عنواني يحكي تفاصيل الحكايه ..
بيننا تفصل ولايه عن ولايه ..
كانت السفره طويلـه ..
والأمل برجعته أقدر أقول إنّا قاطعينه !
إلا ضيف طق بابي وسيّر ..
غريب , مبطي ملامح وتحيّر ..
يمكن أخلفته دجى الظلمه أو سنّه تغيّر !
في إتجاهاتي أسئله , لعلني استرسل معه ..
حياك ..
نظرته تشبه نظرات خلّي ,, تهد الجبال وتبيّر !
وخطوته ثقل , وشوفته زاحت هموم ما تجلّي ..
ما عرفته بس قلبي يقرّب لي ويخيّر ..
يا هو يا أخوه !
وإن بعدت الملامح يمكن أبوه ..
بس ذكّريه وأذكريه ..
حاكيه !
وقلت وانا ساهيه أحاكيه ..
إبتسم : يا لبيييـه !
وقال :
أنا و روحي طفل متغـرّب ..
............... ضاع وبين أياديك ربّيه !
صار مثل جمله ما : تعـرّب ..
............... وإحتار فيها ( سيبويه ) !
في أحلامي أنـا ..
أو أكيد ما قصده أنـا ..
وقت وقت أو ممكن سنه ..
بأستوعب , حيل أنا منبهـره !
أو لحضه ,
يا " الرياض أعذريني مطوّله السهره " ..
أخذيني من اليوم ولـ بكره ..
وحتى بـ طولة غيابه ما بسأله ولا بأشره ..
كنت أنا مهره خيالهـا زاح عنها من قهره ..
وكنت له حديد ومن شوفته منصهره ..
يا عقدي اللولو ..
أو يا معصمي اللي بمآي الذهب محلو ..
شتاك القارس ليه جبته معك ..
يا
خل قلبي على خبره ..
عل الوجع فيه ويا صبره ..
وظل بابك سكّره , منجبره ..
شفت كيف بردك صادق الغـبره !!
أي
والله شايف ..
وقلبك لا يجرحه جرح ..
ولا يسكنه غير الفرح ..
وآمري وأنا عندك بليلي سامري ..
أكسّر من ضلوعي ضلع ضلع ..
وأقترب من الشبّه والولع
وأشعلها كلها دفى !
وأضمها بصدرك وتغفى ..
ولا تشتكي برد وجفى ..
أفـا والله أفـا ..
ضيمك ما ينعفى ..
لو ضامك الدهر , وزادوك أحيائهم قهر !
أنا لك حتى لو زمانك عتّر وما صفى ..
آختاري من مابي أماكن ..
وسلمي لي آهك وخليه يمّي ساكن ..
لا ما أبي أسمع لكن ولكن !
بأدفنه بين أوجاعي وخلهن يتشاكن ..
وفي خاطره ..
جلسنا بهالمكان الدافي الداكن ..
وحكينا أفراحنا , وأشواقنا فينا يتراكن !
يقول في غربتي مدري أقول :
إشتقت لك أو أشفقت لك !
كل الطرق اللي توصلني لك , إحتجتها ..
هم وضجر وإلحاح أشبعتها ..
وكل صوت يمرني أقول : يا رب الحمدلله سمعتها ..
كنتي وصرتي وبنتي ..
جنتي وحنتي ولنتي ..
ما غبتي في طواري خافقي بأي طاري ..
والله أشوف ملامح رقتك في النهر جاري ..
أفرح وأمد كفي بآخذك وأجففك ..
ترجع لي مبلله تقول خيالك ما أسعفك !
ما أترفك , ما أترفك ؟
في غربتي ..
تدرين منهم صحبتي ؟
كتاب غارق بدمعتي ..
نعمتي , إن حبك مالي علي دنيتي ..
يا شمعتي ..
لا تنطفي ..
أوقدي ضوّك ,,
تونا وتوّك ,
باقي للسمر جمر نوّك ..
أعذرني يا الرماد , مالك بسمري مكان وترهقه ..
بأكتفي بسرد مجمل التفاصيل ..
........................................" وأعذريني يا الرياض مطوّله السهره ! 
· وأعذروني يا آل النثر بطولة الغيبه 
وحضرت وعسى خاطركم نطيبه ..
. |