<CENTER>: : : كيفكم ضروري انته ضروري ..أكثر من اي شي ثاني وهذا حسي وشعوري ..في كل لحظه بزماني عنوان بيتك مساري ..أمشي له ليلي ونهاري وانا لعشق الصحاري .. وماي عينك سقاني ماعليكم من هالبيتين آدمي احبه وابي اتغزل فيه نجي للمهم ماأبي أدخل في سجالات مع احد معارض او اختلق وجهة نظر شاطحه يمكن يشوفها البعض ..هو كلام في صدري وبقوله غياب الرئيس للأسف انه طال أكثر من اللازم أذكر يوم كانت فترة ترشيحه هو وبندر بن محمد اول رد كان لي في الموضوع قلت : ياليت يفوز عبدالرحمن بن مساعد لكن الله يستر من باريس .. والغرض من الرد كان ان سفرات الرئيس كثيره وهذا شي يمكن يأثر عالنادي الحمد لله غيابه ماأثر ومشت الامور وحقق الفريق الدوري وكأس ولي العهد .. لكن خلونا نشوف وش الامور اللي احسها تحتاج وجود الرئيس الان بالذات .. الفريق يبدو أنه يمر بأسوأ مستوياته الفنيه .. والروح غائبه والذهن مشتت .. سرت اشاعه ان سبب ابتعاد الامير عن الفريق متعمد لكي يبعد عنهم كثرة إلحاحه وشدة مطالبته لهم بتحقيق الاسيويه ..يعني بالعربي عشان يبعدهم عن الظغوط وهذا شي ممتاز لكن الفريق الان وضعه مهتري لانفع فيه لاجيرتس ولاسامي واللاعبين يبدو انهم افتقدو لكلمات الامير عبدالرحمن وشحذه لمعنوياتهم ونزوله بعد المباراه لتهنئتهم وصرف المكافآت وامور اخرى كثيره يمتاز بها الرئيس الهلالي العاشق عن غيره وجود الرئيس هاليومين مطلب ضروي هاااااام سيعيد للفريق الروح من جديد .. لأن بعيدا عن الامور الفنيه واللياقيه فيه امور حسيه يمتاز بها ابو فيصل مع اللاعبين قادره بإذن الله ان تعيد لنا هلالنا اللي نعرفه على فكره إذا كان الجمهور مشتاق لرئيسه لهالدرجه .. فما بالك باللاعبين الاكثر قربا منه حسن العتيبي وماأدراك ماحسن العتيبي ..التفلت في الاعلام ..المساومه .. الابتزاز بإسم الاحتراف امور كثيره صارت في سالفة حسن العتيبي ممكن لو كان فيه مفاوض افضل من الحاليين كان انتهت بسرعه اما بتوقيع وإلا بإخلاء سبيل ..بدون شوره وبدون تصاريح من حسن او من سامي وبدون نشر غسيل قدام الاعلام المشكله الاخيره خالد عزيز وغياباته اللي مالها حل وهذا شي متعودين عليه .. لكن ان يخرج سامي ويقول عنده عذر (غير مقنع ) ويخرج الامير نواف بن سعد في قناه ثانيه يقول ماعنده عذر ولاندري عنه هنا اقول معلييييييييش وجود الرئيس مطلب مهم لقطع دابر عزيز ومشكلته اللي طالت وشمخت بين هذه وتلك ..النادي محتاج في هالوقت بالذات لعقليه مثل عقلية الامير عبدالرحمن وهو شخص مشهود له بالمواقف الحازمه والحاسمه اما كل معتدي ومتهوّر .. ومشكلة ابراهيم القوبع الاخيره خير دليل ..المشكله تبناها الاعلام ولم يصدر اي شي من الاداره ..عكس لو موجود الامير عبدالرحمن كان شفنا بيانات تصدر وشغلات تخليه عبره لغيره ..وكلكم تذكرون وش صار بعد سالفة البالتوك يوم طالب الامير عبدالرحمن بتدخل جنائي وتحقيق رسمي عبر بصمة الصوت فقاموا غطوا عن القضيه وقيدوها ضد مجهول الزبده المؤامرات تلتف حول نادينا ومايقدر يوقف هالشي عند حده الا صوت مثل صوت ابو فيصل الحب دنيا وقسمه ..وانت اللي علمني اسمه قلبي لقى فيك حلمه ..وإلا آنا قبلك أعاني اثرت فيني بفتونك .. وحلفي صار بعيونك ماأحب غيري يجونك ..صرت بغرامك أناني أعزك يبو فيصل واحب فيك حبك للهلال بعنف مثلي لكني انا وانت وكل الجمهور نعشق الهلال اكثر من اي اسم انتقدت هالمره بشي من العاطفه اللي تسري لك في قلبي .. لكن غيري لو استمر هالحال بيقول لك قدم استقالتك وتفرغ لسفراتك عشان كذا ودي ترجع بسرعه لأن الجمهور وقت النجاح حيصفق لكن وقت الفشل ماراح يرحم اي احد تحياتي للجميع</CENTER>