. بدت الحلقه بالراوند الصباحي للاطباء الي ابتدى عند مريض سوداني انواع الفله وانا اشوف صراحه انه اكثر مشهد حلو بهالحلقتين وكان البروف الطعس عنده مشكله في تشخيص مرض هالسوداني المهبول فا طلب من معاذ انه يروح يجييب له اوراق اسمها التي بي بروتكول > تراي مدري وشي بس هو يقول كذا بهالوقت السوداني بغى يتقهوى معهم لكن ماش قهوة خالد ما عجبته لانه على قولته ما فيها سكر فرد محمد علي عليه وقاله قهوه ولا عصير برتقال نجي الحين للدكتور المفهي معاذ >> ريم متلطمه راح يجيب الاوراق ولقى الدكتوره ريم فا طالع بوجهها وقالها وش فيه وجهك كذا >> امحق اسلوب يا مووعاذ وقالها شكلك سهرانه بس هي قالت لا انا نايمه 8 ساعات والله يا عمري عليها احبطها بهالوقت انتقلو للأصنصير الي كان فيه الدكتور نايف ودخل معه دكتور رافعن خشمه وحالته حاله ودار بينهم حوار عقيم عن العراب وانه ميعفن طبعا الدكتور فيحان بهالوقت تباطا موعاذ لان الا خ بالله يدق حنك والطعس عصب وصار يقول وين ذلف دكتور معاذ وقعد يتحلطم انه يكره الكسل وكذا ,ولما جاه معاذ عطاه تهزيئه معتبره على تأخيره هنا انتقل المشهد للجراحين غسان وعبدالله ونايف وقال غسان انه بحاجه لتدخل دكتور التجميل راشد الي هو افضل دكتور بالسعوديه وهو نفسه المغرور الي كان مع نايف بالاصنصير طلبو الدكتور راشد وجاهم واول ما دخل يستظرف ويخفف م على دكتور غسان اشب قفازك مشقوق ههههه ارتاع غسان وصار يطالع بيدينه قاله امزح معك يا موسوس>> الله من ثقالة الدم وبما ان الغرفه كانت مره مره مره كئيبه على قولته حط ميوزك وبدى يشتغل هنا كانو اطباء الباطنه يواصلون الرواند ووصلو لغرفه ما دخل الا الدكتوره نوف والبروف الطعس لانها عمته وفيها رقاب على قولة دكتور سليمان وبدى سليمان يواسي معاذ على الفشيله ويستهبل عليه لانه على قولته وده يصير البيغ بروذر له الله يرجه خاصه لما قاله التورمنيتر ذكرني بايام الطفوله رجع المشهد لغرفة العمليات وبعد ما خلص دكتور راشد شغل طلب ان نايف يجي معه لانه يبيه واعجبه من بعد ما سمع ان نغمته العراب بعد كذا قعدو دكاترة الباطنه يذبون على معاذ عشان التهزيئه ويعطونه من هالكلام وتدخلت الشريره نوف عشان تعلمهم انها سجلت المقطع بلوتوث وارسلته للكل باسم تهزيئه معاذ العزام>> الله من الشطانه بهالادميه طبعا ريماس الضعيفه ما بقت احد ما اسألته عن وجهها وخديداتها بعد ما شككها معاذ بنفسها وقعدت تشكي على نوف وتقول معاذ المفهي يقول اني سهرانه وانا مكبرتن المخده طلع قايل لنوف بعد ان تحت عيونها سواد >> شكله معاذ عنده كره ازلي للأناث وحاقد عليهم وقالت انها بتفزع لها وتاخذ حقها منه بهالاثناء نايف راح مع دكتور التجميل لعيادته الخاصه وسأله ليه ما يتخصص تجميل فقاله ان المشكله كانت في المعدل ودق له الصدر الدكتور راشد وقاله انا بشغلك معي بالعياده راحو للعياده وشافو هناك باربي الي نصها سليكون وع منها واخذ له لفه في العياده اطباء الباطنه مجتمعين وخالد يسال سليمان تطعس قاله لا مانيب مطعسجي على قولته لنه ما يحب المرتفاعت ويخاف منها >> امحق سبب عرفااات مو مرتفعات يرقع سليمان يوم سمعه دكتور محمد وجلس يضحك بهالوقت جات الشريره نوف وحطت على معاذ لما اجبرته يتأسف منها رجعو للدكتور راشد الي كان يلعب على مره معرس زوجها عليها وبيسوي لها لستة عمليات طبعا لازال الطعس محتار بمرض السوداني ويقول انه يبي له مخمخه ولما سأل موعاذ خالد يعني وش يمخمخ تخيل خالد انه بياخذ جرعه من القهوه بأبره عشان يدخل جو دكتور نايف لازال عند دكتور راشد بالعياده وكان بمكتبه دخل عليهم واحد يقول الحقني يدكتور ابي اغير شكلي لان اخوي مستنسخ مني وقاعد يتعذب وكأنه تذكر انه كان يلعب مع ربعه وهم يحسبونه اخوه ولما اكتشفو انه هو سحبو عليه >> وش ذا المعاناه والمفاجئه كانت ان ريم بعد جات لدكتور راشد عشان يغير لها شكلها عقب ما عقدها موعاذ الله يرج بليسه لكن الدكتور راشد هزئهم لانهم ما فيهم شي ومفروض يحمدون ربي على النعمه وبكذا خلص مشوار نايف مع دكتور راشد وتواعدو اليوم الثاني الصباح هنا كان معاذ واقف وفاتح كبوت سيارته لانها تحتاج اشتراك ومر عليه الطعس وقاله اذا يبي يفزع له لكن معاذ قال لا مكلم ربعي انا وبكذا جات البروف الطعس فكرة ان اكيد الي مع السوداني تسمم من الرصاص>> كيف هالاكتشاف الخطير ياذيبان طلع براسك وتأسف من معاذ على التهزيئه قبل لا يمشي وجاو السملق عشان يتريقون عليه ويسمعونه المقطع حقه واهم شي ان التبن درجات هههههه هالجزئيه تضحك مره بس طبعا كركتراتهم هي الي تضحك وطريقتهم بالكلام انتهت الحلقه بمشهد بين سعدون ونايف على اساس ان سعدون يودع نايف لانه بيروح لقسم ثاني وكيف انه بيشتاق له وعطاه من هالكلام انه حظه قوي وانه لقاها لما صكه بعين قويه خلت الدكتور راشد تدعمه سياره اول ما نزل من سيارته يا فرحه ما تمت يا نايف >> وش ذا العين الحاره بكذا انتهت الحلقه وذي ترى راح تكون اخر حلقتين مع بعض يعني من الاسبوع الجاي ان شاء الله راح تكون نصف ساعه بس اتمنى لكم مشاهده طيبه واعذروني على التأخير .