. بارت صغير للشعر والطرب ، ببداها بالشعر وطبعاً البدر بيكون بالصداره غير انه ملك الكلمة يقدر يطربك بقصيده ويوصلك احساس كلماته من أول قراءة لها ، احس لما أكون طفشانه وابي الوقت يمر افتح ع الموقع حقه واجلس أقرا او افتح اليوتيوب واسمعه أحب سعد علوش وابن فطيس أحب قوة شعرهم و الأفكار إلي يتبنونها .. ابن فطيس تعجبني أفكاره البطله البيت الواحد عنده بالنسبه لي عن قصيده كامله ض2 اما في الغناء عبادي الجوهر يطربني صوته المُخملي و روقان احساسه إلي يوديك لبعيد أقدر اعتبره من أصحاب الأغاني إلي ماتموت تجدد معك كل ماسمعتها مثل قالوا ترى ، وعيونك اخر امالي وفي الفتره الأخيره خاقه مع الصبرر مالي انا الا الصبرر ، يروق لي كاظم واغانيه أحس لما أسمعه اني من كوكب ثاني ، و يعجبني اختياره المبهر لأحسن ماقال نزار .. اتجسد بكل كلماته وانطرب بالحانه ما انسى أكيد فنان العرب له اغاني كثيرة تجبرني اضمه لقائمتي ، بالمقابل ماتعجبني الأغاني القديمة مثل اغاني أم كلثوم وحليم او لأن ماحاولت أسمع لهم بس قريت كلمات لبعض اغاني أم كلثوم وراقت لي ممكن تكون أفضل لاسمعت لها بعدين movies جوو المتعة والإثاره , أحس به في عالم هوليوود أقدر أغير العبارة الشهيره بأن الكتاب صديق الانسان وأبدلها بالأفلام ( غذاء الروح ) , محد يقدر ينتشلني من حالة الملل والطفش سوى أفلامي الجميله , وفائدتها العجيبه تتضاعف اخر الليل وأيام السهر طبعاً وايام الاختبارات خخ يا اني بثرت للعالم عشان يحملون ذا الفلم خخ الفلم وثائقي يتكلم عن شخصيه عظيمه ماودي اقولها او اتكلم عن الفلم واحرقه بس بتكلم وش سوا فيني ذا الفلم احس ابي اصير شخصيه اميتاب فيه ابي أسوي زيه انصح كل احد ماشافه يشوفه , وبيدعي لي My Name Is Khan فلم هندي برضو وعلى فكره ( ترا بوليود موب جوي ابد يمكن بس هالفلمين اللي شفتهم لهم ) ماحسيته واقعي واجد اللي حبيته فيه شخصيه خان وفكره الفلم حبيتها أكثر بارت حبيته فيه واحسه مسك معي لما أم خان رسمت له رجالين واحد ماسك عصا وواحد مسكين قالت مين الطيب والشرير .. وميز الشرير ابو العصا وبعدين مين المسلم والكافر ؟ قال كلهم يتشابهون فكره حلوه ان مانحكم ع الناس الا من جوا My Sisters Keeper اكثر فلم صحت عليه شفته مرتين وبرضو صحت في المره الثانيه مره عور قلبي الفلم احسه مؤثر وقريب ويحسسك بالواقع اللي يتكلم عنه كأنك عايش معهم The Shawshank Redemption بطل تمنيت ادخل السجن من بعده Rain Man اكثر شي لفت انتباهي بالفلم الحاله اللي فيه يتكلمون عن حاله غريبه من التوحد اذكر بعد ماشفت الفلم بحثت عنهم وشفت فيديو لناس يعانون من هالمرض مرو فيهم على مدينه بالطياره وقالو لهم ارسمو الشي اللي شفتوه رسمو كل تفاصيل المدينه , الشارع , الناس , الرجال وين كان واقف بالضبط نفس الكام Orphan الله يضيق صدر العدو هالفلم ولا أفكر اشوفه مره ثانيه انواع المعاناه والتعب النفسي حقيره البطله بس بطل مره طبعا القائمه ماراح تخلص مع البيست موفيز حقيني أحس اني وسعت صدري بزياده شوي ويروح الموضوع للبانوراما خخ