها يتزوج عليها عادي ومافيش مشكله يسحب عليها وما يمر البيت الا يطل وهو واقف حتى ما يجلس .. وعادي ومافيش مشكلة كلمة زوجته الثانية ما تطيح الارض وهي كلمتها ما تطلع اساسا .. عادي ومافيش مشكلة وش ذاااا مابي الطيبة اللي زي هيك بالمناسبة .. ترى الشخصيات اللي زي هيك قابلة للإنفجار بأي لحظة وعمتي وصلت لهالمرحلة..انفجرت اخيرا - ياهي سفلت بزوجها اللي هو خالي ض1 < ومبسوطة كمان ؟ ض1 جدي ، أشرس مدخن على وجه البسيطة ما أخفيكم يملك لسان بذيء إلى حد بعيد انواع الشتائم والسب واللعن بـ لا سبب غالبا يعني لو حرمة تمر قدامه وتسلم عليه يرد السلام ويلعنها قسم بالله احكي جد لو تجي تقهويه مثلا قبل يشرب قهوته يدعي عليك بايعها وربي الغريب انو ما حدا يزعل منه ولو يجلد اللي يجون مجلسه .. ما يتركونه مدري وش محببهم فيه< تراه جدك ض1 احسني سفلت بعائلتي تقل ناوية اتبرأ منهم مين يتبناني ؟ض1 * مش بس في الأقارب وهيك حتى مع معلماتي كان عندنا معلمة دين ، بطبيعة معلمات الدين يصيرون لك مثل الهيئة في المدرسة بس هذي غييير تفلها والطالبات مش بناتها ولا خواتها .. لا ميانه تقل صديقتي من ايام الطفولة حتى في الملابس ض 1 المعلمات وأزمة التنورة الطويلة .. هذي كل ما تقدمنا في المنهج .. تنورتها ترتفع عن سطح الارض يعني عايشة الواقع مش محسستنا ان المدرسة عالم معزول عن الواقع مرحة تنط وتشط ما شاء الله عليها لبى هي في القناص النكرات في القناص قلّة صراحة مادري عاد اقول لسوء الحظ ولا لحسن الحظ المهم عندي مثال.. متيمة الهلال ، ششششششللووون تسسسسسذآآآآ سسسسسسآآآآآآممييي خقققققققققه * البنت غير .. حكيها غير .. فيساتها غير اقصد انها مسكت معها الفيس المصدوم > تستخدمه في جميع الأوقات .. مبسوطه ..حزينه.. تحب / تسب حكيت كثير لأني احب هيك اتأمل أحوال الخلق اللي يحب هالشي يجي ينتهج نهجي شخصيات صادفتوها لها طقوس خاصة تصرفات خاصة مفردات خاصة أشياء تلقينها فيهم .. ما تلقينها في غيرهم حالة اجتماعية يعيشونها انشروا غسيل معارفكم او حتى في النت اشخاص تلقينهم يتفردون بشيء في الكلام المفردات التنسيق هاتوهم وحشوا شوي * وبس ،.