لا بالعكس ليش خاربه خلينا نعميها !!
بيريس إنتقد واقع يعيشه منتخب فرنسا حالياً
من يصدق إنه بيوم من الأيام بطلة كأس العالم 98
وبطلة أوروبا 2000
إنها ماتتأهل عن طريق التصفيات مباشره .. وتلعب الملحق
يعني عندك أبيدال / قالاس / سانيا / إيفرا / هنري / بنزيما / أنيلكا / ديارا
وتلعب على الطريقه الفيتناميّه !!
خروج مذلّ من الدور الأول في أمم أوروبا 2008 والسبب المدرب
حتى التأهل عن طريق الملحق كان هو السبب فيه
بصراحه كنت أتوقع إنهم راح يقيلونه بعد خروجه من تصفيات أمم أوروبا الأخيره
ولكن عرفت الحين إن الإتحاد الفرنسي فاشل
وفشله وبكل بساطه إنه ماقدم أي شي للمنتخب الفرنسي
من وجهة نظري إن فرنسا حالياً بدون مدرّب
مدرّب فرنسا كان زيدان
الحين سلّم لي على المنتخب والإتحاد الفرنسي
ناس بتقول لي إنه أوصل المنتخب الفرنسي لـ نهائي كأس العالم 2006
أوصلهم زيدان .. مهب المغفل هذا
أجل فيه أحد عنده القناص " تريزيقيه " وجايب لي جوميز وجوفو !!
مدرب محظوظ بشكل مو طبيعي
خدمه الحظ في 98 .. مهب بذكاءه
ولكن ببراعة زيزو وهنري (أيام عزه) وتريزيقيه وبيتيت وبيريس وتورام .. إلخ
المشكله إن أعضاء مجلس الإتحاد الفرنسي صوّتوا وبالإجماع علشان يجددون عقده
مدري وش يشوفون فيه غير اللي نشوفه حنا