Part6
يعود خـآلد لممارسة حياته الطبيعيه
وتعود ميسآء ايضآ لممارسة حياتها الخاصه وكتابتها وبناءاحلامها الصغيره
وعلى نفس الموعد دومآ يلتقون بالحديث والدُعابات
ولازال نفس النهج يسيرون عليه خالد للصبر يُحتذى به
وميساء للكبرياء ينفر منه !!
ميساء قررت ان تبوح لصديقتها نوره ماحدث قبل
وان تتحمل جميع مايصدر من صديقتها !
ميسـآء تحمل هاتفها للإتصال بنوره الساعه الثالثه عصرآ
طوط طوط طوط ___
ميسـآء ,’’ آلو ..
نُـوره,’ هلاوالله
ميسـآء ,’ اهلين نوره وشلونك
نُـوره,’ تمام والله وانتي وش اخبارك
ميسـآء ,’ انا كويسه الحمدالله
نُـوره,’ هاه وش عندك قلبي يقول فيك شيء : p?
ميسـآء ,’ هههههههه وانتي جنيّه ماغير تحسين وبس
نُـوره,’ اذكري ربك لاتصكيني بعين اعوذ بالله : @
ميسـآء ,’ طيب آسمعيني يالشينه : $ اليوم ابي اشوفك تقدرين ؟
نُـوره,’ اليوم اليوم اليوم اممممممممم اصبري افكر :P
ميسـآء ,’ تتغلين انتي ووجهك :|
نُـوره ,’ يحقلي ياشيخه : $
خلاص بس وين تبين ؟ او تجيني بالبيت ؟
ميسـآء ,’ لالا طلعينا من اجواء البيت والعائله
خلينا نروح اممممم شرايك نروح كافيه
نُـوره ,’ خلاص بعد العشاء نتواعد
ميسـآء ,’ خلاص تم يالله باي ياحلوه
نُـوره ,’ باي يامُصيبه :P
ميسـآء ,’ ههههههههههه
,|
وانتهت المكالمه بين ميساء ونوره
توجهت ميسآء لولدتها
ميسـآء ,’ ماماتي يااغلى ماخلق ربي : $
والدة ميسآء ,’ لالا اكيد تبين شيء هاه يالله وش عندك قولي من الآخر
ميسـآء ,’ يالببببببى اللي فآهميني على طووول : $
اليوم بطلع مع نوره بس ماراح اطول بنخلص كذا شغله وبنرجع
والدة ميسآء ,’ متى بتطلعين ؟ وكم يبيلك عشان تخلصين ؟ ووش هالشغله ؟
ميسـآء ,’ يؤه يؤه يؤه كل هذا عليّ مره وحده شوي شوي طيب
اول شيء بنطلع بعد العشاء .. وتقريبآ برجع البيت الساعه عشره يعني طلعتي اربع ساعات
وبحاول ارجع بدري .. وشغلتي ضرووريه مره تخص بحث لازم نقدمه عشان النجاح
بليز ماماتي وافقي عشان مستقبلي : (
( ولازالت ميساء تستخدم الكذب حيله لأجل خالد !!
والدة ميسآء ,’ وراه ماتجيك بالبيت اامنّ
ميسـآء ,’ وش بيته .. البيت مافيه كتب راح تفيدنا
والنت برضو مو كل مرجع موجود فيه .. يعني بنتمشى بالمكتبه
كذا شغله بس عاد خلاص وافقي : (
والدة ميسآء ,’ طيب المهم لاتطولين عشان ابوك لايسأل
× ميساء بينها وبين نفسها .. ههههه ابوي اجل .. اقول لايصك الحرمه الثالثه
والله ولاجاب طارينا : /
ميسـآء ,’ خلاص ابشري وهذي بوسه على راسك يااحلى ام بالدنيا
امممممموووواه : $
كان وقت العصر جدآ قصير .. وميساء تنتظر وقت العشاء
استغلت وقتها هذا في بعض الكتابات ..
* خالد كعادته بعد العمل يخرج مع اصحابه لإحدى الاماكن
فهناك يأنس للتجمعات ويسعد كثيرآ برفقة صديقه القريب لقلبه جدآ ( طلال )
خـآلد ,’ طلال ياخي مدري ليه هالبنت دايمآ في بالي ياترى وش السر ؟
طلال ,’ هذا الحب خبري فيه يبدا بالاهتمام :P
خـآلد ,’ اي حُب اللي حتى صوتها مااسمعه وحنا بنكمل 3 سنوات مع بعض !
طلال ,’ حاولت تختبرها يمكنها تحب احد ولاتقدر تكلمك !
خـآلد ,’ هاااااااه تحب احد لالامستحيل وين ميساء تحب !!
ياخي هي خل تكسر كبريائها ذيك الساعه اقولك تحب ..
محدٍ بيصبر عليها كثري : /
طلال ,’ دامك عارف عيوبها وش لك فيها
وش اللي يخليك تتعب على شيء بدايته مافيه راحه
خـآلد ,’ خلاص عاد طلال افهمها ( حبيتهاااااااااااااا : (
طلال ,’ محد قالك لاتحبها بس خل لحبك حدود يعني شفتها تتكبر عليك تكبر على ابو من جابها
الى متى وقلبك طيب .. اعرفك زين ياخالد عمر قلبك مانبض لاي بنت
مستغرب ذا البنّيه وش سوت بك : /
خـآلد ,’ طيب طلال هات جوالك !
طلال ,’ جوالي :| ؟ وليه
خـآلد ,’ بدق عالرقم اللي قلت لك عنه احساسي يقول هيي
طلال ,’ يامهبول لايكون حرارتك ارتفعت وبدت الفيوزات تضرب :P
خـآلد ,’ طلاااال موب وقتك هات بس جوالك بدق وبحط السبيكر
اذا ردت تكلم انت !!
طلال ,’ اتكلم وش اقول ؟
خـآلد ,’ اي شيء كأنك غلطان المهم خل نجرب يارب ترد بس
( وهنا يأخذ خالد هاتف صديقه طلال ويسجل الرقم ويضغط على الزر الأخضر
ولازال الرنين متوواصل طوط طوط طوط _________
( ميساء كانت مع صديقتها في الكافيه .. وصوت ضوضاء لاتستمع كثيرآ لصوت هاتفها !
خـآلد ,’ وش فيها ذي ماترد
طلال ,’ مو كلن يرد على رقم غريب
يعاود خالد تكرار الاتصال وهو يضع ( الإيسبكر *
ميساء بينما وهي مع صديقتها نوره محاولة إقناعها بما فعلت
فتنظر فجأه الى شاشة هاتفها وترى رقم !!
قررت مقاطعة نوره والرد :
ميسـآء ,’ آلوووو ( صوتها نبرة بحه خافته )
* خالد في صدمة قوووويه ... قلبه بدا يخفق بقووووه
هنا اكتفي بهذا البارت ..
* برأيكم هل خـآلد تحدث معها ؟
* وماردة فعل نوره لهذا الاتصال
حيث انها لم تعلم حتى الآن من ميساء مافعلت !
توقعاتكم للبارت السابع