الفراغ شييين بقوة وخصوصاً للبنت إلي مالها طلعات ولا روحات وجيات .. : ) بس الحمدلله كان من صالحي إني أجلس في البيت بعد الدراسة وأتفرغ لنفسي وأكسب خبرات أكثر .. بعد ما أنتهيت من دراستي بديت أحس بالملل ووقتي ماكان له معنى بدون شيء .. :/ شعور صعب أتعود عليه بسرعة بعد ماكنت يومياً أصحى الصباح عشان أروح المدرسة .. وأرجع ويكون يومي كله في نشاط وحركه ووو ..... وينتهي بالتعب والنوم ويرجع نفس النشاط في اليوم الثاني .. وفجأة يتغير الوضع عليْ .. كان وقتي يمرّ صعب علي كنت أعصّب على أقل شيء وأتفهه الأسباب وبدون إي سبب .. يعني بالأصح كانت نفسيتي [ زفت ] وما أتحمل أبسط الأمور .. أشوف خواتي يدرسون ورايحين المدارس وأنا جالسه لا شغله ولا مشغله ..! مع مرور الوقت والشهور أشغلت نفسي بشغل البيت .. وبحكم أمي - الله يحفظها - ماتحب الشغّالات أبداً وتحب كل شيء تسويه من نفسها .. وخلتنا مثلها نفس الطبع .. صارت تعلمني على بعض الطبخات .. والأشياء إللي مالي فيها خبره ويخص المطبخ .. والحمدلله تعلمت علي أشيآء كثيرة في وقت قصير مااااااره .. وصار لي دور في غسيل الملابس وكويها وتنظيف البيت والمطبخ .. بس الطبخ نادراً ماأطبخ إلا في حالات الطوارئ مثلاً أمي تعبت .. :/ أو وقت ما إنكسرت يد أخوي الصغير وتنوم في المستشفى ورافقت معه أمي .. :/ فكنت أطبخ أنا وأختي - الله يرحمها - كانت أدوار مابيننا .. وأستفدت من تعليم أمي وخصوصاً وقت ولادتها في آخر العنقود [ فيصل ] .. تعرفون إلي تولد لها أكلات خاصة زي [ العصيده و المرقوق ] و الأكلات الي تنفعهم .. وقتها كنت أطبخ لأمي والحمدلله طلعت نتايج التعليم .. وهذا فصولي هو إللي ملا علي دنيتي .. هو إللي خلاني أشغل نفسي فيه .. وخصوصاً كان قبله [ فهد ] فرق بينهم سنتين ، أمي ماحبت تهتم في فصولي أكثر من فهودي .. عشان مايتعرض لحالة نفسية أوشي من هالقبيل .. كان فصولي أغلب وقته معي أغير له وأسوي له حليبه وأنومه وكل شيء .. كان معي أغلب وقتي .. وأذكر كانوا كلهم يدخلون ينامون إلا أنا أكون معه في الصالة وأسهر معه لين ينام .. وإذا نام خلاص أدخله عند أمي .. ويوم صار عمره سنتين صرت أخليه ينام عندي على سريري .. لأنه تعود علي في كل شيء من صغره صرت أمه الثانيه .. وألحين عمره 6 سنوات بيكملها إن شآء الله في اليوم الثامن من الشهر الجاي هجري ..
؛ ؛ أعتذر عن كل لحظة من غيابي .. مَرْ وقَتي وماعرفت أحسب حسابي .. /،