أتمنى بصراحه أن هالقرار يتمّ تطبيقه
يعني بكل أمانه منظر مؤسف ومحزن جداً ومقرف بنفس الوقت
إنك تطلع بعد صلاة الظهر تجيب مقاضي للبيت
وتتفاجأ إن فيه طلاّب الإبتدائيه والمتوسطه عند السوبر ماركت يدخنون
مراهقين أعمارهم ماتتعدى الـ15 سنه .. كل واحد ماسك في إيده زقاره ويدخن
والأدهى والأمرّ .. إن صاحب السوبر ماركت مايبغى يخسر زباين
فـ يقوم يبيع بشكل منفصل أو مثل ماهو دارج ( مفرق )
يعني هو عارف إن هالأطفال مامعهم فلوس على أساس يشترون دخان بمبلغ 7 ريال
( من أول بـ 5 ريال ونص .. الحين زادوه ريال ونص )
فـ يقوم يبيعها على شكل [ زقارتين بـ ريال ] !!
قمّة الحقاره
الولد إذا بدأ يدخن في هالوقت المُبكّر .. خطر كبير
وحنا كـ شعب سعودي .. تعودنا إن الدخان يكون وجبه معتاده
سواءً لـ/ أخوي الكبير .. أبوي .. صديقي .. ولد عمّي
لدرجة إني مره كنت رايح أجيب بنت إختي من مدرستها
وتفاجأت عند الإشاره بـ شخص يدخّن وبنته أم 8 سنوات معه بالسياره
أنا صحيح سمعت إن بريده ومكه والمدينه بدأو هالحمله
وشيّ طيّب ويشكرون عليه .. ياليت يتوسّع هالنطاق ويشمل مدن ومناطق المملكه كلها
مع إني ماأظن .. لأن المملكه عضو في منظمة وزارة التجاره
وأعتقد إن هالحمله مُجرد حمله إقليميه وتعتمد على أشخاص ذوي إجتهادات لا أكثر
حالها حال حملة [ خلّوها تصدّي ]
يعني إذا فيه قوانين وعواقب صارمه للمدخنين في الدول المتقدمه
لا ننسىَ بإننا دوله ناميه
صحيح إن الحكومه حطت لنا منظمة [ حماية المستهلك ]
لأغراض معيّنه [ مطعم غير نظيف / تلاعب بالأسعار ] .. إلخ
نتمنى إن التبليغ يشمل بيع الدخان
ولكن بإذن الواحد الأحد .. إن القرار يسري على المملكه كلها
أغنية الورد / موضوعك يستحق الإشاده والفايف ستارز
والله يجزاك خير على طرحه