الاحداث التاريخيه تتكرر مره وحده ،
لذلك يسمونها تاريخيه .. بس في اسبانيا الوضع يختلف لان هناك موقعه ( تاريخيه ) تتكرر مرتين بالسنه قابله للتمديد ..
موقعه تعتبر الاهم في العالم .. الكل ينتظرها ويتكلم فيها ويهتم فيها ،
ليش شالسر ؟ لان المتعه الكروية المنشوده من متابعي المجنونه تكون فيها
وليش ؟ لانه عادة ما يجمع نجوم العالم وابرزهم في 90 دقيقه
وليش ؟ لأن هالموقعه لقاء بين ( ريال مدريد ) و ( برشلونه ) .
اسبانيا اذا بتكون على موعد مع لقاء يتجدد بين قطبيها .. وجماهير العالم هي اللي بتستمتع ..
بينما جماهير الفريقين وعشاق الفريقين هي اللي بتقعد على ناااار يا حبيبي عليك من خيالك شو بغار
لأن الوضع وضع صداره وتوسيع فارق .. وضع غريم يبي يكمل انتصاراته بتاريخ اللقاءات
وضع فريق يبي يرد الـ 6 حتى لو مو كامله
وضع لاعبين جدد يبون يبرزون من خلال الكلاسيكو المنتظر
اشياء واجد في هاللقاء بتصير ..

وعلى طاري تاريخ لقاءات الفريقين |
هذي قائمة توضح نتايج لقاءات الفريقين خلال اخر 10 مواسم ..

موسم 1999 / 2000
مباراة الذهاب : برشلونه 2 × 2 ريال مدريد
مباراة الأياب : ريال مدريد 3 × 0 برشلونه

موسم 2000 / 2001
مباراة الذهاب : برشلونه 2 × 0 ريال مدريد
مباراة الأياب : ريال مدريد 2 × 2 برشلونه
● اثنين لـ راؤول / ● اثنين لـ ريفالدو

موسم 2001 / 2002
مباراة الذهاب : ريال مدريد 2 × 0 برشلونه
● موريانتس , فيغو .
مباراة الأياب : برشلونه 1 × 1 ريال مدريد
● اكزافي / ● زيدان

موسم 2002 / 2003
مباراة الذهاب : برشلونه 0 × 0 ريال مدريد
مباراة الأياب : ريال مدريد 1 × 1 برشلونه
● رونالدو / ● انريكي

موسم 2003 / 2004
مباراة الذهاب : برشلونه 1 × 2 ريال مدريد
● كارلوس , ● رونالدو / كلوفيرت
مباراة الأياب : ريال مدريد 1 × 2 برشلونه
● كلوفيرت , ● اكزافي / سولاري

موسم 2004 / 2005
مباراة الذهاب : برشلونه 3 × 0 ريال مدريد
● ايتو , برونكورست , الدينهو
مباراة الأياب : ريال مدريد 4 × 2 برشلونه
● زيدان , رونالدو , راؤول , اوين / ● ايتو , الدينهو

موسم 2005 / 2006
مباراة الذهاب : ريال مدريد 0 × 3 برشلونه
● ايتو , اثنين للدينهو
مباراة الأياب : برشلونه 1 × 1 ريال مدريد
● الدينهو , ● رونالدو

موسم 2006 / 2007
مباراة الذهاب : ريال مدريد 2 × 0 برشلونه
● راؤول , رود فان نسلتروي
مباراة الأياب : برشلونه 3 × 3 ريال مدريد
● ميسي " هاتريك " / ● اثنين لـ الرود , راموس

موسم 2007 / 2008
مباراة الذهاب : برشلونه 0 × 1 ريال مدريد
● بابتيستا
مباراة الأياب : ريال مدريد 4 × 1 برشلونه
● راؤول , روبين , هيجوين , الرود / ● هنري

موسم 2008 / 2009
مباراة الذهاب : برشلونه 2 ×0 ريال مدريد
● ايتو , ميسي
مباراة الأياب : ريال مدريد 2 × 6 برشلونه
● هيغوين , راموس / اثنين لـ هنري , اثنين لـ ميسي , بويول , بيكي .

الاهداف اللي مرت بالكلاسيكو يا كثرها .. فيها الحلو وفيها المو حلو .. : D
بس اكيد ان كل هدف يتسجل صاحبه محظوظ ويدخل التاريخ .. حتى لو كان صدفه أو خطأ ..
تعالوا نشوف افضل اهداف كانت باللقاءات السابقة وترى الافضليه عندي
يعني انا اللي اخترتهم لا اختيارات جريده ولا شي


بداية بهدف راؤول موسم 1999 ..
برشلونه كان متقدم 2 \ 1 .. جاء راؤول وسجل التعادل :

اضاف هالدف بعد هدفين لبرشلونه يعني النتيجة النهائيه
كانت 3 \ 0 ..

