حاولت اغض البصر عن اللي مكتوب لكن ما قدرت 
تعرف اغنيه مي كساب اللي تقول فيها " لو احنا فينا من كده , حـ نئلب باللي فات ؟ " ما انكر انها اول شي طرى على بالي وانا اقرا هالجمله هي هالاغنيه خخخ ,
ما انتوا كنتوا فايزين على روما بـ الـ 7 و كنتوا وكنتوا .. الخ ,
وكانوا البايرن ناشبين لنا وقبلهم سيلتيك ,
انا ما اقول ان المانيو يبطي يعدي ووميلان العظيم خصمه لكن كلمة دور الـ 8 للمانيو ومضمون قويه شوي .. لا والله مو شوي الا واجد .
مثل ما كنت متوقعه , ما شفت الا اول نص ساعه من الشوط الاول وحكمت انها بتنتهي بالتعادل السلبي وهذا اللي صار .. سيناريو يتكرر من الديربي الفريق يمسك المباراة و يستحوذ لكن من دون نتيجه .. الفريق يضيع وقت في محاولة اختراق الدفاعات لا باصات ماشيه ولا مهارات فرديه ماشيه حتى العرضيات مو ماشيه يعني الحل صواريخ ارض جو من سيدورف ولا بيرلو تحل المسأله , شفت محاوله من بيرلو اليوم لكن بولونيا يسمعون بالتكتل الدفاعي , خلاص تشوف ان الفريق قدامك مقفل لا حول ولا قوه ما تقدر تسوي شي غير انك تطلق صواريخ تشيل معاها راس واحد من المدافعين وتشق الشبك بدل تضييع الوقت صواريخ متتاليه تهد فيها حيل الدفاع 
.. ثلاث مباريات الفريق ما سجل فيها الا قول واحد والسبب يتكرر في كل مباراة , على طاري التسجيل شي غريب اللي صاير ..لو نشوف الـ 6 المباريات اللي فاتت في الدوري بنلاقيها :
جنوى × ميلان = 2 / 5
يوفنتوس × ميلان = 0 /3
ميلان × سيينا = 4 / 0
12 هدف في ثلاث مباريات يعني رصيد فوق الممتاز ..
بس بعدها وبدون سبب :
ميلان × انتر = 0 / 2
ميلان × ليفورنو = 1 / 1
ميلان × بولونيا = 0/ 0
من ثلاث مباريات هدف يتيم : ( , فرق 11 هدف مو شوي
شي غريب ويتعجب الواحد منه , شـ سبب هالتغيير ؟ شاللي صار ؟ الغيابات ؟ مو سبب الغيابات خصوصا ان خط الوسط والهجوم واللي هم سبب التسجيل .. هم هم نفسهم ما له اي غيابات الا باتو واللي ما كان متواجد اصلا في المباريت الثلاث الاولى اللي شهدت غزاره تهديفيه , ماله اي تفسير اللي يصير غير انه تكرار لسيناريو البدايه .. الشي اللي يحز في الخاطر مو الدوري " على الطاري انا اقترح على الاتحاد الايطالي بدال تضييع الوقت في الجولات الي باقيه من الدوري , الجولة الجايه يكون تتويج الانتر بالاسكوديتو ونقفل ويبدي التجهيز للمونديال لاننسى اننا ابطال العالم " المهم ما همني دوري غسلت ايدي منه ولا همني مركز ثاني اللي سرقه روما , اللي همني التوقيت الغلط للموجة الجوع التهديفي و التعادلات اللي مالها تفسير , مباراة وحده قبل مباراة الابطال حتى لو نفوز فيها ما اظن بتعطي ذيك الثقه المطلوبه , توقيت غلط ويقهر .. لكن ما راح اكثر تشائم وباخذها من منظور ايجابي وبقول انها تخدير للمانيو خصوصا ان المانيو ماشيه معاه صح في البريمر , وتكرار للسيناريو ميلان و الريال مع اختلاف النتيجه ومو هوية المنتصر ان شاء الله و .. Forza Diavolo Ragazzi .