{...لو هذا حلم لاسمح الله من يفوقني...!
أزيكم .. عم تزئحو و تشئحو
عآملين ايه في الدراسه .. ؟
~طـآب آنآ مووش حآسه بيها .. >>والله من النصبّ ض1
| المهـــــــم |
............... نووودخل دوووغري ع ـالموووزوع ض1
* احنّا مع بعض معقول ؟ المعجز حصل {لاتقول }
طبعآ اكـيد الكل عارف اني مبطيه عن قسم المجلس
واكيد آشتقتو لي 
>>يآواثقه وش تبين
اليوم نروح لموضوع الكل يعاني منه
بنفس واجهة التمني وعدم قدرتنا عالكلام |
طبعآ نمر بتجارب كثيره بالحياة يمكن تعيقنا عن تكملة اشياء تربطنا في بعض
واحيانآ مانشعر الا ( بكسرة ظهر ) لاننا شبه مكسورين من الحقيقه
وعايشين احلام ماندري وين ودتنا
{ الأسود|هذا وش يعني ؟
وهم .. حلم كابوس .. دمار نفسي !
في كل الاحوال هذا الليل اللي نعيشه حتى بالنهار
انا مايهمني كل الألوان لآن كل لون يعبر نفسيته وفكرته !
انا يهمني شيء " ضاع " !
تقريبآ في اليوم الواحد نمر بمليون دقيقه لها قصه معنا
واكيد يتربع على كل الوقت ( الذكرى )
تحبس الفرحه فينا وايام الطيبه تخدعنا !
الى هنا واغلبكم مو فآهمين قصة الطرح وفائدته
لكن مايمنع ندخل المفتاح السري ونتعمق في داخل الحروف
يالله معي نشوف وش جايين عشانه اليوم نقول :
لما نحلم احلام ونصحى نقولها لبعض
الحلم " الزين " ندعي ربي يحققه
لكن لما نحلم احلام يكرهها " منامنا "
هنا نوقف بألف فاصله تفصلنا عن واقعنا المرير
ونقول لاسمح الله ! يمكنها مجرد احلام وبتزول
بس احنّا والله عايشينها ونكذب انفسنا انها ماصارت ابد ابد ابد
مثل :
اللون
{ السمآوي|
دايم نظرتنا لِ اعالي السماء
نبحر في مساحتها في كل شيء خلقه ربي عليها
ونقول امانينا مثل غيمه تمطر ومتى ماخابت وضاقت احلامها
اهلكتنا " يابس " نحلم بس نرتوي من مزونها !
حنّا هنا كلنا مثل الغيوووم ومن يشابهها سوى
آقلام ماتعرف ترسم ( واقع جديد ) !
وبس تهنا .........
الشيء الثاني
ليه لما نخسر اشخاص قريبين لنا ونجرب اشخاص غيرهم
ونخسرهم بعد !
نحنّ للي راح .. وتمنعنا الجراح من مصافحة الرجوع !
يمكن انو الشخص مقتنع انك تعود وتنسى معه ايام السواد
وتبدون بياض مايلوثه لاقبلكم ولابعدكم احد
بس يمنعك كبريائك وهذا هو اللي صاير ...
يمكن تقول سؤال الماضي وش بجاوبه لما يجيني من الشخص اللي تركته !
فعلآ لو هو يحبك ويغليك ماراح يسألك إجباري انك تجاوب
بس راح يعيش ( تفاصيل جديده ) معك انتآ
ماحنّ إحساسك انك تكسر حاجز صمتك وتبووح ؟
صدقوني لو هذا ( حلم ) مافاق منه مخلوق
لانه يذوق حلاوته .. وهو غافي ولما يصحى بس يتمنى !
اصدق معه مره وانسى معه مرات من وهم عاشه
وتنفس معه احلى انفاس العطااء
وش غيره ؟ محد مثله بالاصاله ( مردك ) لشخصك الأول ...
الشيء الثالث
معجزه ان يبقى لكل انسان صديق حتى الموت !
لاننا اصبحنا بزمن ( اغبر ) يخون ايام الودّ
وتشاركنا احزان الاختيار .. لاننا اخترنا من اختار الفراق
واحيانآ تربطنا علاقه بعيده وتكون هي الاقرب كفصول الشتاء
نحتاج ان ندفآ بقربهم ...
