( كان صوت خـالد أول صوت رجُل غير والدها
تسمعه ميسآء في هاتفها .... لازالت تبكي وتبكي وتبكي على مافعلت !
ولكن في نبره واحده تعلقت أكثررر
كانت ميسـاء من شدة بُكائها تقول لماذا احببتك ياخالد
!!!؟
خـآلد ,’ غريبه مين اللي داق ؟ ممكن تكون هي لالا مستحيل
وليه تدق وتسكت .. مدري ليه قلبي يقول هي!
اممممم خل بدق واجرب
( خالد هنا يعود لضغط الزر الأخضر على رقم ميساء !! وهو لايعلم بالمؤكد انها هيّ !!
طوط طوط طوط ....... ولازال الرنين متصل
ميساء تحمل سماعة الهاتف ولازالت صامته فقط تستمع لصوته الدافيء !
وتزيد نبضات قلبها ..
خـآلد ,’ آلووو آلووو ممكن تتكلم ياللي داق !
لاجدوى من الصوت فقد اقفل خالد الخط وقال :
خـآلد ,’ ( في لحظة غضب ) بقريييح مسوي مطنش ياخي الشرهه موب عليك عاللي مهتم يشوف وش عندك
عاد خالد لإكمال عمله .. يوم واحد وسيعود للرياض
ميسـآء ,’ ( بينها وبين نفسها ) وش الحل اقول لنوره والااسكت : ( !
اخاف تزعل واخاف اخسرها .. ياااااااارب ارحمني عاللي سويته
بعد مضي يوم عاد خالد للأرض الخضراء ( الرياض الحبيبه )
وعاد الشوق اكثر لتلك الأيام وفي نفس الموعد ألتقى خالد بِ ميساء
في محادثه ماسنجريه على الساعه التاسعه
تم تسجيل دخول ( خـآلد )
ميسـآء تصررررخ من الفرح وفي نفس الوقت الخوف من سؤال المكالمه السريه !!
خـآلد ,’ مرحبآ
ميسـآء ,’ اهلين مرحبتين
خـآلد ,’ كيفك ؟
ميسـآء ,’ كويسه وانت كيفك والحمدالله عالسلامه نورت الرياض
خـآلد ,’ دووم يارب .. انا الحمدالله بخير بشوفتك والرياض منوره باللي فيها : $
ميساء شعرت بالخجل وحراره في وجهها : $
خـآلد ,’ ميساء فقدتيني ؟ :P
ميسـآء ,’ لحظة صمت !!
تقول في نفسها
( ليه ..،
اليدين تصدّ عن شيٍ تبيه وتشتهيه /
......... يوم العيون تسابق الجايع على لقمة عشاه !
علمّتني في صف (أول حبك) / ان اكبر سفيه!
............... اللي اذا حسّ بغلا خلّه يفرّط في غلاه
خـآلد ,’ انا آسف على مدخل السؤال يمكن ماله عندك مخرج
عالعموم اهم شيء تكوني بخير : )
خالد بينه وبين نفسه ( الى متى وانتي متكبره بِ احساسك !
ميسـآء ,’ سوري خآلد بس سرحت شوي .. كيف كانت سفرتك عساك آنبسطت
خـآلد ,’ اي انبسطت ياشيخه كرف بذا المكتب اوراق تجي واوراق تروح
وكأن مافي احد يشتغل غير خالد
خـآلد ,’ الاصح ميسآء مافكرتي باللي قلته لك والا رميتي اللي قلته وراك ولاهمك ؟
ميسـآء ,’ خالد انا قلت لك جوابي قبل
خـآلد ,’ مااذكر انك رسيتي على شيء : /
ميسـآء ,’ نحكي في هالموضوع بعدين ممكن
خـآلد ,’ طيب ولايهمك بس حبيت اقولك انو كنت استناك كثير
لدرجه انو جاني رقم مو راضيين يتكلمون هاللي داقين
ميساء هنا تشعر بغصة (w)
ميسـآء ,’ هههههههههه وكنت شاك فيني ؟
خـآلد ,’ لااابد ههههههه بس قلت جايز
ميسـآء ,’ لامستحيل انا
خـآلد ,’ طيب تسمحين لي اطلع انام من رجعتي مالي الا ساعه
واحس نفسي حيل تعبان
ميساء تتمتم في نفسها ( ليت التعب بعروق قلبي ولافيك : (
ميسـآء ,’ اييييه اكيد نوم العوافي يارب
خـآلد ,’ الله يعافيك يارب وانتبهي لنفسك / فمان الله
ميسـآء ,’ ابشر وانت بعد انتبه على نفسك .. فمان ربي وحفظه
لازالت تواصل كبريائها ........!
* ولازال خالد يشعر بِ احساس كبير ان الاتصال من ميساء !!
* فخالد مُتعلم جدآ للصبر .. وميساء مُتعلمه جدآ للكبرياء !
توقعاتكم للبارت السادس ..
هل ستعترف ميساء بالمكالمه ام ستبقى متكتمه !!