الهدف الرابع هدف راؤول موسم 2006 ..
افتتاحية رائعه من هجمة منظمة لدرجة ان راموس عجبني اكثر من الهدف
يكفي توقيته

الهدف سادس والاخير هو هدف بابتيستا موسم 2007 | 2008 ..
وهو الهدف الوحيد في اللقاء
اذكر اللعبه صارت بسرعه حتى ما مداني استوعبها

الاحد | 29 \ 11 \ 2009 .. الساعه 9 مساء
القنوات | الجزيرة 2+ ، الجزيرة 3+ ، الجزيرة HD
المعلقين | يوسف سيف ، حفيظ الدراجي
المناسبة | الجولة 12 من الدوري الاسباني .

هالملعب اللي رح تقام المباراة عليه
الكامب نو | افتتح في 24 \ 9 \ 1957 .. يسع لـ 150 الف متفرج .

برشلونه قادم من فوز هو الابرز من بداية الموسم بنظري | ليش ؟
لانه أثبت للكل انه قادر يفوز من غير ابرا ولا حتى ميسي .. فوز على انتر ميلان مهم جد
بعد اوقات عصيبه مر فيها الفريق والاهم انه رجع الثقه في نفوس اللاعبين والمدرب
قبل الجماهير ، وخصوصا أنه جاء قبل الكلاسيكو | بالدوري الاسباني .. برشلونه فقد الصداره
بفوز ريال مدريد وتعادله مع اتليتك بلباو وهالتعادل هو اللي خلاه يفقد الصداره ،
لكن هذا ما يشكل ظرف عند الفريق الكتالوني لان بفوزه بيرجع للصداره
ابرا يعود وأيضا ميسي وكلاهما اضافة كبيره للفريق خصوصا ميسي اللي له خبره
في مقل هاللقاءات ، ابرا حاله حال كريس يبي يثبت نفسه في أول كلاسيكو له مع برشلونه
تشافي وانيستا هم اللي تقريبا عليهم كل الضغوط ولو ان نيستا خارج عن مستواه
في الفترة الاخيره
لكنه بالتأكيد مطالب بشكل كبير من قبل الجماهير بتقديم المزيد في الكلاسيكو
وتشافي لا يزال يقدم افضل مستوياته مع برشلونه مباراة بعد اخرى ، اذا ماكانوا بيومهم تقريبا
حظوظ برشلونه بالفوز يمكن تضعف !
الدفاع رغم بعض الغيابات يبقى ممتاز والافضل وهم اقوى خط دفاع بالدوري الاسباني
عليه 8 اهداف ( بالاضافة لمدريد واشبيليه ) ، الفريق والجماهير تعتمد على فكر عالي
والمنقذ بالنسبه للجماهير وهو المدرب جوارديولا ..
برشلونه كفريق جماعي أفضل من ريال مدريد و السبب أكيد بالريال وعناصره الجديده
وهذا هو اللي يتميز فيه برشلونه أخر السنوات واكيد مارح تغيب هالروح يوم الاحد .

ريال مدريد أيضا الفريق المنتشي من تصدره لليغا الاسباني وايضا فرحته بتصدره لمجموعته
بدوري الابطال .. بس طبعا يجرك تماما صعوبة اللقاء القادم ، الفوز يوسع الفارق بينه وبين
برشلونه والخساره بطبيعة الحال بتخليه يفقدها ويعود للوصافه اما التعادل فهو لايفيد ولا نبيه اصلا
كريس اصبح جاهز تماما للقاء يوم الاحد ومن خلال التصريحات فهو متفائل وهمه الاكبر
هو شلون يسجل ويفوز بالكلاسيكو ، الجماهير تطالبه بالكثير وخلونا نكون واقعيين
هذا وقت كريس الكلاسيكو هو مايحتاجه كريس ، بلجريني من خلال اخر 3 أو 4 لقاءات
للريال سواء بالدوري أو الابطال سعيد ومقتنع بالفريق ومستواه لكن للحين الفريق
ماقدر يحافظ على مستواه من بداية اي لقاء الى نهايته | يعني نشوف الريال تمام
مستوى وتسجيل لكن يجيك الشوط الثاني مختلف تمام وهذا اللي يقلق الجماهير في لقاء برشلونه
ابرز شي يعاني منه الريال هو الدفاع بيبي كبير ووحش مثل مالقب لكن له هفوات
تودي بستين داهيه بيبي فقط كمثال ، يعني الدفاع اذا ماكان افضل خطوط الريال
فراح يكون اسهل من الماي مرور ابرا وميسي | راموس بكونه له خبرته بالكلاسيكو
يحتاجه الفريق لكن بدون مايتقدم كثير ويخرب على المدريديين < طالعه منها ض1
الالتزام اكثر شي يحتاجه الريال في مثل هاللقاء

كلنا بانتظار كلاسيكو نأمل انه يرضي طموحنا ..
ويكون مختلف بمستوى الفريقين
لقاء كبير يصعب التوقع فيه لذلك ماحطيت اي توقع لي
بس لا يمنع انكم تحطون توقعاتكم للنتيجة واللي يفوز بناخذه لرحله في ربوع اسبانيا
اعذروني ع القصور