.
جالسه بالصاله مع اخواني , أقولهم وش أكتب 
اللي يقول قولي انك حقنه وبزره واستيعابك بطئ 
واللي يقول قولي اخوي اطخم خخخ
أحس اني تحسفت مره اني ماجهزت للموضوع من قبل
توقعت ان بعرف أتكلم وقتها وبتجيني الأفكار
بس خلاص أحس مخي وقف مدري وش اتكلم عنه
الأفكار ماتجي مع الضغط :P
فـ بتكلم بعشوائيه شوي في هالرد بحكم ضيق الوقت 
ولأن بوه مباراه بعد شوي
,,
فهد 
اليوم العصر راجعين بالسياره وفهد اخوي جالس جمب السواق
هذا الانسان عباره عن انسان راضع شطه
عمره 10 سنوات وامي متنبأه ان بيجيه سكر خلال سنتين :P
قال لامي ابي اروح الملاهي ومارضت
وجلس يصارخ الا ترضين قالت خلاص روح بس انا من داخل موب راضيه
ويجلس يصارخ الا ترضين من داخل
ويوم ضاقت فيه الدنيا مسك الدركسون ولفه على جمب والسواق يسوق خخ 
والشارع مدري وش يسمونه اللي جهه سيارات جايه وجهه سيارات رايحه
ومره نايم ببيت عمتي وزوج عمتي ملتزم و له احترامه بين الناس
قومه لصلاه الفجر قام فهد يصارخ عليه يقوله يخي شدخلك انا اللي بدخل النار والا انت
والا يلعب مع ابوي ويوم تحمس قال انا أحسبك طيب واثرك انذل ماخلق ربي 
أيش الحل معه ؟ من جدد نبي حل
هو حليل ووسيع صدر وطيب وكل شي بس انه لاعصب ينسى نفسه :/
,,
أكثر شي يفرحني بالحياه
ويحسسني اني أسعد انسانه بالعالم
لما أركب مرجيحه 
اوف احس اني بتشقق من الوناسه , احس ان مافيه احد مثلي بالعالم :p
< مدري وش يبي ذا البارت
,,
هذا برنت من درجاتي السمستر اللي فات
والله اني شنبه
10 مواد غير الدوام بالمدرسه من الصباح للظهر
ودرجاتي كويسه
بس خربت علي الكيمياء
اللي للمره الثانيه أحملها 
ليش بنات جامعه سعود تربيه خاصه مايدرسون كيمياء وفيزياء وحنا ندرس ؟
,,
سوو لي قضيه على هذا اللوقو
حطيته بورقه عمل كنوع من الزينه
قالو انه مايناسب ويسبب رعب ونفور للطالبات ومدري وشو
والله انه كيوت 
,,
هذي البنت اللي طموحها تشتغل بمشغل
,,
انا انسانه لما أذاكر لازم أكتب
مستحيل تدخل معلومه براسي بدون ما أكتبها
وهالشي له عيوب وله مميزات
مميزاته ان المعلومه مستحيل تطلع
واني من عرفتني ماعمري راجعت
وعيوبه تضييع وقت واصابع تتكسر وخساره اوراق 
دفتر بو 200 أكبر حجم
يحلفون ان مافيه ولاورقه فاضيه الحين
من الجهتين ورا وقدام حتى غلاف الدفتر مكتوب فيه
طبعا هالدفتر استهلكته ايام اختبارات الثانويه العامه
دفتر كامل كتبت فيه خلال اسبوعين بس
ياسفابه التعب
,,