عشقي تيماوي يعود اليكم من جديد وانا لله وانا اليه راجعون والا لعنة الله على الظالموووون وتعيش فلسطين حرة ابيه >> طراله ان كل موضوعك مطبلون يقولون يفعلون يستفيدون يبحثون والله يانا كرهت حرف النون بسبتك الا نون النسوه طبعا الا تعال على طاري سالفة الملك تصدق انا استنتجت شئ مهم وهو ان الجنود ذولا اللي يروحون يقعدون بالقريه ويسحبون على الملك وكل وفد يروح يقولون له الوفد الاول اجلسوا هنا وش تبون بالملك بس الين صار كل جيش الملك بالقريه وثمن رجعوا لديرتهم واكيد بيدخلونها لان هم الجيش ومافيه جيش اصلن غيرهم والملك ماهب قادر يواجههم لحاله صح .؟ فلذلك انا اختلف معك هم موب مطبلين هم اذكيااااء وقدروا يطيحون بالملك بطريقه حلوه ابقولك شئ حبيبي بالنسبه للي يطبلون لما يجيك شخص بالماسن ويقول رد على موضوعي طبعا الموضوع موب زين قاضيين منها ذي بس انت من باب الحياء يعني بترد بتقول اول مره واخر مره وطبعا لازم تقول موضوعك حلو وقس عليها ياحبيبي كل ماكثرت علاقاتك كل ماكثرت الردود خخخخخخ فيه شئ ثاني لما تكون الكاتبه بنت ترى كلن بيجي يتميلح ويرد لكسب رضاها وودها وطبعا هذا الشئ من ابسط حقوق الفتاه بالمنتديات ولامانع من استخدامه من قبل الشباب ولكن بشوي ثقل وبطريقه ماتبين للناس اننا نشوف موضوع غير اللي انت قاعد تمدحه يعني امدح بس ترفق علينا تكفىىى عاد من وجهة نظري اننا لسناء رقباء على العالم وترى كل ماكان الشخص يرى بعين الناقد كل مافقد جمالية الرؤيا يعني صدقني البساطه حلوه طيب ياخي شف الموضوع اعجبك رد ماعجبك توكل على الله وشف موضوع ثاني اعجبك رد ماعجبك توكل على الله وشف موضوع ثالث اعجبك رد ماعجبك ترى البلا منك وانا اخوك ماهب بالناس طبعا يستثنى من ذلك المواضيع اللي مابها رجاء ابد وبعدين اشوف بالفتره الاخيره كثرت المواضيع اللي تعلمنا وش نسوي وش السالفه .؟ الى الدرجه ذي مابنا رجاااء لاتقولون حنا نقصد اعضاء معينيين ترى انا من الان اوكل نفسي عن الاعضاء حقين الطبقه الكادحه وهيئة العمل والعمال وعامة الناس واكيد الاعضاء ذولا بيرضون فيني بما اني اكبر زلابه بينهم ايه زلابه ومانعرف شئ بس فكونا من خثاريقكم تكفون >> ايقونه واحد يعطي بزر ريال ويقوله رح يابابا رح المشكله ان بعض المواضيع تجي من ناس هم فاقدين هالشئ ( ترى انا اتكلم عن مواضيع سابقه ) يعني لما تجي فتاة ليل وتقعد تعطيني محاضرة عن الشرف والكسب الحلال اكيد اني ابسوي حركه قبيحه لها وامضي في سبيلي اردد قائلا " فاقد الشئ لايعطيه فاقد الشئ لايعطيه " اجل ذاك اليوم قريت موضوع يتكلم عن شئ معين هالشئ قسم بالله مفقوووود من كاتبه بكل ماتعنيه الكلمه من معنى يعني صدق صدق بالنقطه ذيك بالتحديد الصدقه كانت تحل عليه خخخخخ والله ياضحكت ضحك الين انفتح الباب حق الغرفه وقلت له حتى انت تضحك نياهاااهههاااا .؟ قال لا انا احاول اذكرك بالمثل اللي يقول باب النجار مخلوع نياهااا هااااا ايه الله يقطع بليسك ياباب بيتنا حتى انت عندك حميه لابناء جلدتك البيبان خخخخ يعني يانصير مثلكم ونفكر مثل تفكيركم ولنا نفس توجهاتكم او ترانا يع وكخه ومانفهم .؟ ياخي على الاقل اذا تحسون انكم فوق مستوانا حاولوا طيب تصنفون المجتمع وتخلوننا الطبقه اللي مابها خير والبثرين وكل مايندرج تحى مرادفات كلمة سئ بس عطونا حريتنا نسولف ونفلها وناخذ راحتنا بدون ماتجبروننا نمشي على نسققكم اذا اعجبك ردي فهذا لنظرتك الثاقبه واذا ماعجبك ردي فاعتبرني اول واحد بدأ يطبق " عدم التطبيل " اللي انت تطالب فيه وترى الكلام هذا من زمان المفروض اقوله ولكن موضوعك جاء بوقته وردي ليس الا كلام كان يبحث عن مساحه ووجوده هنا لايعني باي حال من الاحوال ان المقصود كاتب الموضوع بل الكاتب يناقش قضيه وانا ارد على قضيه فقط لاغير والاخ فهد يقدر يتأكد من الشئ هذا بالرجوع لردي الاخير بقسم الاصدقاء ويشوفه قبل التعديل وبيشوف انه نفس الكلام هذا بالضبط رغم ان له اكثر من خمس ايام نازل معشر الزلايب والدشير وسفلة القوم ايها الجمع الغفيييييير تقدرون تردوون الان السطور التاليه كتعبيرا منكم على مبايعتي ياشعبي الكريم مش حنوافق مش حنبيع مش حنسلم بالتطبيع مش حنوافق مش حنبيع مش حنسلم بالتطبيع تسعة عشر شبحا مروا من هنا