ندوش موضوع قميل قدآ اهنيك على هالذكا اجل اللذي كتب هذا بندر ذكرتيني بطفولتي استمتعت فيها مرررره كنت شقيه لأبعد حد اذكر اذا رحنا لملاهي نضيع اهلنا بالقصد عشان نتحرر من قيودهم وناخذ راحتنا وهم تضيع عليهم الطلعه كلها عشان يدوروننا ولانخلي لعبه مانلعبها خصوصا الخطيرات اللي اهلنا يعيون علينا فيها عاد اذكر من كثر مالعبنا خلصت تذاكرنا ولاودنا نرجع لاهلي ناخذ فلوس ونروح نسوي خطه رحنا للهندي حق اللعبه وسوينا عليه مسلسل قلنا حنا ناس مساكين وايتام وماعندنا ام ومشردين ويجي يرحمنا ويلعبنا ببلاش ياحوبي لوه ..صدق هندي واذكر اول ماطاحو بالانصيرات اخذينها ملاهي انا واخواني اذا رحنا للسوق طالعين نازلين حارس الامن هو اللي ينكسر ظهره وهو بلحقنا المسكين ..مايدري يمسك مين ويخلي مين .. ومره ابو جيراننا الله يرحمه كان شايب وكنا نستانس عليه يجلس على عتبة بيتهم يحتري الاذان ونبدا انا واخوي نقلد صوت الاذان ويصدق المسكين ويروح يصلي وهو مابعد اذن اخر شي كشفنا ههههههههههههههههه قال والله لاعلم ابوكم ياللي ماتستحون وخفنا حنا ودخلنا بيتنا وقفلنا الباب ولاعاد سوينا هالحركه معه بس اشوى مااعلم ابوي ياعساه بالجنه .. واذكر ابو جيراننا الثاني مايجيه عيال المسكين وكان يموت علينا واكثر شي اخوي الصغير عشانه ولد كان كل يوم يعطيه عشره واخوي كان صغير مايعرف للفلوس ويرميها عشان كذا كنا كل يوم نتهاوش عليها وانا وخواتي كل مره تاخذها وحده .. عاد بعد ماكبرنا وتنذكر هالسالفه قال اخوي طلعوا فلوسي انتي وياااه .. ومره ضيعت اهلي بالسوق بجده وكنت لحالي لو معي احد اخواني عادي يمكن ولاادري وينهم واقعد اصيح ويجي الشرطي وياخذني ويسألني وش اسمي وكذا وانا اصيح واقوله اسككككت يعنني مالي خلقه ويقول طيب وش اسمك اقول ابي ماما يقول طيب وش اسم ماما اقول ابي بابا حسرت به اخر شي شرالي فيشار وعصير سن كولا عشان اسكت واجي اقوله وين الصوره اللي بالعصير ويروح يرجعه ويجيب لي عصير فيه صورة اخر شي سكتت وبدا يسحب مني كلام لين عرفني وتكلم بالمايك وجو اهلي .. اخر موقف جا ببالي ايام فلوريدآ اذكر كنا بسكن امريكي تحكمه عجوز هي اللي معها سبير لمفاتيح الشقق كلها عاد انا واخوي جالسين نلعب بالتلفون ونجي ندق على الشرطه شرطتهم مافيه تفاهم حددو المكان وجو سريع سريع لمقر السكن مانسمع الا اصوات الشرطه برى ويطقون الباب وحنا متوحشين حتى امي ماتدري وش السالفه مافتحت وابوي كان بالدوام اخر شي جت العجوز ذي وفتحت لهم الباب ودخلوا فتشوا الشقه كلها مالقو شي وطلعو يااخذنا علقه من امي انا واخوي وبس