سلام عليكم ورحمة الله وبركاته ..
لا أستطيع ان اخفي ودّي لكم 
ولا استطيع أن انكر معروفكم لي
أنا محبٌّ لكم .. وأتمنّى أن يماثل هذا الحب بالوفاء
هذا النص .. امتداد لجسور التواصل بيننا
هو بينكم الآن .. كونوا معه
ذكرياتك باقية .. أبقى من الإنسان
ذكرياتك راقية .. أرقى من النسيان
ذكرياتك .. لو بغيت اتذكّرك
ذكرياتك .. لو حكيت اتبشّرك
أنّك الشخص الوحيد اللي بقى له ذكريات
في عالمي المزحوم حبّ ومغريات
...............
هذا أنا .. واليوم ما يشبه الأمس
وان غابت الشمس .. جت بعدها شمس
أرفض شعور المدينة والصخب .. والوجوه اللّي يعكّرها التعب
والطريق اللي يبعّد خطوتي .. عن موعدي والموعد رحب
يا فاقدي طمّن شعورك .. أو اتركه لباقي غرورك
انا ان فقدتك صوت .. لا ما فقدتك همس
همسً يذكّر خاطري ..
أنّك الشخص الوحيد اللي بقى له ذكريات
في عالمي المزحوم حبّ ومُغريات
......................
يا آخر إحساس الصدور .. خذني على صدرك شعور
واكتب من شعوري سطور .. يجذب متاهات الصور
لا صرت تايه بين عتمات العِبر
إعرف أن هذي الطيور .. اللي تحوم لنفسها
ما ضرّها .. يا كود عندك حبسها
وافتح شبابيك الوعد .. جدّد مواعيد السعد
واجعل لصمتك شموخ .. ما عرف معنى الرضوخ
وانا اللي بحكي .. وكل حكيي
ذكريات ..
حتى تعرف أنّي أصدق من شعر
وانّك الشخص الوحيد اللي بقى له ذكريات
في عالمي المزحوم حبّ ومُغريات
(( الزعيم القرني ))