صباح الخير بالبدايه أشكر مشرفات المجلس على اختياري واشكر كل شخص يقراني بتكلم عن نقطه بسيطه يمكن كثير منكم اذا موب كلكم :p مايعرف مس تكانه كشخص او كيوزر حتى لأن تواجدي قليل جدا ولان طبيعتي هاديه ما أحتك كثير فيمكن هذا من الأشياء اللي مخوفتني اني أشارك بهالموضوع بالاضافه لأني ما اعرف أعبر ابد ابد :p انا مس تكانه عمري 20 وعن الحلال والحرام 21 أدرس بجامعة الملك فيصل تخصص تربيه خاصه قسم ( اعاقه سمعيه ) من أبرز عيوبي : العصبيه , الأنانيه , حب التملك :p ويمكن غيوره شوي واحس اني اذا سبيت اي احد او تتريقت عليه بهالطريقه انا اعبر له عن حبي :p واغبى صفاتي ماأروح بعيد يعني هياط على قلة سنع :p وسواسيه , أكره شي عندي اذا مسكت خط مع ابوي اراقب الطريق لأن موب بعيده تجيني جلطه ما أحب الهلال ولا احب احد غيره , مالي اي ميول للأسف بالدوري السعودي بس لو صار أي نادي سعودي ضد أي احد تاخذني الحميه ذاك الوقت بزياااده حتى لو النصر اللي يلعب :p أعشق انتر ميلان واعشق الأطخم مورينهو تعجبني شخصيته أحسها شخصيه زوج الأحلام أكثر لاعب أحبه ابراهيموفيتش عطيت برشلونه وجه من بعد ماراح لهم ولو اني الفتره الأخيره صايره بعيده عن الكوره وعن كل شي أحب التصوير بشكل عظيم بس ما أحس اني فضيت له للحين ودي اخذ كم دوره فيه .. الله يكتب لي الوقت واخذهم أكثر كائنات حيه أحبها (السمكات ) لأن مافيها تعامل فيس تو فيس ومن أمنياتي البعيده اني أربي أسد عشان محد يتجرأ يحارشني خخخ مراحل حياتي انا للأسف من الناس اللي فاهمين ترتيب الحياه غلط يعني في الثانوي بديت مرحله الطفوله وفي الجامعه احسني بديت أراهق مافيه اي شي بارز بحياتي قبل الجامعه كان عندي نظام معين مدرسه وبيت وتلفزيون وانام الساعه 9 خخخ ومن ابيخ الأشياء بحياتي واجملها :P اني ايام الثانوي كنت كل ويكند أروح محل أشرطه فيديو واشتري لي شي اقزر فيه الويكند :P بومبو هوم ألون ساندي بل كان قمه السعاده عندي الويكند my dreams ياه يالدريمز اكثر وحده تحلم بالعالم أحس انا والله يتمم لي اللي أبيه وتبونه بخير برضو احب التخطيط في كل شي انا جالسه الحين ع الكرسي مستحيل اقوم قبل ما أخطط حتى لو اشياء تافهه اخطط لها .. وش بسوي ؟ بقوم بشغل المكيف بمسك الكتاب بحطه هناك بعد ما اخلص تخطيط اقوم من الكرسي خطتي لمستقبلي القريب حاليا بكمل ماستر بالشارقه سنتين ان شاء الله وبرجع بدرس للتوفل لان الانقلش عندي موب مره باخذ الدكتوراه بس ما أحس اني أحلم فيها واجد يعني موب مهمه خذتها او لا صايره احلم بللي بعدها اكثر ودي يكون لي منصب كبير بشركه أرامكو < طموح كل شخص يعيش بالشرقيه مع ان أحس أخرتي أستاذه الـ 4 سنين اللي درستها بالجامعه الكتب كانت مزينه لي الوضع اللي برا طبعا اتكلم عن الصم والامكانيات المجهزه لهم السنه هذي بس اكتشفت انه كلام بس من بعد ماصرت أروح واجي لمعهد الأمل وبرامج الدمج فـ من الأشياء اللي أحلم فيها يكون فيه مدرسه للصم فيها كل الخدمات اللي يحتاجونها او ان احد يمسك المعهد ويرممونه ويجهزونه من والى