الــــــــــــــف تحــــــــــــيه على هاالبادره الرهييييييييبه ** وهاذي بعض الكلماات القصيميه البحته *** بســـــــــــم الرحمن نبدا* اندزلع: أي ابتعد ولكنها اسلوب غير حضاري دووتس:وتعني خوذي وهي للمرأة دون الرجل حزه: وقت ومثالها حزة المغرب أي وقت المغرب دي : لملاعبة الاطفال .. يعني تغطي وجهك عنه وتفتحه بسرعة وتقول : ديييييي سادّه: احسن وهي الفرح بحصول مكروه للشخص هماه: هل فهمت؟ وهي تأكيدية مسط: سقط بدون ارادته زلق: اختل توازنه وسقط نتيجة وجود بلل في الارض حينما تكون ملساء. حروتنّه: يمكن يقال علي حرتنه مشى /يمكن مشى .وهي للاحتمال محيت: أي مسرع يقال صالح جاء محيت أي مسرع وفي الهندية جلدي جلدي تكانه: أي ثقيل العقل او رجل يقال خالد تكانه بمعنى رجل يمكن الاعتماد عليه . دهدره: عكس تكانه أي ان الرجل لايمكن الاعتماد عليه مطلقا >يعني مثل هاالمتكسر ههه قمبازي: بمعنى خدّاع او مراوغ ولا يمكن التنبوء بما يفعل زتّه: أي دفعه يقال احمد زت سليم أي دفعه وابعده ﴿فلقه﴾ شج رأسه ﴿ دنقزه﴾ دفعه بقوة أشهب : عينه حارة أو نحوت إنحته :أصابه بالعين يكوح : ويقال يكثح او يتسثح اي ينتثر . كثح الرمل اي نثره ووزعه ويقال للصابون البودرة ( كثح ) اي قابل للنثر يتهبع : يعني مايدري وش يبي يلفز: يدس ويخبيء في مكان غير ملاحظ يتنيوط : يتناول او يمتد للوصول لشيء يبزع : يجزم بشيء غير مؤكد لذا نقول لمن يتفلسف بغير علم ... لاتبزع يبعط : يشق بشكل كبير ... يقال بعط ثوبه اي شقه بشكل كبير يتدودل : يتدلى يمزر : يسحب بقوة يتنيذخ : يتفاخر بشكل غير مقبول يمطرس : يحوس مطرس البزر على الاكل اذا بدا يعبث بالسفرة يلبط : يسقط فجأة أفهقه : حركه يودز ( يويق ) ينظر خلسه يباري الساس: يمشي بمحاذاة الجدار يتطنز: يستهزيء. اجدعوووه : ارمهـ امخشهـ: جرح الجلد بالاظافر منجلطه اومنبطحهـ:منسدحهـ بووه: اهم مصطلح عند القصمان ويوضع باخر الكلمه مثال وشبووه ،جبتووه،مادريتبووه،وينهوبوه ايهايط : كلامه غير منطقي تعقب : تكذب هماه : أليس كذلك تهقى : أغلب الظن بوه : فيه موجود طس =فاردز =إنقلع : تقال لطرد شخص ما وراه: ليه ؟ مصع :شد واخزياه = واعيباه زقلبّة : ثقيل مستدير أو تقال لسمين **عاد الحين نروح للأمثال وعاد الأمثال ابدااااااعنا فيهن الموهيم ياالله قووووه** *ماتعــــرف قديري لمين تشوف طبع غيري>>يعني ماتقدرني إلا إذا سلّكوا لك الناس وشفت اني معطيتك وجه *قال خذ خير قال: مامعي ماعون *((تجيك التهايم وانت نايم)) يضيمونوه الرجال و يحطه في ام العيال ((اللي مالوه لسان ياكلوه الخنفسان)) (( قال صفو صفين..قالوا حنا اثنين)) ((الشـــــــق اكــــــبر من الـرقــــعه)) عاد الأكل معروفين القصمان ببعض الأكلات نبدأ * (المطازيز) القرصان* *الكليجا*وهاذي ماركه القصمان هاذا اللي قدرت عليه** اتمنى اني اكون قدمت شئ وتحياتي **