.
سيينا يا سيينا , احقر فريق في الكالتشيو فريق متذيل الترتيب كل من يجي يمسخره ويمشي ثلاث نقاطه المفروض انها بالجيب ,
مباراتين لهم في السان سييرو مع الانتر والميلان نقول ان حماسهم كله طلع في مباراة الانتر والانتر ما قصر عطاهم جوهم بعدين قلب عليهم ,
هد حيلهم نجي عاد حنا ونكمل عليهم وهم حماسهم فاتر وحيلهم مهدود ناخذ الثلاث نقاط ونتقهوى نريح شوي نخلي العيال يلعبون ونمشي 
..
مباراة الذهاب كانت لنا 2 / 1 من بت بت وباتو مش موجود بس بوريللو ما يقصر 
,
الجوله هذي والجولة الجايه هي جولات تحديد قدرة منافسه الميلان على الاسكوديتو من عدمها , ثلاث نقاط ما راح نرضى بغيرها من الجولتين والا ننسى الاسكوديتو .
في تغيير في مواعيد مباريات الميلان , ميلان واودينيزي في الكاس بيتقابلون 27 يناير بدال مباراتنا المؤجل مع الفيولا ,
ومباراة الفيولا في 24 فبراير .. ما حبيت هالتغيير لخبط اوراقي .. بيضل الفارق بيينا وبين الانتر مده اطول , من وين طلع لنا هالتغيير 
.
على طاري الانتر ..
غالياني يقول : ماحنا خايفين منهم ,
يقول جاهزين للديربي ومستعدين ولا فيه الا العافيه ولا توتر ولا شي اصلا منهو الانتر اللي يستاهل نخاف منه ؟ <- من عندي ..عطونا الانتر بس ,
ويقول انه مافي غيرنا منافس على الاسكوديتو مع الانتر طبعاً , وكرر للمره المليون ان ميركاتو الميلان مغلق .
بت بت احتمال يغيب او شبه مؤكده غيابه ,
ما منه خوف غيابه عن مباراة سيينا بدونه فزنا على جنوى و اليوفي ,
نبيه اهم شي بالديربي .. ارجع لنا بسرعه .
Vs 
مباراة السهره بكرا , عشاني يا الكورن فليكس تعادل او فوز تكفون لخاطر الكالتشيو ,
املي فيكم كبير وانكم احسن من سيينا يا ابطل فريق في الكالتشيو هالموسم يا الحصان الاسود انتوا حتى شعاركم يـ اكد هالشي ,
الانتر مو احسن منكم في شي الاهداف اللي دخلتكم عليكم تساوي الاهداف اللي دخلت عليهم محد احسن من احد
شدوا حيلكم موفقين , فوورزا باري .
<- المفروض بعد هالاطراء اللي جاكم مني باقي الموسم تكملونه انتصارات وما يخلص الموسم الا وانتوا بالمركز الثالث بعد الميلان والانتر الا لا جيتوا تقابلون الميلان تقديرا لي تقولون عطوهم الثلاث نقاط من دون مباراة وعلى قمصانكم صورتي مكتوب تحتها GRAZIE SOSO .. بعد هالمدح ان ما حققتوا اللي ابيه نحرتكم .
.