السلام عليكم ..

عودة مجدّدة لكم .. أتمنى أن ترتقي لذائقتكم

هي لكم بكل تفاصيلها .. اقبلوها

(( مدخل ))

يا مسافر.. للجفا
والوصل يبكي عليك
وين عهدك بالوفا
للخفوق اللي يبيك

{ خالد الفيصل }

(( عيوني ))

عيوني يا رجا شوفة عيوني

عسى ما وافق دموعك ظنوني

يمرّ العمر ولا ادري بمروره

ياليت اللي بقى منّه يهوني

على تلًّ رهنت الوقت عنده

أسجّ بهالخلا عن كل دوني

لقيت الشعر تسلاية لوقتي

عساه يخفّف بصدري طعوني

على من هو خذا فكري وحبري

غديت من القصايد له فتوني

ياليته يرأف بحالي ويدري

شجوني .. كيف هو أصلاً شجوني

أنا كتلة سحابً في غيابه

واخاف من الرجاوي يمطروني

نصيبي ليت من ودّاك جابك

أبنطر .. أو بالأحرى ينطروني

لأني صرت تايه فكر عنده

ولولا عرض جسمي .. ما لقوني!!

أنا من كثر شوقي صرت حاسد

ولا ادري اش بلا عقلي بجنوني ؟؟

حسدت اللي يمرّ اليوم بيته

أحسّ انهم على الوصل امنعوني

تعبت من الهقاوي في بعاده

وانا ادري زود ابتعب من ظنوني

أقول بنفسي ذا حالي بدونه

أجل يا كيف هو حاله بدوني !!

عيوني جامليني اليوم مرّة

وورّيني نقا حسنه بكوني

تمنّيت اللي من حوله تمشّى

عسى عينه بشوفه هي عيوني

*****

وعفاكم

(( مخرج ))

ليت لي قلبً خليّ

ما عرف فرقا الوليف

لا عليه ولا عليّ

لا ربيع .. ولا خريف