السلام عليكم ورحمة الله وبركاته احب ابدا بالموضوع بدون مقدمات الصراحه الي جالس يصير الان بخصوص ياسر وبخصوص الردود الي شفناها عن تغيرات السيد ايريك جريتس بالمباراة الاخيره وبخصوص طلب مهاجم جديد للهلال وبخصوص ياسر الى دكة الاحتياط اسمحو لي ما اقدر ارد على ها النقاط والكلام الي ماله اي مبررات الا بـــ والله مافي روووسكم كوره ياسر.... ياسر ... ياسر ... تعبتنا من كثر ما نسمع التحطيم للكابتن ياسر احنا الان بها الكلام نتوقع ان احنا نسوي ها الشي لاننا نحب ياسر ونبي يرجع مستواه الي تقولون انه مارجع ولاكن للاسف الي صاير الحين ان احنا بانفسنا نضغط على ياسر فوق مستواه وفوق المطلوب منه لان هذا المطلوب منه من السيد ايريك جريتس عند تغير تكتيك الفريق من دفاع الى وسط الى هجوم رجع مستوى ياسر من بداية الموسم لانها ازمه وعدت لاكن التكتيك مايسمح له انه يرجع للتهديف لو ياسر مو موجود اتحدى اي شخص يقول ان الوسط راح يسجلون الكم الهائل من الاهداف الي شفناها والي وصلت الى 41 هدف بالدوري الى الان نطالب بفرص لعيسى وبرضو لو ياخذها عيسى ماراح يسلم لانه من الصعب انك تترك المهاجم والوسط يسجل واتوقع لو سويناها بتطالبون الدفاع بالتسجيل غريب امركم صراحه بدل مانوقف مع نادينا نشوف الناس تضغط عليه وتطالبه بالمستحيل يكفي الروح الي نشوفها بعيونه ويكفي انه من ارعب المهاجمين ويكفي انك تضمن ثنين من المدافعين راح يكونون مراقبين مراقبه لصيقه وبيسمح لنجوم الوسط بالتسجيل اما بخصوص السيد ايرك جريتس وتغيراته امام النصر انت لما تلاحظ التغير المبكر لاعبد اللطيف الغنام تتوقع لو انه ماسوا ها التغير راح يوقف النصر بالشوط الاول على الحماس الي شفناه منهم والاداء بالهدف الوحيد بالشوط؟؟<<<(كلمة حق) المدرب تلاحق اخطاء الغنام المبكره وحاول يصححها من بداية المباراة المدرب مصدوم من لاعبينه والكل شاف ردة فعله بالتغير المبكر للغنام اما التغيرات الي صارت بالشوط الثاني بدا الشوط وكان الاعبين رجعت لهم الروح ورجع لهم الحماس ترك المباراة مثل مابدا بها الشوط الثاني وحاول يعطي الاعبين اكبر فرصه ممكنه للتعديل ولاكن شاف مافيه فايده فرجع للتغيرات وانتو شفتو كل التغيرات وشلون كانت مغامره من السيد ايريك وبعدين من اول خساره بدينا نشوف اه ياكوزمين والكل يتكلم عن الجريمه الي سواها السيد ايريك ونسينا الابداع الي سواه لنا المدرب الكبير اما بخصوص المهاجم الي نطالب فيه اشوفكم بعد مباراة الخمسه مع الاتحاد والاهداف الي كلها من لعيبة الوسط مع مساعدة الهجوم بسحب المدافعين ولا همنا الوحيد نفكر باليوم وبس وننسى الجاي بكره هيء مهاجمينك ساعدهم على الانسجام ولا ننسى البطوله الاسيويه جايه وان السيد ايريك جريتس وعدنا بتحقيقها من بداية الموسم اما ياسر الى دكة الاحتياط ليه مانحصل حل افضل منها ونقول سحب احد لعيبة الاحتياط لتحرير ياسر الكابتن نواف العابد اذا بدا المباراة مع الكابتن ياسر راح نشوف تحرر كبير مع الاعب ياسر الكابتن احمد الفريدي لما يكون موجود نلاحظ فيه تحرير للكابتن ياسر لان الفريدي يهدي الكوره مع مرور مفاجئ وتتخلل الثغرات بين الدفاع لانه لاعب يسدد من بعيد ولاعب يصنع من اماكن ضيقه الكابتن عيسى المحياني يسبب ارباك كبير للمدافعين بسبب تسديداته القويه من كل منطقه بالصندوق وحتى خارج الصندوق راح يكون مساعد لتحرير الكابتن ياسر كل هذي حلول يستطيع السيد ايريك يطبقها لاكن الوضع الحالي ممتاز مو شرط ياسر يسجل الاهم ان يتم التسجيل فقط كلمة اخيره فلننسى الماضي ولا نغتر بما قدمنا قبل الخساره ولا نتاثر بالمستوى بعد الخساره لان القادم هو الاقوى تحياتي