:
الـقناص
2007 كان عام دخولي للقناص
موقع القناص أول منتدى سجلت فيه بعالم النت
بالبدايه كنت متابعه بدون تسجيل ... للمجلس مو كل الموقع
وكنت أعرف الكتَاب والاقلام يعني اخذت خبره عنكم ض1
وسبب تاخير تسجيلي .. لأني ماعرف أسوي أيميل :/ خخخ
ومرهـ وديت الجهاز للمحل يضبط لي شغله وطلبت منه يسويلي ايميل وماسوالي :/
وبالنهايه ..... من طلب العلا سهر الليالي ض2ض1
بحثت بقوقل وشفت شرح مصور لايميل وعرفت وضبط معي وسجلت عندكم
............. والموقع مافعلني الا لين طلعت روحي ض1
* * *
- القناص هو الموقع الوحيد اللي أخذ أكثر وقتي في عالم النت
سنوات الجامعه اللي راحت اذكرها أكثر شي مع القناص
أقوم الصبح اطل عليه قبل اداوم اتغدا اتابعه لين اذان العصر
بوقت امتحاناتي أقرا الملزمه وأنا فاتحه مجموعه مواضيع قدامي
بعدين أخذ بريك وأقراها ثم اكمل مذاكرتي !
- بدايتي بالكتابه كانت متواضعه لما كنت أكتب موضوع كانت الردود أقل من 10
كنت أطير من الفرحه إذا شفت إشادات الأعضاء حالياً وصلت لما أطمح ولله الحمد.
- ماتوقعت أني رح أطلع من قسم المجلس
اللي هو الأقرب لتفكيري ويشدني أكثر من باقي الأقسام ..
لكن أعتقادي كان مخطىء تواجدت بأكثر من قسم وصلت لقسم الرياضه وكتبت تغطيتين بنفسي اللي هي :
" مباراه الهلال والنصر" و " مباراه الأتحاد وبوهانج "
طبعاً مع تحفيز الأخت اقدار ..ق1
ذا الشيء يعتبر إنجاز بالنسبه لي
وشعور جميل أني أشوف نفسي بـ قسم الرياضه ق1
- أستفدت من وجودي بالقناص أني عرفت أكثر طريقه " تفكير" الناس
وكسبت أخوهـ وصداقات أفتخر فيها ..
- تواجدي مع أقلام وكتاب كبار .. " أكبر دعم لي و لقلمي ,!
بنفس الوقت أفتقد لـ أقلام رحلت
متعطشه لـ أقراء حروف كانت مع ميلاد قلمي ."
,,