..
بريدة دايم سباقة لمثل هالأمور : $
لكن فيه كم شغله حبيت أوضحها !
مثلا هلالي إلى الصميم يقول إمنعوا البقالات تبيع على البزران !
حلو .. هذا حاصل فعلا بجميع مناطق المملكة إذا ماكنت غلطان
لأن الدخان الآن إرتفع سعرهـ .. ومُـنع بيعه لمن هم تحت الـ 18
أيضا الآن المنع الي حاصل ببريدة .. مو منع كُــلي عشان الكل يكون بالصورة
لأني كأني صرت أقرأ ناس تقول سوق سوداء ومادري ايش .. خير ان شاء الله
الدخان يباع بمحلات الأدوات النحاسية
يعني محلات الشيشه والمعسل والمادري ايش .. مسموح يبيعون الدخان !
وطبعا سلسلة بقالات ( ميد )
مسموح لهم بيع الدخان .. لكن مو كل الأنواع
يعني الدخان الخفيف ( القطران 1 , النيكوتين 1 ) .. مسموح يباع في ميد
يعني البلدية قايله لهم .. تبيعون أنواع معينه من الدخان .. مو كل شي مسموح لكم تبيعونه
وطبعا هذا حلو ويعتبر أضعف الأيمان .. لأن ميد لها سلطة قوية وصعب إنهم يمنعون الدخان منها منع نهائي
باختصار .. المدخنين صاروا يلعنون في بوريدا
الدخان بـ 7 .. أو 8 وإذا جيت تشري لازم تروح محل شيشه
وتشري لك كرز ( دسته
) عشان ماتطق مشوار لهم دايم
والكرز يطلع سعرهـ الإجمالي على المدخن غالي لأن سعرهـ الآن وصل 64 ريال
وبكذا تُــدرك أيها الأخ المدخن المطفر يامن تتسدح ببيتكم ومالقيت لك وظيفه
إن الدخان فوق مستواك وإنه أبعد من السماء عن شواربك طال عمرك
وإذا بغيت تدخن لازم تروح تشتغل !
وبكذا تقل البطاله عندنا خخخخخخخ
طبعا ماودي أقول تقل نسبة المدخنين .. لأن شعبنا فاضي وماوراهم شي
ومدخنين مدخنين الله لايعوق بشر
إلا إذا قالوا الدخان يسبب إنفلونزا خنازير مثلا
هنا شعبك يحس بالمسؤولية ويهرع للإقلاع عن التدخين
برايفت :
أحس فيه كم واحد يبي يشغّــل مخه وتبي تذبحه المخمخه
فلذلك أقول لكل من أوجعه مخه من المخمخه : قسم بالله إني مانيب أدخن
شكرا آنسة أغنية الورد
كل يوم إكتبي عن بريدة
: