..، مَرح ـبا وسلام ربي يعمكم ، ويغمر أرواحكم بطمأنينة ، - بيني وبينكم .. أنا شايلة هم كيف بعقب او أناقش في هالموضوع.. لأني لما نزلته كنت فعلا وِدّي أستفيد وأعرف أكثر .. وبصراحة تامة وصدق .. أَثريتوني كثير ..وهنا فيه معلومات ما كنت أعرفها ، أو يمكن أعرفها بس ما ربطتها ببعض ، الشيء اللي وجدته هنا ، ممتنه كثير أنا .. ونجي لكم ، ..، بيلســــــــان حَي طَلّتهم عَلَي ، يا حلوك ويا حلو طلتك .. نَجم يشع بنور الجمال انتي ، أقتباسببتعد في ردي عن المثاليه ،، وهذا اللي تعودناه منك ، أقتباس كلامكم أطبقه بحذافيره في علاقاتي الاجتماعيه .. جيراني / زميلتي بالعمل / صديقتي .. مو قبايل ، لكن احترمهم وممكن تكون العلاقه قويييييييه جدا حلو ومرة حلو كمان ، أقتباس لكن لا تصل الى النسب !! لان من حقوق أولادي اني اختار لهم مجتمع يكافئ مجتمع خوالهم .. مو معقوله خوالهم وعيال خالاتهم قبايل وهم بدون أصل !! حَبيت إنك قِلتي رأيك وذكرتي السبب بدون ما تتركين لي مجال للتسائل عنه .. وحبيت كمان السبب ذاته وهو إنك فكرتي في حال تكوين الأسرة .. إمم.. اللي ودي أفهمه .. إيش يعني بلا أصل ؟؟؟ عن جد ما أفهم هالشيء ، يعني العرب / بائدة وذولي ثمود وعاد ..الخ عاربة وهم قحطان ، مستعربة وهم عدنان .. اللي بلا أصل المقصود بهم مين ؟ عَجَم ؟ اذا كانوا هم المقصودين ليه نسميهم عرب طيب ؟ وليه هم أقل شأنا من اللي أصيلين مع إني أيضا ما أدري ايش السبب المقنع ، اللي جعلنا ننعت القبليين بالأصيلين ؟ يعني المقصود هنا انهم من أوائل العرب ولا كيف ؟ أقتباس مهما قلنا من كلام وشعارات مانقدر نغير بعض العادات اللي لو تتبعناها تاريخيا لقينا انه في جميع العصور اللي مر فيها الانسان...يعني ماهي مختصه بمجتمعنا فقط !! إمم ..جد معك حق ، بس كان في الجاهليه موجود .. الاسلام بمجيئه نفاه واستنكر التفاخر بالأنساب .. يعني القبلية ما تدخل ضمن التفاخر ؟؟ أقتباسالعنوسه خياري الوحيد اذا مالقيت من يكافئني بالنسب مع الاهتمام بالخلق والدين !! لا تعتقدين إني أتصيد الكلمات أو " مستقعدة ض1 " أغلب ظني وان شاء الله انه لا إراديا قدمتِ النسب ع الخلق والدين هذا يعني انه في قرارة نفسك هو المرتبة العليا .. ما هو خطأ هذا الشيء ؟ بيسو .. فقدناك بالفترة الأخيرة .. لكن الحمد لله انك رجعتي لنا بإطلالاتك اللي نحبها بصدق حياك ربي دوم ، وي طرح ما منه فائدة إن ما كان فيه أراء مختلفة ، ياسمينات لحضورك ، ..،