أتوقع الملك بما أنه قرار ملكي أكبر من أن يقيّل بسبب أبداء رأي .. الشيخ قال : أن هنالك أمور تجري الملك مايدري عنها .. وهذا غلط فيه .. :/ المفروض ماتقول بالأعلام وظاهراً أن ملك البلاد تسري عليه أمور مايدري عنها خصوصاً وأن الحكومه تعتبر العلماء جزء منها يمثلها في سياسه الدوله .. عندنا : الحكومه + العلماء ( التيار الديني ) = الدوله المشكله مش في الدمقراطيه .. كثير مقالات وكتاب عارضوا الجامعه وماجاهم القرار ذا .. وشعب كثير معارض الجامعه ولاصار لهم شيء .. بس المشكله أن الشيخ ينتمي لهيئه كبار العلماء وهي اللي تعتبر مع الملك والأسره الحاكمه كتلة الدوله الأساسيه والمفروض أن مافيه واحد منهم يعارض رأي الأخر الصادر أمام الملآ والشعب مهما كان .. لأنهم يمثلون بعض .. والمفترض يظهرون يد واحده .. أنا هنا ماأبرر أن الشيخ يفتي غلط لا .. أنا أتكلم عن نقطه الملك مايدري .. كيف تقول الملك مايدري وأنت تعمل في منظومته .. حتى لو مايدري المفروض مايقولها أمام الأعلام .. هذا غللللط كبير .. في كل الدول مش عندنا بس .. الحزب الأقوى مع الدوله اللي هم العلماء عندنا المفترض أنهم يظهرون بكلمه واحده .. وهذا الشيء يصير دايم عندنا .. نسينا في أحداث الحرب على العراق وضرب غزه وغيرها وغيرها من المسأئل الدينيه كيف الدوله تركت العلماء في رأيهم ومامنعتهم رغم أن هالشيء مضر لها سياسياً بس هم يمثلون جزء منها ككتله تعتبر هي الدوله لذلك لازم بعضهم مايعارض بعض أو يخطىء في حقه .. المشكله أننا شفنا أو فسرنا على كيفنا مسأله الأقاله ..! الشيخ تكلم في أن الملك يجري الماء من تحته .. قال ممكن الملك مايدري عنها .. وقالها أمام الملآ كله .. حتى لو مايدري تقول الملك مايدري ..! والأعظم أنك أنت تمثله ..! الحكومه مع الحزب الديني يعتبرون تيار يقود الدوله .. كيف واحد منهم يقول هالكلام عن الثاني ..! هالشيء فيه نقطه خلل يستفيد منها المعارضين للدوله مثل الفقيه وغيره لأنهم يعتبرونه أختلاف بين حزب الدوله الأساسي .. وهذا مب زين ابداً للدوله .. علماء كثير مش راضين الجرايد مليانه أراء ناس تكتب عن الأختلاط .. والقنوات تحدثت .. المسأله مسأله أن واحد من الحزب أخطأ في حق مجموعته .. وأرجع وأعيد الخطأ مب في الفتوى الخطأ في مسأله ( الملك مايدري ) .. طيب أنتا مو ملزوم تقول هالكلام كان من الاولى فيك أنك تصرح بالفتوى بس .. كثير قرارات دينيه هنا وقف العلماء بوجهها ومنعوها ولازلوا والدوله تأيدهم وبقوه .. منها السينما والقياده ووو .. أمور كثيره جداً مع أنه فيه مطالبات وأشياء كثيره ولكن التيار الديني هنا قوي جداً جداً ولله الحمد والدوله تأخذ فيه كثيييير .. بس المشكله لما نكون أنا وأنت حزب نمثل بعض وتجي أمام الملأ وتقول أن الامور تجري من تحتي ..! أجل وش خليت للي يعارضونا ..! فهمتوا كيف .. لو كان القرار صادر علشان فتوى أقل شيء كان يصدر بسبب طلبه .. مايصدر أعفاء لأن الشيخ يمثل هيئه كبار العلماء وهي جزء من منظومه الدوله .. عموماً المتصل دس السم بالعسل .. وأنا مادري وش يحس به .. قطري وجاء يتكلم .. ياخي أنصح حكومتك اللي مسويه قاعده عسكريه لأسرائيل .. أنصح شعبك اللي يطلع متبرج ..! تجي تتكلم عندنا .. وش تبي وش دخل أمك فينا ..؟ الشيخ للأسف بطيبه قلب لم ينتبه لخباثه القطري ذا .. وأنجرف وقال كلام غير الفتوى للأسف هو من أفقده منصبه في الدوله .. عموماً هو باقي ماراح ولو أنه الدوله أقالته علشان فتواه كانت منعته من العمل كأستاذ في الجامعه .. لأنه بكذا راح يأثر على توجهات الطلاب .. بس المسأله مسأله أتحاد قوه .. فقط .. مش مسأله فتوى أو دين أو أنفتاح ومادري أيش .. هو باقي في عمله وان شاء الله ربي يعوضه .. بس باقي عندي شيء بسأل فيه : ليش كميه البكائيات الكبيره جداً هنا ..! هل الشيخ قتل ..؟ أو صلب ..؟ أو حبس ..؟ أو منع من العمل ..؟ هو موظف لدى الملك والملك أقاله ..! بس .. وش المشكله ..؟ التيار الديني باقي للي يقولون بدأ العلمان ومادري أيه .. من قبل يولد الشيخ الدكتور سعد الشثري ونحن الحمدلله نتمتع بديننا الأسلامي ومع علماء وفقهاء كبار ومعه وبعده بأذن الله .. حتى هو أتوقع آخر شيخ أنضم لهيئه العلماء يعني باقي توه منضّم .. والى أن يرث الله الأرض بيظل الدين قائم وله أهله ومناصريه .. لو خليت خربت .. بس حنا شعب عاطفي .. أي شيء فيه كلمه شيخ نتباكى عليه .. وكأننا بنجي لزمن نعبد فيه الصالحين أعوذ بالله .. قليلاً من التوسط .. نقول فتوى الشيخ لاغبار عليها والأختلاط حرام وهذا شيء يخل بقوه الجامعه اللي تبي تعتبر الأن من أقوى الجامعات في العالم .. بس برضو نقول الشيخ أخطأ في مسأله الأمور التحتيه على الملك .. طبعاً : وجه نظري ..