.. القسم : اداره ماليه .. المستوى : مدري ما عندنا مستويات بس اني بالسنه الثانيه ودّي بس لو احد معي بـ ذا الجامعه الخايسه عشان يحس بمعاناتي !! كرف بشكل موب طبيعي !!!! اتوقع حالفين يخرجونا حمير على ذا الكرف عموما ً انا ابدأ الخميس الجاي الخميس - سلم 101 التعليق : وهـ الين يوم القيامه الإربعاء - < ايه وش تناظر الإربعاء !! يعني اسبوع كامل اقعد احتري هالماده الإربعاء عندي Accountingمحاسبه 101 " " !! التعليق : افكر بالإنتحار 3 مرات بحياتي الأولى اذا كنت مسافر خط واحتجت الحمام وابوي قال : صر رجال .. الثانيه : اذا بنشرت السياره يوم 15 اوقست الساعه 2 الظهر !! الثالثه : اذا جاني مدرس ذا الماده للبيت تصكني الغلقه يا عالم !!! السبت : Math 101 " رياضيات " .. التعليق : ماده ثقيله دم بشكل الإثنين " Business 101 - اداره اعمال " التعليق : معطينها الجامعه اكبر من حجمها !! احسني ادرس ماده اسمها "انا سهله بس معصي تنجح " !! الإربعاء - عرب 101 .. التعليق : مصاله بس ! بالنسبه للجامعه انا قدّر الله علي وسجلت بجامعه الأمير سلطان !! محد بيحس بالمعاناه والتكه وحومه الكبد الا اللي يدرس فيها !! بس ,