يامجمَل المنصب أقول ألك مبروك
الله يبارك لك على ما كسبته
كل الجماعه يابيض الوجه هنوك
والطيب خطٍ في كتابك كتبته
يوم أن فعل الطيب ماهو بمدروك
ألا بمن طيبه من أساس نبته
شرواك مافي طيبته ريب وشكوك
راغبك طيبك وأنت فعلاً رغبته
علمَك فعل الطيب ياعبَـدالله أبوك
على الوفا ربَاك وأنت أحتسبته
والمنصب اللي فيه يالقرم حطوك
ماهو بهو ناصبك أنت نصبته
هذا كلام اللي من سنين خاووك
فعلك معك من وين رحت أصطحبته
خذيت بالطيبه عن العالم اصكوك
ودرب الردى من خلقتك ماقربته
هذا وأكررها ثمانين مبروك
فعلٍ بكفك يالسنافي كسبته
شكرا لصديقي .. حبيبي .. والسميي .. وزميلي Yasser Heart
17 / 5 / 1431 هـ
‘ .