سلام عليكم ورحمة الله ....
جديده ومتواضعــه ... أقدمها بين أيديكــم ... واتمنى ان تحوز ...ولو بعض الرضا منكــم ....
وهنا ابيـات القصيده ..... ان لم تتضح رؤيا بعض الأحـرف بالصوره ...
تايهٍ وسط الشوارع وجد من مثلي سواتـــه
قصتي مثل الخيال .. ويمكن اقرب للخرافه
الله واكبر يازمانٍ فات واتعبني فواتــــه
ياحسافه ياخساره .. ياخساره ياحسافه
مابقى لي غير حزنه مابقى إلاّ ذكرياته
آآه ياقل الفؤاد .. وآآه ياكثر إنتزافـــه
أعترف بنّي خسرة الغالي اللي ياغلاته
واعترف بنّي أحبه .. وان قلبي مايعافه
واعترف بنّي هملته .. آآخ ياقلبي وقساته
واعترف بنّ (كبريائي) ذنب(ن) وتم إقترافه
آآخ ياقلبٍ تعذب ماتهنّي في حياتــــــه
وآآخ .. يانهر العنا ياكم تربّعت بضفافه
ياعيون الخلق صدّي بالنظر يكفي شماتـــه
ماني اول عاشقٍ يشكي .. ويدلي بإعترافه
هو صحيح إن كبرياء الرجل من اسمى صفاته
بس والله كل شي يزيد عن حده ؟.. ((قرافه))
لوزمنّا مثل .. فلم ..آعيد وانظر مجرياته؟؟؟
كان باعيده .. واقدم عذر قلبي وانكسافه
وكان اخلّي كبريائي .. وأعترف له في حلااته
وكان أقول .. إني احبه حب ..ماعاشه وشافه
بس كل شيٍ تهدّم .. واختفى اللي .. ياغلاته
واكتفى حزني وأصبح (شئ لا يقبل إضافه)
وهذا أنا نادم .. بعد ما فات واتعبني فواااته
ياحسافه ياخساره ... ياخساره ياحسافــه
وصرت مثل التايه اللي ماعرف وش هي سواته
((شفتو اني عشت قصه .. يمكن اقرب للخرافه ؟؟))
ولكم مني كل الود والاحتــراااام .......