: للســــــناعه عنوان ! هاذي رساله سحابه ... C a r n a t i o n طبعا ... سمعتوا انها أعرست والاخت قبل تتزوج .. كانت تسوي بروفات طبخ وتصور وترسل على ايميلي انا وسيدهـ خلانها و عنفوان ومدري مين بعد ض1 وهاكم الدليل " تراها ماتدري اني بنزل كلامها بالمايك لايفوتكم شرحها ........... تغطي على منال العالم × × × أهلييين أزيكم بما اني مااعرف الا عاطلات كود اكسب فيكم اجر لاتعلمتو الطبخ بما اني توني باديه اطبخ وكذا قلت أنزل لكم طريقة الرز أول شي حطي الكميه اللي تبين من الرز .. همن اغسليها وخليها بالمويه وسوي التالي: قطعي بصله .. و طماطه تسانتس تبين يعني مهوب غصب ترى همن حطيها بـ زدر ( قدر ) وحطي شوي زيت واحمسي لين تحسينه ذبل وحطي حبه ماجي وحده بس مهوب القاتس ناطله الكرتون بكبره وحطي نص ملعقه تسبيره ملح خشن .. و شوي بهارات وليمون اسود وكم عود قرفه لزوم الطعم يعني همن صبي مويه حاره نص الزدر ,, واذا فاحت الين انتي قد قطعتي الدجاجه وشلتي الشحم مدري وش اسمه المهم .. وتنطلينه بالزدر وطبقيه الين تستوي عاد مدري وشلون دريت انها مستويه بس خلو شغالتنا عندكم توسع صدوركم وتعلمكم انه زان بعدين تطلعين الدجاج وتحطينه بصحن الفرن وتدخلينه الفرن لين يتشقر همن عاد طفي الفرن < اجل تخليه وحطي الرز في القدر اللي كان فيه دجاج .. واذا بدا طلع الرز وراحت المويه قصري ع النار وروحي رتبي السفره الين يزين تسذا ربع ساعه همن طفيه دوكم صور عشان تتحمسون اكثر ,, اول قولو ماشاء الله سحويه اشتقنا لك الله يسعدك :: :: :: " ... محادثتي أنا وسيده خلانها قبل يومين .." ض1 بعدين ردت سيده قالت : أهم شي الفطور بيض مسلوق <- تكلفنا بعد والغداء اندومي ::: تعرفون .... يعني لازم نتعلم طبخ عشان وشسمه لاعرسنا ض1 الثلاث شهور اللي فاتت شديت حيلي اول طبخه سويت الكبسه العاديه الحمراء وركزت على البهارات وصارا الطعم حلو ............. ولاقى استحسان الجميع ..... المره الثانيه سويت غداء سحابه بس ماطلع نفس لونه .. طلع لون الرز اصفر يمكن لان كل البهارت والعلب اللي قدامي احط منها وانا مدري وش قصتها ض1 المره الثالثه ... كنت أخربط بالنت لقيت طريقه رز شوايه الخليج اللي بالرياض والشرقيه والظاهر بجده بعد قلت خل أبدع واسويها وسويتها بعد جهد جهيييد شوفوا النتيجه .. أرسلت الصوره لاختي المتزوجه قالت وش ذا الرز الحق ينقال الدجاج كان طعم خطيير والرز أطلق من مطعم الشوايه <- نصابه اختي يوم نادينها للعشاء قالت هذا الشوايه اللي تقولينه هذا غسوول الشوايه ................. بعدين اخذت اجازه بعد الكلام اللي جاني ثم قلت خل اتطور سويت سلطه فواكه شوفوا صورتها اهم شي الصحه ,, وبعدها .. سويت حلى السنكرس وهاذي صورته الحين البسكوت ليش ينقز فوق <- ياشيخه اطلعي من المطبخ بس ...................... - سؤال بس ..... أحد يكره الطبخ أكثر مني ماودي اني اضطر اجيب وحده غريبه في بيت المستقبل تسويلي × عذرا على ردائه التصوير <--- من العجله .. أصلا ماتوقعت ابدأًً اني بنزل الصور بالقناص ,,