الحمدلله على كل حال أولا وأخيرا مازال الأمل باقي في الأياب بأذن الله ومانتهت الأنتر قدم مستوى كبير وأنتصر بعيد عن اعذار سواء كانت من السفر او الأخطاء التحكيميه عن نفسي تعودت اذا بتكلم اتكلم عن اداء فريقي ومستواه في الملعب واللي بقدمه لأن ولله الحمد لاعبينا كبار وحنا بعد تعلمنا منهم المتعه ولا نفكر بغير كذا سواء فزنا ! ولا انهزمنا ! بس المهم اننا نكون معهم على الحلوه و المره يكفي هالسنه ماذقنا الهزايم غير 3 مرات بعيد عن اشبيله لأن هالبطوله لعبنا بالصف الثاني بالذهاب يمكن هذي تكون أهم خساره لنا هالموسم لأن هزيمتنا من اشبيله واتلتيك وروبن كازان ماأثرت بالشكل الكبير لكن نقول مره ثانيه الحمدلله على كل حال مباراه البرشا قدم مستوى حلو رغم الهزيمه وقدم مستوى كبير خاصه بالشوط الأول بيدرو قدم مستوى حلو وخاصه بالتحركات للاسف الفيس علامه استفهام بكذا مباراه واخرها مع اسبانيول طرد وأمس مستواه تعبان وخاصه في التحرك ولعب الأوفرات .. التشكيله اللي بتلعب فيها يابيب دام ابيدال جاهز ليه ماينزل ؟ يعني لازم تشوف 3 عشان تنزله .. ضبط ايقاع الدفاع خاصه من جهة اليسار يعتمد اعتماد كبير على ابيدال ياخي ماكسويل دفاعيا سئ ! افهمها الله يوفقك .. والله ! وزجت الطين بله يوم تلعب ماكسويل هجوم ! ياخي هنري ياخي نزل توريه ! مكانه بويان عندك ! غريبه والله .. سالفة أنك تلعب بطريقة ريال اللي طبقتها ضد اسبانيول واللحين نفس الشي طايرلي بماكسويل هجوم .. ياخي ميليتو احتياط نزله وخل بيول ظهير اذا انت خايف على ابيدال .. شفت مافي حلول انا عن نفسي ,, تمنيت تواجد تيري هنري مكان ابرا كرأس حربه وليس جناح ولا تلعب بميسي عمق ! ميسي يحب يجي من ورى .. يمكن هنا الغلط انت . لو هبلتنا ولخمتنا نصفق لك وربي ! بس اذا اخطيت نقول اخطيت والشخص يوم يخطي ماهوب عيب بس العيب انه يستمر بغلطه .. ياليت تحط في بالك شغلة ماكسويل دفاعه جدا تعبان ! وهجوميا تعبان مايجي منه غير تمريره ! وحتى هالهدف اللي فرحنا فيه ماشفع له وربي ! ابيدال هاته وفكنا من حواقه .. ! تبقى كبير يابيب بس افهم ! هالمرحله ماهي مرحلة تجارب اللي عندك أنزل فيه ويكفي تجارب على حساب الفريق !! ماهوب عذر كل اللي صار .. بس حبيت اطرح كلام بخاطري للاعبين معي وهالشي خاص فيني ويمكن بداخلي شعور ان لفريقي هيبه بعيد عن مباراة البرشا والأنتر سالفة هزيمة برشلونه بأي مباراه معينه صار امر غريب يوم تفتح المسن تشوف الكل يجي ويتكلم .. برشلونه انهزم ! مو مستوعب لأنه بأخر سنتين ماسمع الا نادر هزيمة برشلونه وهالشي يحسب لعشاق الأنتر وخاصه ايتوو سالفة أنك تلعب موسمين كاملين على كل البطولات تجيب 6 ومن ثم تكملها ببطولتين اوروبا والدوري وسالفة الأتحاد الاسباني .. اللي كارف وضع البرشا سواء في هذي المباراه أو من قبلها .. سالفة البركان والسفر 24 ساعه برا .. وقبلها مباراه ديربي .. وقبلها مباراة ارسنال ذهاب واياب ومعها الكلاسيكو بنفس الاعبين ونفس الرتم ونفس المستوى تقريبا شي كبير وشي فوق الخيال .. بس لابد يجيك يوم وتهزم لأن الاعبين بالأخير بشر ولهم استيعاب معين ولهم طاقه معينه ولياقه ! والانتر نادي كبير استغل هالنقطه وموب عيب لو الأنتر يستغل نقاط البرشا وينتصر فيها .. ولا هو بعذر اللي قلته بس احاول ابرر للاعبين برشلونه ولعشاق برشلونه بالذات .. ان اللي صار المفروض ماينزعل منه ابد ! لان الاعبين قدمو كل اللي يقدرون عليه .. وخاصه بضغط المباريات اللي يعانون منه !! عندنا وقت بأذن الله نرتب الأوراق ونرجع في النو كامب وناخذ راحه وبأذن الله موعدنا الأياب اضحك ياجعل عيني ماتبكيك وراح نمشي معاكم للأخر هارد لك لكل برشلوني بدون استثناء ! وألف مبروك لعشاق الأنتر هالفوز اللي مافي اي شخص ينكره فوز مستحق بكل تأكيد !! الوعد هناك أقتباس Santiago '1902 أكن ليوزرك كل احترام وتقدير ولكن زي مانقول لكل شخص وجهة نظر بس سالفة التنقيص بحق بيب هذي لك عليها ياليت تكون واقعي ولاتخلي العصبيه تعمي عيونك .. من ناحية افضل مدرب بالتاريخ عن نفسي ماسمعت برشلوني قال هالشي .. كلمة كتب لنفسه تاريخ أو صنع له ولفريقه تاريخ ايه نعم ومافي شخص ينكرها ابد .. بيب كثير من ! المباريات يحوقها بس بالأجمالي مدرب كبير وله ووزنه .. ماابي ادخل بتفاصيل مورنيهو .. ولا غيره .. بس اذا تبي تتكلم عن افضل مدرب بالوقت الحالي .. بكل تأكيد كابيلو .. بس مافي اي شخص يقدر يستنقص من قيمة بيب الا اللي مايفهم كوره ولا اقصد شخص معين