.
جولة حرب بين مدينتين ,
لومبارديا × العاصمة ,
ميلان × لاتسيو .. الانتر × روما ,
عسى لومبارديا تنتصر في الاولى , والعاصمه في الثانيه :p
في ظل اوضاع لاتسيو الحاليه نقدر نقول انها مضمونه للميلان ان شاء الله .. فريق ماله الا فوزين في اول وثاني اسبوع من الدوري لازم نقتنص الفرصه بحصد ثلاث نقاط نحافظ فيها على مركزنا او نتقدم اذا تعثروا اليوفي والسامب ان شاء الله : d
اتمنى ومتوقعه نشوف لنا مباراة الاهداف فيها بتكون حفله , خماسيه بـ اذن الله مثل خماسية موسم قبل العام ريكي وجيلا وامبرو , بس بباتو و روني وامبرو : d
الحالة الطبيه لـ لاعبينا في تحسن ,
جاتوزو تعيبين فخذه اليمين مهوب طيب , طبعا هذا يصب في صالح الفريق :p
روني عنده كدمة من تدريب امس واليوم ما تدرب , بكرا بيشوفون شفيه ..
انتونيني غدا شره و ان شاء الله بنشوفه في مباراتنا اتمنى يكون اساسي لانه مستواه متحسن وصاير يستلج في الكم مباراة الاخيره اللي لعبها ,
ستوراري رجع للتدريبات , وعلى يوم الاربعاء بيكون جاهز للمباريات
دي جيناور بعد شافه الطبيب وقال ما فيه الا العافيه خلوه يلعب بس : d
يانكولوفسكي قاعد يتعالج وبكرا بيشيلون دبابيسه :(
الامريكانو : قاعد يتعالج في امريكا .
* اهم شي عودة ستوراري وانطونيني , واصابة جاتوزو
في المؤتمر الصحفي اليوم غالياني طاح مدح في ليو وقال انه طريقة لعبه هي المفضله عندي ,
وقال صح انه في بداية الموسم عانا مع الفريق وكان قد قاب قوسين او ادنى  من الاقاله لكنه استعدل وصار له ثمان مباريات ما خسر وهذا شي طيب ,
وقال عن المشككين في قدرة ليو على احراز البطولات : حال ليو مثل حال ساكي وكابيللو جبناهم ما يعرفون المهاجم من الحارس <- قويه : D واللحين شوفوا الاندية والمنتخباات مخامط عليهم ( احد قال انجلترا ؟ )
وعن اديياه قال انه قلنا له نبيك بالمبلغ والراتب الفلاني اللي هو كم مية الف , بس هو عنّد وقال لا ابي سبع ارقام قلنا له معصي 6 ارقام تبي ولا شوف احد غيرنا .. غيرك يتمنى يلبس القميص لو ما يلعب وانت جاي تبي 7 ارقام نكد على ديرة عميان حنا ؟ المهم انه سمع الكلام ووافق وان شاء الصفقه تتم على خير ,
وانه هو من خيرة اللاعبين الشباب وبيكون له مستقبل مثل ميسي واجويريو ..
روني قال في اللاجزيتا ديللو سبورت : انه يعيش احلى ايام عمره في ميلانو وان ما فكر حتى مجرد تفكير في الاعتزال وانه راح يسير على خطا مالديني وماراح يعتزل الا لما يطق الاربعين ,
وقال انه قبل لا يجي الميلان كثار اللي مدحوا له الوضع في الميلان لكنه ما توقع انه حلو كذا , يقول الواقع احلى من الوصف بكثيييير , الروحه للميلان كنك رايح لبيت خوالك <- : d
اليوفي × اتلانتا
الظاهر انها بتكون سهله اكثر من اللازم لليوفي , والسبب ان 7 من لاعبين اتلانتا مفلوزين بس ما قالوا اذا هي خنازير او لا , الاكيد انهم ما راح يلعبون اقصد اللاعبين المرضى مو كل اللاعبين .
اثير | ما من قصور 3>
.
|