الاطـــــــلال بينما انا أسير ذات يوم على انقاض الدوله السابقه بمرحلة توهان شديده واجمع كل ماخف وزنه وغلا ثمنه من بقايا البيوت المهجورهـ وجدت ذلك الرجل مستلقى على بطنه يبكي على الاطلال على اطلال القلوب اللي من المزيون محرومه كاي شخص غريب دخل مكان بالنسبه له جديد احب استكشف واخنبق وانا بهذه الاثناء سمعت صوت صراخ اقتربت وتغبيت شوي ولقيته صاف قدامه خمس طرابيش عسكريه وقاعد يدربهم قربت زياده وانا مطير عيوني وابو الشباب مازال يلقى الاوامر على الطرابيش استريح استعد وبهذي الاثناء قال لهم لكم فترة استراحه 15 دقيقه فقط واللي يتاخر لايلوم الا نفسه وحط ساعته الرمليه وراح وجلس بالضلال ومعه زمزميه مويه رش منها شوي على رقبته بمنظر يخليك تشك انه لاعب كوره توه مضيع بلنتي رحت لمه وسلمت وهو بدوره رد السلام وقلت له ياخوي انا صدق ماعرفك بس وش انت ووش سالفتك .؟ قال انا الرجل الدوله قلت والنعم معك ابو تيماوي >> ابو التواضع ياشيخ اقتربت منه وقال لي بعد تنهيدهـ عميقه ( هنا كانت فيه دوله عظيمه جدا ... ) قلت له لايكثر بس تراك تأخرت على طرابيشك قام وهو يركض وقال هذي اول مره اتاخر من 15 سنه على جنودي قلت يالله تخلف عليك بس اجل 15 سنه تدرب طرابيش اخذني بيده وقال تعال امشيك على الاطلال رحنا نتمشى وبالجوله هذي لقينا واحد قاعد فوق برميل مويه ويدودل برجلينه ويقول متى اوصل للارض وانا جالس متى اوصل للارض وانا جالس على طول اسرعنا انا وابو طرابيش باتجاهه , انت ياشاطر هيييه وقف وقف وابو طرابيش مغبي يدينه ورى ويقوله معي لك حلاوه بابا وقف وقف انبتبه لاتطيح ونبلش بك وصلنا له وقلنا وين اهلك .؟ وليش مخلينك هنا بالمكان هذا قال لنا ياعيال الكلب انا قززززززززززم يعني اصلا انا كبير بس عندي بطء بالنمو نوعا ماء , قلت له يابن الحلال قاضيين من المجامل الا النمو عندك متوقف خير شر جلسنا نسولف معه واخذنا منه كل علومه وماخذ منا ولانص معلومه لان ابو طرابيش يقول لابد من التكتم وعدم الوثوق باحد قد يكون جاسوسا ياهذا همس باذني ابو طرابيش وقال ابسوي معه تحقيق سريع وعاجل لكي نكشف امره ونظر الى القزم بنصف عين وقال له كم تستغرق للصعود الى البرميل وكم تستغرق للنزول ولماذا تصعد ولماذا ستنزل اذا صعدت وماذا سترى وهل انت تخفي امرا خلفك ام لا القزم التفت للخلف وقال مافيه شئ وراي قلت للرجل الدوله بالله عطني فرصه ابحقق معه قالي تفضل , التفت للقزم او بالاصح نزلت راسي للقزم تعرفون فارق الطول يعني وقلت ترى هالخبل توي لاقيه يدرب طرابيش لايهمك خخخخ وانبسط القزم وقعد يضحك وطاااح على وجهه من قو الضحكه خخخخ ابو طرابيش اخذ وضه الانبطاح وحط يدينه فوق راسه وقال كمين كمييييين المهم عدلته وقلت وشلون رقيت هنا .؟ وخل عنك خثاريق سعادة المحقق قال وهو يتنافض من الخوف كان معي واحد من اخوياي حطني فوق هنا عشان ماقدر انزل وراح يجيب لنا عشاء وبيجي الحين قام ابوطرابيش وهو مرتبش ويدور بمكانه وقال تغبوا تغبوا عدو عدو قلت يابن الحلال اجلس وانت تدري من هو اصلا على طول عدو عدو ؟ قال القزم هذا واحد نحوووووت اعرفوا انه اذا جاء جايب العشاء قبل يوصلني بكم متر يقول اييييييييييييييييييهب وانا اتكرفس من فوق البرميل يعني مايحتاج يجي ينزلني وعلى هالحاله يوميا مخليني محطة تدريب له عشان مايفقد قدرته بالنحت لانه مافيه الا انا واياه بس بين هالخرابات جاء النحوت ولقانا متجمعين وسلم علينا وعرفناه على انفسنا وحنا نتافض ماندري العين بتصك مين اول انا او ابو طرابيش طلع اخونا بالله نحوت مع وقف التنفيذ يعني يقدر ينحت براحته ويقدر ماينحت جلسنا الاربعه نتبادل اطراف الحديث وكان جل حديثنا عن انهيار الدوله السابقه دوله ابائنا واجدادنا وكيف اننا اصبحنا مشردين الان وخفت سطوتنا وضعف بريقنا اخذنا القزم والذي اطلقنا عليه فيما بعد بالشيطان القزم لقوة افكاره وخبثها ايضا الى مكان يقول ان فيه شخص قد يفيدنا كثيرا وهذا الشخص ( يتنبأ بالمستقبل ) ذهبنا الى هناك ووجدنا ذلك الشخص اللي لابس عمامه بيضاء على راسه ومشبك يدينه مع بعض ومطرق براسه للاسفل ولايرى من اتى اليه اطلاقا سلمنا عليه ورد بمثلها وقال لقد توقعت قدومكم وكنت انتظركم منذ زمن بعييييييييييد لان على يدكم ستكووووون الثورهـ الكبرى صرخ راعي الطرابيش بقوهـ ( للثوره رجال .. ماتشرى بالمال ) وصرخنا نحن ايضا ( مش حنوافق مش حنبيع مش حنسلم بالتطبيع ) قال الشيطان القزم ايها المتنبي انت الحين وش تشوف فصرخنا كلنا ايه صدق وش تشوف .؟ فقال هناك على الطرف الاخر من المجرهـ يوجد جيش عظيم من النساء تقوده فتاة ولكي تعود الدوله لابد من الوصول الى الجيش أولا قاله القزم طيب وين نلقى الجيش هذا .؟ قال مستحيل ان اخبرك . قال طيب تتوقع اني ابصير طويل .؟ قال تلقون الجيش على اخر حدود الدوله من الشرق