هلا فيك اخوي
بصراحه سالفتك مؤثره بقوه والله
تحب شخص وهو يحبك بالاخير تطلع نتائج التحاليل مو متوافقه ..
لكن اول شي لازم تحطه بين عيونك هو قول الله تعالى [ عسى ان تكرهوا شيئا وهو خير لكم ]
اول شي بقوله لك ان البنت لما قالت لك انتظرني لين اخلص هذا شرط من حقها تقوله
وبالنسبه للتحاليل اللي ماتوافقت صحيح انه شي يضيق الصدر وبقووه بعد لكن البنت ماتدري ان هالنتيجه هذي
هي اللي بتطلع يعني لو تدري بنتائج التحاليل ماقالت انتظرني صح ولالا ..!!
ابدا ابدا لا تحط اللوم على البنت لان هالشي مقدر ومكتوب وهي ماتدري عن اللي بيصير
يعني حط نفسك مكانها وانك تحب شخص وكل شي بس تتمنى تخلص دراسه عشان تعيشون ببيت واحد
ولما خلصت دراسه وسويتوا تحليل الزواج طلع مو متطابق ..!!
بيضيق صدرك وبتظلم الدنيا بوجهك وتتحطم احلامك اللي كنت تحلم فيها
صح ولا لا ..!!
اذا لا تلوم البنت هي بعد مثلك تبيك وتتمنى تتزوجك ولا قالت اصبر لين اخلص إلا لانها تحبك ولا تبي تفرط فيك ..
وانت ماتدري عن حالة البنت الحين ..!!
ليه تنظر للموضوع من طرفك انت بس ..!!
هي اكيد ضايقه فيها الدنيا ..
ولا احد .. لان هالشي مقدر ومكتوب من عند الله ..
ليه تفكر انه فيه احد مسؤول وفيه احد ورا هالشي هذا ..!!
ولا احد يدفع الثمن ..
مثلا انت ..؟
لا مالك ذنب باللحصل
وهي ينطبق عليها نفس الكلام ..
وليه ماتقول هالتحاليل بتطلع صحيحه ..؟؟
والعلماء وا اكدوا ضروره هالشي هذا إلا انهم دارسين الموضوع ..
اعترف ناس تزوجوا من بعض [ قرايب ] جابوا 5 عيال
3 منهم معاقين واحد من هالثلاثه كل ما يكبر تسوء حالته واخوانه الـ 2 نفس حالته
اما البنتين الباقيات سليمين ..
بعديا لبنت بطلت تحمل وقالت ما ابي اجيب اولاد معاقين اللي عندي خير من الله ..!
تكفى حط نفسك مكان هالناس هذولا ..!
والله لو بتفكر بعقل وان بيجونك عيال معاقين بينكسر خاطرك وترا انت المتسبب الاول بعد الله باعاقتهم ..
اكيد لها حق ومن حقها اصلا انها تقول مابي اتزوج لين اخلص دراستي
وهذا شرط اكثر البنات لان صعب التوافق مابين الزواج والدراسه
والمعروف ان الزواج مو لعبه هي مسؤوليه وبكرا لما تجيب اطفال بتصعب المسؤوليه
ومثل ماقلت فوق هي ماتدري ان النتيجه هذي بتطلع لو تدري وعارفه انه مافيه توافق
بينك وبينها ماقالت لك اصبر 5 سنوات ..!!
ياليت تفكر بعقلك ولا تفكر بعاطفتك ..
شوف اخوي هالشي هذا لابد منه وافضل شي لانك لازم تسويه عشان تعرف هل تتوافقون او لا
لان بالنهاية الضحيه هم اطفالك ..!!
ترضى يجيك طفل معاق طول العمر ..!!
بالعكس المفروض ما ترضاها لانك كل ماتشوفه تحس انك انت المذنب ..
انا ما اعترض على خلقة ربي اللي يجي من الله حياه الله .. لكن المشكله انك وافقت على الزوج من البنت ومع ذلك
تدري ان اطفالك ماراح يجون سليمين ..
وبالنسبه لي لو احب شخص وهو يحبني وصار موقفي مثلك .. بصراحه ماراح اوافق ..
وهالكلمه طلعت مني مو بالسهوله اكيد بتظلم الدنيا بوجهي لكن موب ذنبي ان اطفالي يجون معاقين وخاصه اني السبب
في اعاقتهم .!!
الزبده اني ماراح اوافق لكن مو سهل علي انساه ..
على العموم اخوي لا تضيق حالك شف مشاكل غيرك واحمد ربك على اللي انت فيه ..
صدقني بتتعب وتتضايق ايام ويمكن شهور لكن مع الوقت بتنسى ان شاء الله
والدنيا ماوقفت على هالبنت فيه بنات كثير سواء من ناحية الشكل او الاخلاق وطيبة القلب ..
ويمكن غيرها افضل منها وان شاء الله ربي يرزقك البنت اللي تسعدها وتسعدك ..
والله يوفقك ويكتب لك اللي فيه الخير..