تجين نفترق ؟
كل واحد يروح بطريق
تجين نلملم الماضي ورق
ونمحي منه .. كل ذكرى
تجين نتفق ..
ما نلتقي بكرآ !
تجين نهاجر مثل طيور
ونمنع امطارنا تهطل
ونخلي هالزهر يذبل
ونبني بيننا ألف سور ؟
يعني نتفق..
تجين نفترق ؟
تجين نغيب ؟
تكفكفي دموعك .. وأضمد جراحي
تقولين لي ..إنسى
..واقول ارتاحي
في المنفى
في المنفى
أنا بكون في المنفى
عن أفراحي
عن شعوري ..عن نشوة ارتياحي
لو أنسى
.. لو نفترق
وتجين نفترق
تخمد فينا نار الحنين
تنطفي للشوق شمعة
أو خلينا نكون أصدق ..
.. تذوب وتتلاشى .. هالشمعة
ونعيش في عتمة
نتوه في سراديب الأمل الـ ما عاد به همّه
تجين نفترق ..
ويعيش كلنا .. على بعض حلمه
والحلم !
.. علينا يااا حلمه !
تجين نفترق
وأرسمك على وجه البحر
أشوفك كل ساعة شفق
تجين نفترق
وما تشوفيني
... يمنعك الأرق
وبعد وبعد ..
ودك نفترق؟
تعالي نفترق
نتعااهد على النسيان
كل ماضينا .. مضى
واللي كان أبد ما كان
تجين نفترق
نضحك على بعض ؟
نضحك على بعض ..
نضحك على بعض ،.
لحظة ..
نفترق ؟؟
هِـهْ ،..
خانني التعبير ..
قصدي ..
نحترق ؟
- 