أنا آسف على طول انتظارك وعلى دربً تباعد ليّ دارك أنا من كثر ما تطري عليّه توهّقت .. فدروبك وانتشارك فجيتك تاركً ليلي ونجومه أبي.. ضوًّ مع طلّة نهارك أزورك من بعد شوقً تعنّى وازور لقلب عايش في جوارك هجرني قلبي من لحظة وداعك توجّهلك وخذ منّي قرارك لذلك .. كلّ مافيني تفاؤل تعدّي حزن ماضينا بوقارك تواضع لجل وقفاتي وناظر لجل ورد ايتنفّس من بخارك وانا راضي بكل اللي تقوله لو انك تحرق اثباتي بنارك ترى من أسوأ الأشياء عندي تبادلني .. شعوري باعتذارك فلا تبخل عليّه يا غناتي أنا وشعري ووردك فانتظارك (( الزعيم القرني ))