بسم الله الرحمن الرحيم
الحياة كانت زمان بسيطه مافيها تكلف
الزواج
كان الزواج فرحة الجميع اهل العريس واهل العاروس ويجتمعون من ظهر اليوم
الذي يحدد فيه الزواج حتى الجيران كانو يشاركون اهل العرس فرحتهم والتنظيم
يكون يغلقو الشارع الذي امام منزل العاروس ويفرشونه بسجاد ويحطون مراكي
ومساند للضيوف ويكون الطبخ يا في البراحه الي جنب البيت او في الشارع الثاني
مافيه مشكله اهم شي يكونون الي يصلحون القهوه و الشاي قريبين عند الرجال
،والحريم يعني البيت الي مسوين فيه الحفل ممكن يكون في الحوش اذا فيه او في
صطح المنزل لا والي يطبخون الرجال يجيبون الذبايح ويذبحون ويصلخون وهذا يقطع
البصل وهذا يغسل الرز والجميع يساعدون بعض والمعرس يجي يشرف عليهم
ويساعدهم الى المغرب وبعدين يروح يلبس والعاروس لاعبين فيه من تروش ومشاط
(حنا) وكحل وفرك في هل الخدود من شان تطلع حمر وتهبل ونصايح وانتبهي وحطي
كانو بنات زمان غير يعني امي وامك الله يرحم الميت والحي الحاصل يكونون مرتبن
مع الطقاقات من وقت ومعطينهم علم وعازمينهم والاتفاق انهم ياخذون من الي
يرقصون يعني شوط ال فلان (تنقيط) للطقاقات واذا كانو المعازيم كاش الموضاع
يطلع بمبلغ جيد واذا كانو على قد حالهم بركه تجملو في اهل ديرتهم نرجع لرجال وين الطيب والقهوه والشاهي والي يخدمون كلهم من اهل العاروس واهل المعرس الحين
مشخصين الى ان يجي وقت الاكل ويقومون الجميع في المساعده الى العريس
مريحينه منشان المهمه الانتحاريه الي مقبله عليه ويفرشون السفره (نصاب مافيه
سفره اول )ويحطون الاكل بعد صلاة العشا مباشره وبعد الاكل يدخلون ابو الشباب
على ام الشباب والبقيه يكملون السهره من رجال وحريم فيه ابسط من كذا واجمل
زمان
العيد
الطيب والقهوه والشاهي والي يخدمون كلهم من اهل العاروس واهل المعرس الحين
مشخصين الى ان يجي وقت الاكل ويقومون الجميع في المساعده الى العريس
مريحينه منشان المهمه الانتحاريه الي مقبله عليه ويفرشون السفره (نصاب مافيه
سفره اول )ويحطون الاكل بعد صلاة العشا مباشره وبعد الاكل يدخلون ابو الشباب
على ام الشباب والبقيه يكملون السهره من رجال وحريم فيه ابسط من كذا واجمل
زمان العيد
كانويجهزون انفسهم بكل بساطه لازم ليلة العيد يتحممون كل العائله من الكبير الى
الصغير وعاد شف المجالد عند الحمام االى الصغير يبونه (يتروش)ورافض والام
تحاول فيه وهو يصيح الين يدخلونه اخوانه الي اكبرمنه بالقوه ويشغلون عليه الدنمو
حق الماء ويغسلونه بستم صح، الحاصل بعد صلاة الفجر يروحون العائله كلهم ماعدا
البنات الكبار جالسين يطبخون عيدهم اما العيال والام راحومع الاب بعد مالبسو
ملابس العيد والاقشر اخوهم الصغير مشخص بطاقيه زري وفي خدوده (مشق) عدو
الماء بعد مايرجعون للبيت يسلمون على بعض ويعايدون بعضهم اهل البيت ويطلعون
العيال يساعدون اهل الحي بفرش الارض عاد كل واحد وامكانيته الي بحصير او
سجاده او( زوليه ) السجاد الصوف وهذا الكشخه وبعدين يطلعون عيدهم الي هو
الاكل كل بيت مسوي طبخه الي مسوي جريش او قرصان او مطازيز او مرقوق
اوحنيني او مراصيع او مراهيف الحاصل كل بيت يطلع الموهبه الي عنده ولازم
ياكلون من كل الاطباق يعني بوفيه بس ارضي يدورون على الصحون كلها وبعدين كل
واحد يروح يعايد ربعه وجماعته وفي اليل يجتمعون اهل الحي في نفس المكان
ويسهرون ويعرضون العرضه الشعبيه او مراد(قلطه) او يلعبون سامري وتمر
ايامهم كلها عيد وبساطه لاكن الحين اليوم الاول بس الصباح وباقي اليوم كأبه الى
ان تنتهي الاجازه
الله يعيد البساطه والحب والالفه بين المسلمين