السلام عليكم
كيفكم يا معشر القناصين والقناصات
هذا اول موضوع لي هنا عندكم بالقسم
والله الله تكفون لا تفشلوني
ابي اطرح لكم بعض رسايل الكرشات للي ما يستاهلون الحب
وياريت تنال على اعجابكم
وتراها للي ما يستاهلون الحب سواءا خونه او غيرهم بس
عندي شؤال وخابر ان فيه تجريح
لكن ظروري تاخذه بانبساطي
ارفعك بيدي للسما ترجع تطيح
قلي شسوي فيك لا صرت واطي
ارجع حبيبي وقف هناك بالدور
ماني بفاضي يمكن افضى لك شوي
لازم تذوق الذل وتعيش مكسور
واكويك من جمر الهوى لا غديت حي
ولو بعت لي عمرك فلا قلت مشكور
لانك بعيني صرت ولا شي
الجرح غدرات الليالي تداويه
والدمع لو حدر من العين ارده
واللي يخون الحب مالي نظر فيه
ومن باعني بالرخص بالهجر اجازيه
واللي يصون الود بالروح نشريه
اقولها من كيد الغبن حاديه
انا السما وانت مثل وطي الارض
مهما تعليت بالمسافات تحتي
روح للي خلاك تاج راسه
واعرف تراني تاج راسك وراسه
كانك لقيت اللي يحبك ويغليك
احنا بعد لقينا اللي يمسح ذكرياتك
لا تكثر حكيك ترى دربك اشواك
يا حافي الرجلين ثمن كلامك
واذكر زمان اول وايام بلواك
من سنعك للناس وعدل مقامك
لا يفلت لسانك على شخص رباك
انا بنيتك ماي عاجز اهدمك
مالك امل رجعه الا بشرطين
نفذ شروطي كانك تبيني ارجع
الشرط الاول رجعتي مع فلسطين
والثاني خل الشمس بالليل تطلع
وينك تشوف الحال عقب فرقاك
احلى من اباول واروع من اوقاته
لاتتحرى بتم اقول احبك واهواك
غلطان لان ماضيك طويت صفحاته
يا بنت بي جرح من سنين ما طاب
يكفي جروح ارجوك لا تجرحيني
ما يحتمل قلبي ترا لوم واعتاب
قلبي يعاني من طوال السنيني
لي قصه عقبها عفت الاحباب
دام الفراق يحل في كل حيني
وعن كلمه احبك انا قافل الباب
وباقي الكلام يمر مني وفيني
قلت الصراحه والصراحه لها اصحاب
ان اعجبك يعجبك والا اتركيني
ما ابي اكون بنظرتك يوم كذاب
او اقتل احلامك براحه يميني
الوقت قاسي وللدهر ظري وانياب
خلاني اقتل فرحتي في جبيني
وادفن غزير الدمع في جفن الاهداب
واكتم مشاعر صادقه تحتويني
بيدي ربيتها وتبي اليوم تفهمني
يلعن ابو الدنيا ما اسرع عواقبها
عقب مدرستي صارت تعلمني
تبطي عظم ما تعلمني وانا مدرسها
من راح بكيفه وكيفه يوديه
خله على كيفه وكيفه يجيبه
اللي يصد وهاقي اني بناديه
لقطع لساني لو لسانس يحاكيه
كانه مريض ويحسب اني بداويه
الموت ارحمله فلاني طبيبه
كانك تسلى بي كفايه تسليت
خلاص ما فيني لمثلك تسالي
اكبر خطاي اني من القلب حبيت
ووفيت للي بالهوى ما وفى لي
الحب ما هو بس خذني وانا جيت
الحب وقفه بين غالي وغالي
كانك تجاملني بقولتك حبيت
تقدر تبدلني وتلقى بدالي
راسك علامك رافعه يوم اناديك
الظاهر اني فوق حجمك عطيتك
خلنا نعود ولو دقيقه لماضيك
بذكرك في اي حاله لقيتك
كان الظياع ودمعتك تخاويك
منهار وفي عز انهيارك خذيتك
اضحك حبيبي دام وقتك مسليك
باكر تموت من القهر لا نسيتك
اخطيت يوم اني طلبتك حنانك
لاصرت فاقد الشي وش لون تعطيه
مهما نطق لي بالمشاعر لسانك
شي بدون احساس ما اقتنع فيه
احساسك المصنوع خنته وخانك
جاملتني به وانت تجهل معانيه
مني نصيحه تنفعك في زمانك
الا شعورك لا تبيعه وتشريه
وسلامتكم
وتراني قايل انها للي ما يستهلون الحب
والف شكر على المرور
والله الله بالردود