عشقي الأبدّي لا يزول مهما [ تغّيرت ] الظروف ..! عشقي الهلالي لم يكن صدفه ..! كان وراثياً عن جدي وجدتي إلي هم ْ أبو وأم [ أبوي ] .. وأخوي بعد هلالي ، أما باقي البيت مالهم إي ميول .. إلا أمي كانت قبل الزواج [ نصراوية ] .. بس الحمدلله إنها بعد الزواج إبتعدت عن [ النصر ] ولا كان علووووم .. بس أحسها لين الحين يحن قلبها لهم .. بس الحمدلله هذا الشيء الوحيد إللي ماخذيته من أمي إللي هو [ تشجيع النصر ] .. بداية عشقي للهلال من صغري أيام الدراسة كنت بس أسأل أبوي عن النتيجة إذا فيه مباراة للهلال .. أما المباريات ما أتابعها ولا أجيب خبرها وأكره شيء إسمه [ إستديو تحليلي ] .. << يقالكم ألحين مشغوله بالدراسة وأنام بدري أصلي العشآء وأنام .. وبعد ما خصلت هالثانوية حطيت حرّتي في شيء إسمه [ كووووره ] .. حسيتها هي الشيء إلي قريب مني وإللي تناسبني في ظل هالفراغ .. يعني ماكنت زي باقي البنات أتبع آخر موضه وأزياء ومسلسلات وخرابيطها وووو ... لا أبداً مريحه بالي من هالناحيه وأكتفيت بالكورة من ناحية متابعه أو لعب .. وتابعت دوري سعودي على قطري على إماراتي على كويتي .. بس أكثر شيء السعودي والقطري شدني ، بس هالأيام سحبت عليهم ما صرت أتابع إلا الهلال .. عكس قبل لو مباراة للنصر وفريق ثاني تابعته بكل شيء إستدويو تحليلي ولقآءات .. يمكن صار عندي تشبع منهم وأكتفيت بالهلال .. وصديقي في كل المباريات [ أبوي ] .. كل ماجت مباراة نتجهز لها وعلى طول في مجلس أبوي .. أغلب وقتي أنا معه إذا فيه مباريات وبرامج خاصة بالكورة سوآء كل الرياضة ، أو صدى الملاعب أو في المرمى أو الجولة .. نجتمع ونحلل مع بعض ونطلع حرّة الخسارة في إي شيء .. أمّا [ الفوز ] أخليه يعشينا وأطلع أقولهم أبوي بمناسبة فوز الهلال بيعشيكم أو إي شيء يعجبهم .. يعني أحطه أمام الأمر الواقع وهو ماكان مخطط لشيء .. كنت قبل لازم ألبس كل شيء هلالي وقت المباراة وأتشخص بكل شيء أزرق .. لكن هالأيام تركتها هالصفه ، مدري بس كذا خلاص خليتها .. ولازم اي مباراة للهلال أسجلها ، وقبل بكم يوم أشتري الأشرطه أبو ساعتين أو ثلاث ساعات .. وأسجل مبارايات ولقآءآت خاصة بلاعبي [ الزعيم ] .. فوق الثلاثين شريط .. ووبعد حالياً تركت التسجيل وأكتفيت بالمتابعه بس .. بس يبقى عشقي للهلال مثل ماهو ..
؛ ؛ أعتذر عن كل لحظة من غيابي .. مَرْ وقَتي وماعرفت أحسب حسابي .. /،