قال: هذا .. هرج مابه منفعه
رآح يآخذ وقت تالي تزهقون

قلت :قول صدورنا كله سعه
مانمل ولانكل .. مثلك يملون

قالهآ يبكي تحدر مدمعه
وياكثر غيره تباكى من عيون

قال: انا والحب من مبطي معه
لكن الخاين ترى طبعه يخون

يسلب عقول البشر ثم يتبعه
كل غآوي مايهم من هو يكون

يسحرك ثم يامرك بس بصبعه
وغصب عنك يآردك عد الضنون

له وجوه وله .. عدة أقنعه
هو وجه اليأس في هيئة حنون

هو محال إنك تقدر تمنعه

يغرس ارماح الهوى مثل الطعون

ياخذك حتى خضم المعمعه
ويتركك .. إنا أليه راجعون

قلت: له اسكت عسى الله يقلعه
كدرن هرجه وهيضت الشجون

ماني سامع شي قلبي قطعه
اسمعوني واسكتوا لاتسردون

انا وضعي يختلف عن موضعه
وافهموا لاكنكم لاتعلمون

الهوى لغزاً محداً يرمعه
ومن يفكر فيه .. ترى صابه جنون