ولاسيما ان تبقى إحدى حواسي ممنونه ان تُهيمن في من يستحق
السماع لها
انا وانت كالمرايه .. اذا عكست اتجاه بعضنا
بقينا ( حبايب ) !
إما اذا عكست نفسك بنفسك .. انت خالي من رِفاقك
عايش .... " لوحدك "
الشيء الرابع
هنا نقطه الاقيها كثير بااشخاص لكن تهمني انها تكون في نبض طرحي هالمره
بعض ( الاشخاص ) يعبرون عن حياتهم في مجرد توبيكات
والبعض مجرد إعجاب بكلام لايعني بصلته اي شيء
انا هنا بالمثال اعلاه مااقول انو حديثي الرابع ليه نتكلم بالتوبيكات او البرسونال :
لكل شخص حريته ..
انا اقول ليه اختيارنا او حتى حروفنا دايم ( مكسورة من ألمها )
ليه حنّا مانحاول نتعظ من السابق ونقول الجاي يمكن احلى واحلى
ليه دايم نتمنى نطير واحنا مانملك اجنحة طيران
لاننا مخلوقات غير والله عطانا اشياء ماعطاها الطير
والله ميز الطير عنا بالتنقل عبر الاجواء !
حنا لازلنا مكسورين ونحلم بالفضا الواسع نكون اوسع
بس نرجع ونكتب الامنا في توبيكات !
شوفو قد آيش حنّا حتى ( محرومين )
ومن يرأف فينا كلهم مثل امانينا
بس متى نفهم اننا في خطآ واكبر خطآ مانتعلم من تجاربنا
نزيد الطين بلهّ .. ونغرق في سوالفنا .. ولو هي بصمت في الكتابه !
الشيء الخآمس
اكبر خطآ في إنسان حساس انه لاتعلق بشيء تعلقّ !!
يمكن تقولو وش دخل الحساسيه في التعلق الشديد
لكن انا اقولكم :
الاحساس في كل شيء اكيد موجود
لكن يختلف من شخص لآخر ...
لو تجي تسولف مع شخص كان له علاقه بشخص آخر
تقدرو تسمو العلاقه شبه ( محبه ) !
وحصل فراق .....
سألته شلون فلان ؟ او كيف قلبك مع فلان ؟
يمكن بسرعه يصرخ آآآوش لاتجيب طاريه
ويبدآ يبكي ....... الخ
حنا ماندري كمان آيش راح يسوي لما سألته
هنا هو الاحساس في تعلقه الشديد
لانه فعلآ شخص مايتحمل حتى طواري يسمعها عنه !
ترى قد يصل الاحساس الى مرض نفسي
علاجه هو انتآ بنفسك مو طب وادويه وهالاشياء
اللي ابيه من مفهمومي هذا كله :
الى متى وحنّا معطين احساسنا جمهرة علنيه بالاحترام
ليش مانقسى على قلب حساس .. ونقوله ماتستحق انك تهين نبضك
لشخص بآعك !!
ولااحد فينا قوي .. ولا50 %
لاننا عاطفيين ومحتاجين قلوب تبقى لنا
ولاقلب بآقي مادام الوقت يخون ثانيه ودقيقه وساعه
واكلنا الجو كله ..
المقتطفآت لانهايه ................
لكن الخلاصه ماتندرج تحت نقاط :
بس اللي ابي اوصله ,
* اي شخص يحس في صدره حكي لايوقفه عند بلعومه ويرجعه لبطنه بدون لايبوحه !
اكبر جريمه تراجعك وانت ناوي تحكي ..
* واكبر خطآ انك تسمع لغيرك من الناس وتصدق دون لاتشوف الحقيقه بنفسك !
* واحذر واحذر انك تتمنى شيء خسرته بنفسك .. لانك تعتبر كابوس الحلم نفسه !
* نعمة الفرح تجيك مره وتخسرها بعمرك مرات
مايحتاج انك تدور بديل يعوضك عنها ومن ثمن تردد واحسافه بعدها !
* خلك واثق من كل خطوه تخطيها وادرسها قبل تبداها
* لاتنسى فضل من كان عليك لو يوم !
وآخر شيء اقوله :
لو كنت تبني للرجوع من صمتك مسافه ( تعااااال )
صدقني كل الجوارح تهلي بك من جديد بس ( لاتبطي ) عنها
قلوب الدنيا كبيره للحين ماماتت من الرضى
ونتشابه .. حتى النهايه )
,.
وووبس *-*
شكرآ حسون عالتصميم (f)