.
يا قاري الحرف لا تشره ولا تعتب
حاول تعدي , وتدمح زلة أقلامه ..!
غض النظر , لا تدقق افـ كل مايكتب
أحيان بعض الحروف تقصر القامه ..!
ظامي ,
ومن يمنع الظامي لا جا يشرب
خلوووه يروى
ويسقي نبتة إلهامه ..!
خلوووه
يفضفض , يغني ويرقص ويطرب
خلوووه
يضحك يقهق يطرد آلامه ..!
خلووه
يشبع فرح من قبل مايغرب
خلوووه
تكفون غافي بساحل احلامه ..!
تكفووون
خلووووه يهذي لا تعاتبووونه
( رامـيـكم ) يمون يا خابرينه
خلووه
يرسم وينثر ويرمي اسهامه ..!
سهام حب وموده , صدق ما تكذب
سهام تحمل لعطر الورد وأنسامه ..!
خلوووه خلوووه
( راميكم )
و أنتم أجمل وأطهر عناوينه
خلووه خلوووه
( راميكم )
منكم وفيكم
طالب تسامحونه
ويمدكم
بكل شكره وجل احترامه !
ويقول
إحساس هـ الليله غريب
شيخ وعمره كبير
معتصب بـ اعمامه ..!
سواد مظلته
فوق رأسه .. غمامه ..!
؟
و
تااه القلم
بصحراء الورق
وجف ريقه
ما بلّل يباسه
فـ
أمسكت عنقه
ثم خنقته
وكتمت أنفاسه
ورميته
رغم
أزيزه !
.