:: نص اللقاء ::
المذيع : الف مبروك ياسر .
ياسر : الله يبارك فيك يعطيك العافيه تسلم .
المذيع : نتحدث عن مجريات المباراه كانت المباراه حافله بالنديه من الطرفين
كانت الفرص الضائعه هو العنوان العريض لهذه المواجهه ؟
ياسر : اول شي الحمدلله رب العالمين اعتقد إن الفوز مستحق وتآهل مستحق من الهلال
المباراه أمر طبيعي إنه احنا ندخل بأعصاب تكون أبرد من الفريق النصراوي , الفريق
النصراوي كان بينا وبينه فارق 3 اهداف عشان يتآهل فـ إحنا دخلنا المباراه وتركيزنا
كان كامل على إنه نسجل إحنا نبادر بالتسجيل وهذا اللي حصل صعبنا مباراه فريق النصر
إحنا بعد الهدف اللي سجلناه حاولنا ان نكمل المباراه باقل مجهود نقدر نخلص فيه المباراه .
المذيع : نتحدث كابتن عن الدفاع الهلالي اللي ولج مرماه 7 اهداف تقريباً في مباراتين
كيف ترى هذا العدد الكبير اللذي يسجل في المرمى الهلالي الذي لم نعتد عليه من بدايه الموسم ؟
ياسر : طبيعي إنت تبي تسجل فوق10 اهداف فـ طبيعي إنك تأخذ 7 لانك إنت
فريق هجومي مهاجم تلعب في المناطق الخلفيه واحد ضد واحد فلو كنت تقبل
أهداف ولاتسجل هنا ممكن يكون في خلل لكن إنك تسجل وتقبل هذا أمر طبيعي .
المذيع : رادوي كان حزين بسبب البطاقه اللي تعرض لها كيف
كانت نفسيه رادوي بصراحه ؟
ياسر : أكيد إنه رح يخسر يلعب مباراه نهائي ورادوي لاعب مؤثر
لكن تاكد إن الهلال عنده ألف رادوي .
المذيع : ماهو طموح ياسر القحطاني الكل يتحدث عن الإمكانيات التي يقدمها ياسر
مع الفريق الهلالي الكل يتحدث لماذا لايحترف ياسر القحطاني لماذا لانشاهد ياسر
خارجياً أم أن اللاعب السعودي غير مؤهل ؟
ياسر : لا بالنسبه لي أعتقد إن تركيزي كامل ,الآن نحن البطوله الاولى اللي إحنا كسبناها
هي التشرف بالسلام على مولاي خادم الحرمين الشريفين وتركيزنا إنه إحنا نحقق البطوله وهي
الإنجاز الثالث لنا في الموسم هذا أيضاً تركيزي أنا مع زملائي هو تحقيق التأهل السنه هذي
إن شاء الله من خلال دور الـ16 بالبطوله الأسيويه وبعدها يحلها ألف حلال إن شاء الله .
المذيع : كابتن نتحدث عن الحضور الجماهيري اللي نشاهده حضور جماهير الهلال
بشكل أكبر في المباريات المحليه على عكس الآسيويه بماذا تفسر هذا الشأن
إن المباريات المحليه أصبحت اهم من الآسيويه ؟
ياسر : لا الهلال بالعكس يسجل أرقام قياسيه في الحضور في الآسيويه يعني ممكن تشوف
مباراه الهلال والكويت الكويتي في إستاد الملك فهد كانت مليانه ومليانه فل يعني في
البطوله الآسويه لكن جماهير الهلال دائماً ماتكون ذواقه وإختياريه في المباريات اللي
تحس إنه حتكون أو إنه فيها صعوبه للهلال أو الهلال ممكن يكون الورقه الرابحه
فيها فالجمهور تلقاهم أول ناس لكن من بعض المباريات ثقه الجمهور الهلالي
في لعيبته وفي فريقه إنه رح يكسب فـ يحبون إنهم يريحون ويشوفونها في بيوتهم .
المذيع : ونتركك ترتاح ياكابتن وشكراً لك .
لمتابعة فيديو وصور اللقاء القناص - هنا -
تقبلو تحيات فريق العمل
Yasser Media