:
" .. سوالف 
.."
× النت
عالم ماأمل منه 
كل يوم اكتشف فيه شي جديد
أغلب وقتي فيه ... <--الله يجزا خير اللي اخترعه 
تقول لي جارتنا السوريه :" أنا لو اقدر اجلس عالنت واقابله بالساعات مثلك .....
أستفيد منه بشي مهم واطلع كل شي في الدنيا
وأصير أثقف وحده بالعالم ... <-- شوفوا تفكيرهم غير تفكيرنا 
أما أمي تكرررره النت تخيلوا وصل فيها أنها تقول :
"جعل يجي يوم تفتحين فيه النت تدوخين دوخه لين تكرهينه 
× المشاهير الأجانب ...
يشدوني كثييير متابعه لبرامجهم ولحياتهم
اطلع باليوتيوب حلقاتهم في tv الواقع
اشوف حياتهم على طبيعتهم
عندي بالكمبيوتر مجلد خاص فيهم
ياناس ذولي أهل الفن صدق ...
اما العرب نهائيا مايعجبوني اتابعهم متابعه سطحيه فقط
ماعدا ابو نوره وراشد وكانت تعجبني حليمه لكن الحين اعوذ بالله
معاد اقدر اتقبل مصالته زود 
خاصه يوم شفتها بالـ يوتيوب تغني "عافك الخاطر .!
وبعدها انا اللي خاطري عافها
× الشعر ...
حسيبك .. يالهوى الظالم .. حسيبك لاتعاندني
بيلقى صاحبي غيري وآبلقى في العرب غيره : (
الشعر عشقي ,, يسحرني كلامه
يوميا ... لازم أقراء شعر
مايعجبني ... الشعر الهجومي اللي يبدع فيه حامد زيد وغيره
في بعض اشعاره أحس الرومنسيه بجهه وهو بجهه ض1
مدري ليش ناس كثير يحبون اشعاره ؟!
أنا ماعندي شاعر محدد .... لاني انظر للأبيات وليس لشاعر .!
لكن .... لذكر لا للحصر
بدر بن عبد المحسن - فيصل اليامي – سعد علوش – المريخي –
سالم سيار .. والكثير ...... " هالشعراء يشدوني
× المباريـات
تصدقون لو في مباراه للمنتخب أحيان يجيني ارق مانام من كثر حماسي وتوتري
فـ صرت اغلب مباريات اتابعها وانا دايخه :/
اذا في مباراه للمنتخب لازم افر في منتديات المنتخب الي ضدنا 
واقر صحفهم بكذا تصير اجواء حماسيه وبعد المباراه لازم اقرا واتابع الاصداء
لي .. روتين اسويه قبل أي مباراه سواء للهلال او المنتخب 
اعلم اهل البيت قبل المباراه عشان مايزعجوني بشي
بغرفتي حاطه TV قبل أي مباراه أبخر الغرفه وارتبها وتكون عندي قهوه وحلا ,,
<--- هذا اللي فالحه فيه 
واحلى حماس ولا احد يفكر يتابعها عندي...
بقولكم شي ....
وجود تي في الغرفه شي يجنن... 
يعني .. أرتب القنوات بكيفي
اي شي أحب اتابعه مايفوتني منه شي و اتابعه بكل بهدوء ومحد يشغلني
اجواء حلوه بالغرفه اذا في ايام ستار اكادمي لكن الستار الاخير واللي قبل ماتابعته 
اذا ماجاني نوم أنقز اتابع فيلم هندي والاهل يحسبوني نايمه 
اتابع المباريات بدون ازعاج وهذا اهم شي
أنام على قناه المجد قرآن بصوت واطي <- تخاف بالليل
إذا عندي شغل أو مناسبه وودي اشوف حدث .. مايفووت
مثل : يوم مهرجان أعتزال نواف التمياط كان عندنا عزيمه :/
اتمكيج واطالع نواف وحفل الاعتزال 
برمضان أحس بروحانيه بالغرفه اذا شغلت على صلاه التراويح في مكه
فوق هذا كله الأهم أنه ... أحس في شي له قيمه .... في غرفتي يعطي جو وروح
الافلام الكوميديه المسرحيات الافلام المصريه افلام الاكشن اكررررررهاآآآ
ولا ني يم قنوات روتانا ...... اسال الله لصاحبها الهدايه
... ماسحينها من البيت كله 
× الوظيفه ..
جاني ترشيح للوظيفه اكثر من مرهـ
بس خلاص انا قفلت عالموضوع نهائي عجبتني قعدت البيت 
وناسه .. يازين لاجا الليل والابتوب عندي والقهوه ... والحلا
والسهر على المسن مع صبايا القناص وافر بالمنتديات
خلاص صرت معاد احب اطلع من البيت الصبح
ولا حطيت اسمي بالترشيحات حقت الوظايف اللي بالديوان 
اول ماتخرجت طفشت ابي اتوظف باسرع وقت ...
الحين ...... مستحيل .. ألا إذا دخلت مزاجي ذاك الوقت
<- تو اشوف اللي ماشفته بسنين عمري اللي راحت علي
مع الـ كرف وقومه مع صباح الله خير
..
× صور أيام حلوهـ
" فيس حزين تذكر الذي مضى "
ميداليه تخرجي 
باركولي <- طلعوها برا
,,
تأسرني الذكريات
هنا حروف خطتها معلماتي وصديقاتي 
,,
بقايا أيام التطبيق
وش اسوي فيها الحين
,,
رسائل الطالبات لي يوم كنت ادرسهم في التطبيق 
,,