- مرحبا يا أحباء ..
كيفكم ؟!.. عساها طيبة أحوالكم ؟!
كيف أموركم ..تمام ؟! 
إمم .. طيب سمُّوا بِ الرحمن ،
صلوا على خير الأنام .. "صلى
الله عليه وأله وسلم "
و.......... تعالوا معي يا كرام ،
أحب هذا ، وأتعامل مع هذا ، وأقرأ كثير لِ هذا ....
ذاك يعجبني ، وذاك بذوق يعاملهم ويعاملني ..
، وأغلب ظنّي إن ذيك البنت لبسها كيوت .. شوفي هذي ، من أول ما تلاقيها تفتح القلب وتفوت ..
وتوووت توووت توووت ..
أو يمكن طووووط طوووط طوووط !!
أريج على الجوال ،
إمم..بناء على ذيك وذاك دار براسي هالسؤال ،
هو أنا ..... مين أشبه ؟!
أو بمعنى ....بمين تأثرت ؟!
يعني معقولة شخصية الإنسان تتبلور من فراغ ..؟!
عقلي يقول لأ ، شخصياتنا من صنع ظروفنا والأشخاص اللي حولنا ..
حتى عقلي .. ساهم في وضع أحكامه وقوانينه أشخاص ..
لكن ..!!
مين هـَ الأشخاص ؟!
وليه وكيف تأثرت فيهم ؟!
لباسنا .. تفكيرنا .. كلامنا .. مفرداتنا .. كتاباتنا ،
كيف صارت بـ هـ الأسلوب وهـ الطريقة ..؟
أكيد أكيد فيه أحد خلاَّها تصبح بهذا الشكل ..
وأقدار رب العالمين هي من جعلت هـ الشخص يكون له هذا التأثير علينا وفينا ..
- لحظة !
عندنا بوينت ..
أنا ما أقول تقليد / أقول تأثر ،
وأظن ان الفرق بين التقليد والتأثر يكمن في النوايا ،
ما نويت أتصرف مثله ، لكن لا أراديا أصبحت مثله ..
ما نويت أستخدم مفرداته ، بس بدون قصد إستخدمتها ..
ما نويت أكتب بأسلوبه ، ألبس ذات ألوانه ، أرفض المبادئ اللي يرفضها..
لكن بشكل أو بـ ءاخر أنا أفعل كل هـ الأشياء ،
- وكمان بوينت ،
أنا ما أقصد القدوة ، القدوة نحنا اللي نختارها .
- إستفهاماتي ..
ليه أنا كذا ؟!
أكتب بهالأسلوب ؟
أفكر بهالطريقة ؟
أحب هالألوان .. أتردد عل ذاك المكان ،
أقرأ لِ فلان ولا أستسيغ فكر فلان ..
أذكر مرة قالت لي أريج ..
" أنا أحس إنك متأثرة بأنين في تنسيق المواضيع "
أنا استدركت بسرعة إني فعلا متأثرة بهالشيء ... لكن !
دققت أكثر ، لقيتني مو متأثرة بمعنى الكلمة الدقيق ،
يعني ماهو تأثر بالمطلق ..
/ في بعض المواضيع يكون فيه تشابه من ناحية الألوان ..مثلا
لكن بما إن السالفة مع أنين خلوني أوضح بوينت ،
بيني وبين أنين ماهو تأثر بقدر ماهو توافق ،<<ع الشر يعني نحب نفس الألوان ، نكره البني ع وجه التحديد ..
نستنكر نفس الأفكار / " نكره نفس الشخص أحيانا " فينا ذات النزعة اللي عَ قولة مرام اسمها ...." مصلحات اجتماعيات "
فـ هنا ماهو تأثر ، هنا توافق .. لأني أشوف ان التأثر ما يجي بين ليلة وضحاها !
تعالوا أسألكم ، بس قبل لا تجاوبون فكروا ، شوفوا
أنفسكم صّح ..
إنتبهوا حولكم ، إسأل اللي حواليك /
ليه انتوا كذا ؟!
ليه أنا هييك ؟!
لبسكم ، أفكاركم ، حتى تواقيعكم وأسلوبكم في الكتابة ..
ونوعية الشعر اللي تحبونه وأشياء صغيرة ما نلاحظها إذا ما تأملناها ،
- إنتوا بـ مين تأثرتوا ؟!
سواء بـ شخص من الموقع أو براااا الموقع .. طيب إذا كان من الموقع ، ليه تأثرت فيه ؟!
إذا ودك تقول اسمه عادي ترى.. طيب فيه شخص بالموقع تحس إنه متأثر بأسلوب عضو معين ؟!
<<أحس هالسؤال إجاباته كثيرة لكن محد بيجاوب عليه إمم ..
تعتقد إن التأثر بـ شخص ما ، شيء سلبي ؟
أو انعدام ثقة وما شابه ..؟
/ ما أظن هالشيء بس إختلاف اراءنا وارد ،
طيب يمكن بعضكم يتحفظ على ذكر ملاحظته بأن فلان متأثر بفلان ..
مع إني ما أشوف فيها شيء ، بس يلا .. عندكم أنا ، فيني شيء يذكركم بشخص معين ؟!
سواء في القناص أو برا القناص ..
حتى أفكارنا ، ممكن تذكرنا بكاتب معين ، شاعر معين ..؟
إمم ... لحظه لحظة
بوينت أخيرة ، توني ألاحظ إن هالموضوع شبه منزوع السجع
يمكن لأني ما كنت أكتب لأجل الكتابة ..
كنت أفكر لكن بِ صوت مسموع .. أو بالأصح .. أفكار تزاحمت / كوّنت موضوع !
،..
مرّه شُكراً لـ مستر شنب
ع ـالتصميم.. ، مُعَاذ ، الله يصلحك من يومك فاشل بالتنسيق
عموما يعطيك العافيه ، ...’