.
بسم الله الرحمن الرحيم ،
تصفيات التأهيل لكأس اسيا 2011 في الدوحه .. 
خلصت 5 جولات وباقي جولة أخيره تحدد باقي المنتخبات المتأهله واللي بتتواجد بالدوحه
طبعا اللي يهم من هالجولة الاخيره مباراتين تحدد مصير مجموعتين والمنتخبات فيها
واللي هي المجموعه الثانية والمجموعه الخامسه
خلونا بالاول نشوف المنتخبات اللي تأهلت والمجموعات اللي الجولة الاخيره
تعتبر تحصيل حاصل لها : )
1
2
3
4
5
تأهلت من المجموعه الاولى اليابان والبحرين ،
والثالثه اوزباكستان والامارات ..
والرابعه الصين وسوريّا ..
الخامسه ايران وبانتظار المنتخب الثاني .. وان شاء الله يكون الاردني
اما الثانيه هي اللي راح يكون فيها مباريات مهمه وفيها حسم
وقمة خليجية بين الكويت وعمان هناك في مسقط
خلونا نشوف المباريات المهمه :
...Vs...
عمان × الكويت
الاربعاء / 3 \ 3 \ 2010
الساعه 6 ونص مساءً
الملعب : مجمع السلطان قابوس الرياضي
القنوات الناقله : الجزيره الرياضيه 1 \ الدوري والكأس \ العمانيه الثانيه
لقاء من المجموعه الثانية ،
المنتخب الكويتي يدخل المباراة بفرصتين يعني التعادل يكفيه للتأهل ، بعكس المنتخب العماني
اللي يحتاج الفوز فقط للتأهل .. المنتخبين استعدوا من وقت كبير لهاللقاء بمباريات ودية
ومعسكرات مختلفه .. طموحهم كبير بأنهم يلحقون فـ باقي المنتخبات الخليجية اللي تأهلت
الارض والجمهور بيكونون دافع قوي لـ عمان .. وطموح المنتخب الكويتي بتحقيق بداية الانجاز
دافع قوي لهم ، تشكيلة المنتخبين مافيها اي غيابات كبيره مؤثره ،
لقاء بيحدد الطرف الاول المتأهل ، مباراة صعبه ع المنتخبين ..
...Vs...
الاردن × سنغافوره
الاربعاء / 3 \ 3 \ 2010
الساعه 6 مساءً
الملعب : ستاد الملك عبدالله الثاني
القنوات الناقله : الجزيره الرياضيه 2
المنتخب الاردني مهما كانت نتيجته للأسف ان مصيره بيد المنتخب الايراني ،
الفوز قادر عليه بس خسارة تايلاند من ايران شي مو بيده ..
يعني فوزه على سنغافوره يأهله في حال خسرت تايلاند من ايران
ايران متأهله وخالصه واحساسي يقول ان النذاله بتشغل عندها 
وحتى سنغافوره منتخب مو سهل قدر يفوز على الاردن في الذهاب 2 \ 1
موقف الاردن حرج جدا نقول ان شاء الله ان الامور تروح كلها لصالح الاردن
_ بعد نهاية الجولة الاخيره يكون تأهلت 10 منتخبات وتنضم للبلد المضيف قطر
والهند بطلة كأس التحدي 2008 وكوريا الشماليه بطلة كأس التحدي 2010
اضافة الى العراق والسعوديه وكوريا الجنوبية واللي حققوا المراكز الثلاث الاولى في النسخه السابقه ،
وبكذا يكونون 16 منتخب ..
باقي المباريات |
بالتوفيق للمنتخبات العربيه الا عمان 
ض1
واعذروني ع القصور : $
.