مدخل /
خذني يا بن قحطان بالشّده سلاح
............... و وقت الرخا طالبك ، لا تعترف بي .
::
::
يا ( سهم ) قلي وش حصل ؟!
منهو اللي عن الثاني انفصل ؟؟!
هو أنت " جاحد " بالأصل ؟؟ ،،
والا ابن قحطان مايبغى الوصل ؟.
ابّشرك يالسهم .. و بّشر من حماك ..
ما نعرفك لو كان ياسر ما رماك ،،
ولا ننتظر شوفك ولا نبغى رضاك ..
مادام ياسر ما أطلقك ! فالله لا يسعد مساك .
حيرتنا يالسهم كل هذاااا غموض ؟!! ..
والا تعبت من الصراحه والرضوض ،،
كل هالتجني والدساس . . عّلمك تصعد بالنهوض ..
وتترك الآسر لحاله ،، غارق في سباته والقروض !!
وأنت تدري بالقضية .. وأنها مثل ( الفروض ) ،،
ان " ياسر " في غنى عنك .. وعن باقي البعوض !! .
مظهرك يالسهم مع ياسر خيال ،،
تندفع " كالحر " من روس الجبال ..
والهدف .. مصيوب مافيها مجال ،،
إلا إذا .. صرت ( بأفواه الرجال ) //
علكت " المطرود " في ارض القتال !!! .
أرجع لعهدك وماضيك المُشرف ،،
يوم " عقل " الخصم من فعلك مخرف //
وأترك ابن سعيد يبدع اتركه بالله يسرف ! ..
::
::
من قبل ما تعلن للملأ ،،
" غفيت " بشعار الُعلا ..
وخاطبتنا ( بأهلا ً هلا .. )
ولغيرنا ابديت .. الخلا ثم الخلااااااا !!!! .
هذا قبل توقيع عقدك للأزرق ،،
تسبح بعشقه . لا بالله .. " تغرق " ..
معادلة صعبه .. وبالحيل ( تفرق )
هو قد حصل بأن الموج يحرق !!
نذّكرك في " كل الرياضه " ،،
أعلنتها ( ترجى الإعاضه ) ،،
لكن حسافة !!!!!!!!!!!!!
خانك " العشاق " في معقل ( رياضه ) .
رحبت فـ هـــلال العريجا ،،
وملأت دنيانا . . ضجيجا ..
والبعض " سارح " كالنعيجا !!.
هم ناظروا فعلك سراب ،،
هذا قبل ما تشيب وفي عز الشباب !!
اما أنا في نظرتي أنت نعمه ..
وفي ظلمة الليل العتيم " شمعه " .
ياللي " بشعرة راس " ذليت ناس ،،
قدام خلق الله في ( دوري - وكأس )
وياللي " بكعبك " دست أحلام الأتعاس ..
أرجع كما كنت . . يا طيب الساس .
::
::
تعب .. مأساة .. شحوب .. وضيق !
شقى .. ظلمة .. بكاء ،، وشهيق ،،
بالله يا ياسر أمانة !!
وش فيك تسعى للأهانه ؟!!
ما يقدرونك ورب الكون .. وايمانه //
فأنت الذي " زعزعت " للمرمى امانه ،،
وانت الأعانه كان للأزرق .. إعانه !!
فتعوذ الله من الحاسد .. وشيطانه .
ارجع ترى " النقاد " في حبرهم شيء !
مكتوب بعضه في ورق منطوي ( طي )
والا انت " مجدك " ناحتينه على الطي ،،
أنت الذي أرهبت ( آمن الحراسه ) ..
وش فيك لاهي وأنت معنى للفراسه ؟؟!
ترى يعيب " الحر " سهم إنتكاسه ،،
لو كان حاصل في الراميه ( دراسه ) .
يا ياسر المرعب والقناص والدامي ،،
ياللي نشوفك مجمع ( يوسف وسامي ) ..
شقلب لنا " التاريخ " و ارم السهامي ،،
لأجل ( الشتايم ) تهيم .. بـ بحرك الطامي .
بعض الجماهير تعشقك ولا ترضى الشتيمه ،،
والبعض الآخر ترى ما يمتلك .. شيمه !!
فـوالله لو كان في قلبه عطف .. او حشيمه ..
ما كان شارك الأخصام .. بـفعل الجريمة !! .
::
::
الكاسر " الباكي " على مجد سواه !!
في اللحظة هاذي صار ( البعض ) ينخاااه ،،
جمهوره " الشاتم " ضحك ! واااا حسرتاه !!! ،،
الكل منهم يحبه اذا سجل اهداف ،،
والكل ايضا يشيله فوق راسه والأكتاف ..
لكن اذا جارت عليه بوحدته دنيا الأحساف ،،
يمكن تمنوا موتته وسط الأسعاف !!! .
ياسر ولا غيرك مهاجم عرفناه ،،
ياللي عزفت الفن ونثرت مغناه ..
بالله لا تبكي ترى للدمع .. معناه !! .
أنت الذي تضحك اذا ضيعت فرصه ،،
وتبكي ( لهم ) اذا صعدتهم للمنصه !!!! .
هم يجهلنوك لأنك شبل من سبع ..
والشبل وش همه إذا نازعه " ضبع " ؟؟
والضبع والله ضبع لو غير ( الطبع ) ،،
لكن عساها خيره ودرس يا شهم ..
يبدي لك الصاحب اذا قارنك هم ،،
لو كان ما يعنيك لا عرق ٍ ولا دم !! .
الله على دموع ٍ تهاطل بها حيل ،،
في ليلة ٍ هزت قلوب الرجاجيل ،،
من شدة الفرح تحدر كما السيل ..
نتلوا عليه القرآن ومن " سورة الفيل " // .
ماني ( مطبل ) ولا ماسك ٍ " دف " ..
يمكن توصل بي إذا قلت لك ( اففففف ) ،،
والا الشتيمة مالنا معه اي .. حلف ..
واللي يشمر ساعده .. مستهزي ،،
ان عاد ياسر انشدوه من ( نعزي ) ؟؟! .
::
::
مخرج /
لو ترجع الدنيا وتنعاد الأيام
............... ما ظن واحد يقدر يقول وينك !!
الكل يهتف لك بأصوات وأقلام
............... وكلن يبي " يّكسبك " من زين زينك
ياسر .. بعيني أنت لازلت " لجام "
............... وعيونهم لازال ،، تكسرها "عينك ".