صبآح الخيـر / مسآء الخير
انا من زمان ماكتبت عن الموضوع هذا
بس صراحه حزت بخاطري شويتين من بعض الناس
تدق عليك وحده وانت ترد بكل حسن نيه تقولك ( احبك ) !!
من متى صارت الكلمه سهله اساساُ .. !
آحـبـك
الكلمه هذي لها معاني كثيره وكلها تخص القلب
وكلنا يدري في هالشي لكن فيه البعض ماخذينهـا لعبه
الـقـلـب
من اسهل شي انك تسلم قلبك لأحد
بس من الصعب انك تاخذه منه .. !
لـعـب
بحسب مفهوم الجهل الموجود في مجتمعاتنا
ان الحب لعب والاهم العادات والتقاليد .. !
هذي ثلاث محاور كل محور متعلق بالآخر ..
آحـبـك
صار من السهل جداً اي شخص ينطقها
بس والله صعب صعب صعب تلاقي من يحس فيهـا .. !
احيانا كثيره اشوف في مجتمع الشباب والبنات شي اسمه حـب وهـمـي
ممكن الطرف الاول يحبه بكامل قلبه ويموت فيه
لكـن !!
الطرف الآخر تلاقيه يضحك بكل ماعنده على اللعبه الي يسويهـآ .. !
مع الاسف تشوف المجتمعات الغربيه والمتفتحه ان مهما كنت انت يالشاب وانتي يالفتاه
تعرفين الشخص هذي الكلمه مايقولها اي شخص .. !
لانهم يدرون ان اخذوها لعب راح تستمر لعب
بعكس مجتمعنا اذا تبي تلعب تقول بكل بساطه احبك .. !
صدقوني هالكلمه راح تهين نفسها بنفسهـا رغم انها ممكن تكون طاهره جداً
والسبب الجهـل العاطفـي الي عايشينـه
الـقـلـب
ممكن مع الوقت ومع العشره راح تسلم قلبك لأحد بدون ماتدري
بس انا اقول ان الي يروح عنه قلبه بدون مايدري مظلوم وظالم
كيف ؟
مظلوم ان هالشي ماهو بيده
وظالم اذا كان الطرف الاخر ماسلمه قلبه .. !
الموضوع كبير احيانا يوصل الواحد للجنون وانا اليوم بالتحديد رحت زرت واحد وربي
الحب جنـنـه صار من كثر مايحبها ينطق اسمها بين كلمه وكلمه .. !
لانه سلمها قلبه وهي ما استاهلته اساساً لان كل شي من البدايه كان لعب ..
استخف لانها تزوجت غيره وكان ناوي يطق باب ابوها بس هي ماصبرت اسبوع .. ؟!
قمة السخافـه الحب في مجتمعنـا
رغم اني لو احلف انها لو تزوجته كان حطهـا بعيونه .. !
انا ما الومه ولا الوم الي جا وخطبها الومها هي
لانها ظلمت الاثنين الحين وش ذنب الي خطبها انظلم بحياته الحين .. !
لـعـب
امسك الجوال ودق على اي رقم وقل احبك وتمتع باللعبه الي راح تصير
والمهزله تستمر .. !
والاهم على قولتهم العادات والتقاليد
انا وش ذنبي اخطب وحده من اقاربي ولا من معارف الاهل
وانا مادري اذا لها علاقه قبلي ولا لا .. !
مهما كنت متاكد انها ماتكلم احد وانك كاتمها ببيتك مافيه ضمان انها ماتلعب بذيلها ..
انا اتكلم عن السلبيات لان الايجابيات ماراح تخلينا نتقدم .. !
انا استغرب من اهل نجد والتشدد الي هم عايشين فيه ..
مهما خليت البنت محبوسه صدقوووني لو براسها تلعب راح تلعب وماحد درا عنها
والمساله تنطبق على الولد
خصوصا لما يقول اني بسافر برا يجي الوالد الله يجزاه خير يمسك العقال ويقوله اقضب ارضك
ياخي بتضمن انه لو كان عندك مهوب مسوي شي ؟
المفروض تكون فيه ثقه وحريه اكثر بس ماتكون اكثر من الازم احتراماً للدين والعادات والتقاليد
حتا الاسواق الي ملينا وحنا نتكلم للعوائل
طيب انا اعرف واحد يدخل الاسواق مع وحده يلعب معها ؟!
يعني تبونا نسوي كذا عشان ندخل ؟
بتقولون لي ان الشباب راح يغازلون
اقولك وربي الكعبه والي خلقني مافيه واحد راح يغازل وحده محترمه ومتدينه .. !
نتكلم بصراحه ونطلع الي في قلبنا لكن من يقدرنـا ويثق بإخلاقنـا .. ؟؟
تـم
بقلم / تحدوه البشر