السلام عليكم كيفكم يا زعماء مبرووووك الفوز بالخماسيه طبعا يوم الربوع وانا راجعه من المدرسه مالقيت اخويا في البيت ادور على الواد ما لقيتو جلست اكلم نفسي فين راح الواد وبس يا حبايب قلبي مااشوف الا الجوال وازهم على الواد واقولو يا عبودي فينك انتا لين دحين في المدرسه قال لا انا في الدكان اشتري عصير قالتلو طيب يلا تعال قوامن وبعد ما خلصت المكالمه الا ماما تزهمني تقولي يابنت فين اخوكي قالت ندر بره قالت ما رجع الين دحين قلت لا والله قالت لما يرجع قوليلو ان ستو تبغا قالت طيب ويجي اخويا بعد ساعه ولابس اصفر واسود لاني اخويا اتحادي وبس يا حبايب قلبي وجا اخويا ومعاه زنبيل كبير قلت ماشاء الله ايش دا يا سيدي قالي ولاشي اشياء من الدكان وافتح الكيس واشوف بربيكان بالتقاح وانا مررره احبوووو قالتو ابغي جغمه قالي سري قالت طيب ماابغي وبعدين قالي صح بكرة المباراة كم تتوقعي قلت فوز الهلال 3 صفر قالي لا ان شاء الله اتحاديه 4 اثنين المهم يا حبايب قلبي يوم الخميس صحاني وقالى قومي يا بنت ولا خايفه من المباراة كان نفسي اقولو روح انقلع لا افرشك بس عندنا اللى تقول لاخوها الكبير الكلام دا يعني ما تستحي وقليلة حيا المهم يا حبايب قلبي يجي وقت المباراة زهمت بابا وماما وستو وجدي وخالتي عشان يتفرجو المباراة وباين على وشهم علامات الفوز وبعد الهدف الاول هجدو وبعد التاني سكتو بعد التالت حطو العشا وبعد الرابع و الخامس جاهم النوم وانخمدو طبعا يوم الجمعه يقدر يكلمني لانو خايفين اقولهم يا ابو خمسه لا تتكلم خلي الحارس يروح يتعلم ويلا يا حايب قلبي واسفه اذا طولت عليكم وترا اخويا نايم الين دحين شكلو ماراح يصلي الجمعه عشان لا يقابلني << تحياتي عاشقه يسوري 20